Jerimaia 8:17 - Edo Bible (E Baibol Ẹdo) Version 1996

¹⁷ E Nọyaẹnmwa khare wẹẹ, “Wa gbe aro kotọ, I ra viọ ẹyẹn ku uwu ẹbu uwa, avbe ẹyẹn ni mwẹ obi, ne ẹ i gia vbe ta ẹre ohun, iran gha salọ uwa.”

Jerimaia 8:17 ပူးပေါင်းရင်းမြစ်များ

Psalm 58:6

Guọghọ akọn avbe oduma ni khọ na, Osanobua.

Asan-Ibo 10:11

A rẹn vbene a ya ta ẹyẹn ohun hẹ ighi mwẹ esa, a deghẹ u gie ẹyẹn nii ka ho ruẹ ẹmwẹ nẹ.

Aizaia 14:29

Ivbi e Filistia, orhokhua ne ọ ya gbele uwa bunnọ, sokpan, emwi ne uwa gha ghọghọ yi i zẹdẹ rrọọ. Ẹyẹn okpa gha wu, ọvbehe ne ọ rhia sẹẹ ọre ghi rhie ihe ẹre. Ekẹn ẹyẹn ghi gbe Ugbogiorinmwi ne ọ tin ladian.

Emọs 5:19

Te ọ ra yevbe ne ọmwa lẹ ne oduma, ọ na dekun akpakomiza! Ra ọmwa ne ọ lẹ la owa, ọ na rhie obọ yan ekẹn, ẹyẹn keghi sa a ẹe.

Emọs 9:3

Iran gha ya lẹre ye odukhunmwu Oke Kamẹl, te I gualọ iran mu. Iran gha lẹre mẹ vbe ototọ okun, I ghi tama Ugbogiorinmwi amẹ ne ọ fian iran re.

Nọmbas 21:6

Ẹre Nọyaẹnmwa na gie ẹyẹn ne ọ mwẹ obi la uwu ẹbu iran, ẹyẹn keghi salọ nibun vbe uwu ivbi Izrẹl, iran keghi wulo.

Diuteronomi 32:24

Ohanmwẹ kevbe emwirraro gha gbele iran an, emianmwẹ ne ọ mu ohan gha gbele iran an, I gha gie aranmwẹ akọn ne ọ gha gu iran khọn, kevbe ẹyẹn ne ọ mwẹ obi nọ ọ gha ho iran ẹmwẹ

Arhie Maan 9:19

Rhunmwuda, ẹtin avbe ẹsin na, unu iran kevbe ẹrhunrhun iran, ọre ọ ye. Ẹrhunrhun iran keghi ye vbe ẹyẹn ni mwẹ uhunmwu, ọna ọre iran ya gha ru emwa emwi.