Jerimaia 9:1 - Edo Bible (E Baibol Ẹdo) Version 1996

¹ Akpawẹ uhae amẹ ọ re uhunmwu mwẹ khin nian, ne aro mwẹ vbe gha re uhunmwu ẹzẹ ne ọ lẹẹ, ne I miẹn ehe na gha viẹ, asọn kevbe avan, ne avbe emwa mwẹ ne a gbele ua!

Jerimaia 9:1 ပူးပေါင်းရင်းမြစ်များ

Psalm 119:136

Ameve mwẹ lẹ kua zẹ vbe ẹzẹ, rhunmwuda ne emwa i na ya uhi ruẹ ru emwi.

Psalm 42:3

Asọn kevbe avan ọ re I ya viẹ egbe, ameve ọkpa ọrọre evbare mwẹ ẹghẹ hia, avbe eghian mwẹ ghi gha nọ mwẹ wẹẹ, “Osanobua ruẹ vbọ?”

Psalm 55:7

Te I gha wa kakabọ tin rrei, ne I ya bọ owa mwẹ ye uwu ato.

Aizaia 16:9

Banbanna nian, I viẹ ugbo azara e Sibma, I vbe viẹ Jazẹ. Ameve rhọ vbe aro mwẹ ne Hesbọn kevbe Elealẹ rhunmwuda, emwiorhọ i rrọọ ne ọ gha ya ẹko avbe emwa nii gha rhiẹnrhiẹn.

Aizaia 22:4

Banbanna nian, wa hẹko sẹ mwẹ rae ne I viẹ eve orriara ne avbe iran ni wulo vbe emwa mwẹ. Wa ghẹ zẹdẹ hia ne uwa fu mwẹ ẹko rre.

Jerimaia 13:17

Adeghẹ uwa ma zẹ yọ, I gha ya viẹ vbe ẹkhokho rhunmwuda itengbemu uwa I gha viẹ eve orriara, ameve, mwẹ ghi gha rhọ kua, rhunmwuda, a munọ emwa oghunmwu viọ gha rrie.

Jerimaia 14:17

E Nọyaẹnmwa keghi yan tama mwẹ wẹ ne I ta ẹmwẹ akhiẹ mwẹ ma emwa nii, ne I tama iran wẹẹ: “Te ameve gha lẹ vbe aro mwẹ ke avan kevbe asọn I i gha dobọ eve ne I viẹ iran re yi rhunmwuda ẹwẹn ne ọ da ọ re a fian avbe emwa mwẹ re, obọ wa vbe daa iran.

Jerimaia 3:10

Vbe iyeke ena hia, e Juda ne okhuo ne ọ ma guobọ ọdọ ne ọtẹn Izrẹl keghi ye ọvọvo bu mwẹ gha dee, ọ ma sẹ ọ re otọ ẹko hiehiere. Mẹ ne Nọyaẹnmwa ọ re ọ tae.”

Jerimaia 4:19

Obalọ ẹre! Egbe mwẹ i rrọ obalọ ẹre, udu mwẹ! Udu mwẹ wa fi kpikpikpi I i sẹtin hunwan, i họn ẹmwẹ avbe okpe nii, deba ugomwẹ okuo.

Jerimaia 5:7

E Nọyaẹnmwa keghi nọọn wẹẹ, “Vbọzẹ ne I gha na ya orukhọ emwa mwẹ bọ iran yi. Iran hee mwẹ yotọ nẹ, iran keghi ya gha ga ẹbọ ne ẹ i re emwirhọkpa. I kokoo emwa mwẹ ne ẹko vuọn iran. Sokpan, iran keghi ya gha ru ọghe, iran vbe igberagia keghi gba gha mu yọ mu hin.

Jerimaia 6:26

E Nọyaẹnmwa khama emwa rẹn wẹẹ, “Wa viọ ukpọn akhiẹ ye egbe ne uwa gha wunnu vbe uwu emuẹn, wa ye ameve ne ọ rriara khiẹ zẹ vbe ne ọmwa gha khiẹ ukpọmọkpa, rhunmwuda emwa ne ọ ra do fuẹn uwa a gha dekun uwa vbe amaro amakọ.

Jerimaia 8:18

Akhiẹ mwẹ i mwẹ ukhunmwu I khuọnmwi emianmwẹ udu.

Jerimaia 9:18

Emwa nii keghi kha wẹẹ, “Wa tama iran ne iran zẹgiẹgiẹ, ne iran so ihuan irorinmwi ne ima, rhinrin aro mwa te vuọn ne ameve ne ifuẹn aro mwẹ gbọfọ rhunmwuda eve.”

Eve Orriara 2:11

Aro mwẹ so oze ba ẹmwẹ eve, orhiọn mwẹ vbe rre uwu obalọ nọkhua. Akhiẹ ugbelemwẹ emwa mwẹ gbe mwẹ fi otọ. Ke emọ obọ kevbe emọ owẹ ehia gha sahẹ vbe adesẹ ore ẹvbo.

Ezikiẹl 22:12

Eso vbe uwu avbe emwa uwa de izigha ya miẹn igho. Eso miẹn igho isu vbe ivbi Izrẹl ne ihua iran ne iran rhie igho na, iran ghi do ye ne iran na mu iran vbuẹvbuẹ fe. Iran mianmian mwẹ nẹ. E Nọyaẹnmwa ne Udazi guaan nẹ.

Hozia 7:4

Ekhọe ababe kevbe ni sọtẹ ọ re iran hia khin. Ikhuiwu iran gha yọn zẹvbe erhẹn vbe aroewu, ne a miẹn wẹ, ọmwa ne ọ le ebrẹd i si yọ ọ te do sẹ ẹghẹ ne ọ ra ya le ebrẹd.