Jerimaia 8:15 - Edo Bible (E Baibol Ẹdo) Version 1996

¹⁵ Wa rhie aro ye odẹ gha khẹ ọfumwegbe kevbe ẹghẹ amu ọmwa egbe rran, erhọkpa ma dunna, sokpan emwi ohan nọkhua ọ re ọ rre ye ihe ẹre.

Jerimaia 8:15 ပူးပေါင်းရင်းမြစ်များ

Job 30:26

Ọyẹnmwẹ kevbe uwanmwẹ ọre I te rhie aro yi, sokpan ibaro kevbe ebiebi ọ re I ghi miẹn.

Jerimaia 12:12

Emwa wa fian uhunmwu oke ato ni rra do fu emwi hẹ, I gie okuo ne ọ ya fuẹn otọe nii hia a, ọmwa ne ọ ra gha rre ọfumwegbe i rrọ.

Jerimaia 14:19

E Nọyaẹnmwa, te uwẹ wa he Juda fo fẹẹrẹ ra? Te uwẹ mu ohu emwa ni rre Zaiọn ra? Vbọzẹ ne u na mu ohu ima sẹ vberriọ yi ne a na miẹn wẹ, a i ghi sẹtin mu ima egbe rran? Ma rhie aro ye ọfumwegbe sokpan, emwi ọma rhọkpa ma sunu, ma rhie aro ye amu ọmwa egbe rran, sokpan, emwi ugborrirri ọ re ọ rre.

Jerimaia 4:10

Ẹghẹ nii ọ re imẹ na kha wẹẹ, “E Nọyaẹnmwa ne Udazi, uwa hiẹ ivbi e Jerusalẹm fẹẹrẹ. U te kha wẹ ọfumwegbe gha rrọọ, a rhie umozo yan iran ẹho.”

Jerimaia 6:25

Ohan i ghi gie ima khian ladian hin adesẹ ore ẹvbo rre, ra ne a khian lele ukpo, rhunmwuda, te avbe eghian mwa viọ emwi igbinna mwẹ, ohan rre ehe hia lẹga mwa.”

Jerimaia 8:11

Iran gha ru vbene a miẹn wẹ ẹwẹn avbe emwa mwẹ, emwi ne ọ bolo ọmwa egbe kẹkan nọ. Iran gha kha wẹẹ, ‘Ehia wa maa vberriọ,’ emwi ne ọ maa rhọkpa irrọọ.

Ezikiẹl 7:25

Egbe wọmwẹ dee. Wa gha gualọ ọfumwegbe, wa i ra vbe miẹn ọẹn.

Maika 1:12

Ivbi e Marọt rhie aro ye odẹ gha khẹ ne a bu iran rre, rhunmwuda, e Nọyaẹnmwa si ọkhọ kẹ ore Jerusalẹm nẹ.

I Tẹsalonaika 5:3

Ẹghẹ, ne emwa gha na gha kha wẹẹ, “Ore wa ma nian, ẹbe i rre odẹ,” Orriọkhọ ghi de gbe iran vbe udomwurri. Ọkpa ne ọ ra miẹn uhunmwu ẹ i rrọọ, te ọ ra ye vbe obalọ okhuo ne emwi ubiẹmwẹ ru.