E Jerimaia ne akhasẹ vbe gbẹn ihuan ya viẹ e Josaia ne ọba. Ihuan na ọ re iran ni so ihuan, ikpia kevbe ikhuo ghi ya khiẹ ọre vbe iran a gha khiẹ ọre. Te ọ ghi do khian iyi otọ ne iran gha ru ẹe vberriọ. Ihuan na rre usun avbe ihuan akhiẹ ne a si koko.
Ohan ehe ni yo hia ghi gha mu ẹẹn, owẹ ne a ya khian ghi do zẹ ẹbe nuẹn. Eto ruẹ ghi do khian nọfua. Vbe u ghi te do zẹ owẹ, ọ ghi ba kua, iro hia ghi wii. Ehe ikẹtin okiekie mwa ọ re ima ghi rrie na, akhiẹ ghi do gha rre idunmwu nii.
Ivbi e Jerusalẹm, wa gha khiẹ, wa zẹ eto uwa hẹ kua, wa ya so ihuan orinmwi vbe uhunmwu oke rhunmwuda, ohu mu imẹ ne Nọyaẹnmwa I keghi vbe he avbe emwa mwẹ.
Eyan ne a yan ma rẹn na gha khian ihuan orinmwi. Avbe ikhuo uhunmwu ẹvbo hia gha so ẹe ya khiẹ Igipt kevbe avbe emwa rẹn. Mẹ ne Nọyaẹnmwa ne Oghodua tae nẹ.”
Ọ gha sẹ ẹghẹ nii, emwa ghi gha ya emwi ne ọ rruan uwa kpa itan zẹ vbe igiemwi ọkhọ, iran ghi vbe gha so ihuan iro na vbe ekpa emwi ne uwa miẹn: “A ya ima obọ sin otọ nẹ fẹẹrẹ! E Nọyaẹnmwa miẹn ima otọ nẹ, ọ keghi mu ne iran ni viọ ima oghunmwu.”