Jerimaia 8:14 - Edo Bible (E Baibol Ẹdo) Version 1996

¹⁴ Emwa Osanobua keghi nọ wẹẹ, “Vbọzẹ ne ima na tota hẹkpẹẹ yi? Wa larre, wa gie ima lẹ gha rrie avbe ẹvbo ne a gbe odin gaa nii, ne ima ya wulo vbe odọ. Osanobua bu ohiẹn uwu gbe ima nẹ, ọ mu eruan ne ima wọn ne, rhunmwuda ne ima na ru orukhọ ghe ẹre.

Jerimaia 8:14 ပူးပေါင်းရင်းမြစ်များ

II Samuẹl 20:6

Ẹre ọba na tama Abisiai wẹẹ, “Ukpokpo ne Siẹba gha rhie ne ima gha kpọlọ sẹ ọghe Absalọm. Viọ emwa mwẹ ne u khu ẹe ne a ghẹ miẹn wẹ ọ ya la ẹvbo ne a gbe odin gaa, ọ ghi la evba lẹ fua hin obọ mwa rre.”

Psalm 39:2

Mẹ wa hunwan, vbene I ma na ta ifiẹmwẹ ọkpa kẹkan, uhin yasẹ vbe ekpa emwi ne ọ maa! Sokpan, te oya ne I re ye gha khọrhiọn sayọ.

Psalm 69:21

Ẹghẹ ne ohanmwẹ na gha gbe mwẹ iran keghi rhie eruan mẹ, ẹghẹ ne ovbamẹ na gha gbe mwẹ iran keghi mu okikan gun mwẹ.

Aizaia 47:5

E Nọyaẹnmwa tama e Babilọn wẹẹ, “Tota ne u hunwan hii vbe uwu ebiebi a i ghi dọlegbe tie ruẹ oloi avbe uhunmwu ẹvbo!

Jerimaia 14:20

Ma ru orukhọ ghe ruẹ nẹ, Nọyaẹnmwa ma miẹn orukhọ mwa kue, kevbe orukhọ avbe erha mwa odede.

Jerimaia 14:7

Avbe emwa mwẹ viẹ bu mwẹ gha dee wẹẹ, ‘A gha rhe miẹn ighẹ orukhọ mwa gu ima gui, yi ima obọ vbene u yanrẹn Nọyaẹnmwa. Ẹghẹ nibun ọ re ima ya fi yeke gbe uwẹ, ma ru orukhọ ghe uẹ.

Jerimaia 23:15

Rhunmwuda ọnii nian, emwi ne I mẹ ne Nọyaẹnmwa ne Oghodua tae vbekpa avbe akhasẹ ni rre Jerusalẹm ọ re ọna khin. I gha rhie ukpakọn ne ọ rriara ne iran kpe I gha mu eruan ne iran wọn rhunmwuda iran ya a i ka Osanobua yọ gba otọe ni hia.”

Jerimaia 3:25

“Te ọ kere ne ima lovbiẹ ye otọ ne emwiekhue, ne efaa gue mwa. Ẹghẹikẹghẹ ọ re ima vbe avbe erha mwa odede wa ya gha rukhọ ghe Nọyaẹnmwa Osanobua mwa. Ma ma he vbe họn ẹmwẹ ne ẹẹn ẹdẹ.”

Jerimaia 35:11

Sokpan ugbẹn vbe Nebukiadneza ghi mu okuo la ẹvbo na, ọ re ima na wẹ ne a gha die Jerusalẹm ne a miẹn ehe na lẹfe vbe obọ ivbiyokuo e Babilọn kevbe Siria. Ọnii ọ sii ẹe ne ima na rre Jerusalẹm.”

Jerimaia 9:14

Sokpan iran keghi zevbudu, iran ke ya gha gho e Baal ne ẹbọ, zẹ vbene avbe erha iran ma iran re ne iran gha ru.

Jerimaia 9:15

Rhunmwuda ọnii nian, danmwehọ emwi ne imẹ ne Nọyaẹnmwa ne Oghodua ne Osanobua Izrẹl, gha ru. I gha rhie erhan ne ọ rriara ne emwa mwẹ kpe zẹvbe ukpakọn, I ghi vbe mu eruan ne iran wọn.

Eve Orriara 3:19

Iro ẹmwẹ obalọ ne ọ rrọ mwẹ egbe kevbe a i mwẹ owa, eruan orriara nọ mẹ.

Levitikọs 10:3

Ẹre Mosis na tama Errọn wẹẹ, “Emwi ne Nọyaẹnmwa gha kha ẹghẹ nii ọre ọ na khin vbe ẹghẹ ne ọ na kha wẹẹ, ‘Iran hia nii ga mwẹ, ọ kere ne iran gha da ne uhuanmwẹ mwẹ, I gha rhie uyi mwẹ ma emwa mwẹ.’ ” Sokpan Errọn ma guan ẹmwẹ rhọkpa.

Emọs 6:10

Ọtẹn ọmwa ne ọ wu, ne ọ vbe yan irorinmwi, ọ re ọ ra dada ikun orinmwi ni hin uwowa rre. Ọtiọnrẹn ni ghi vbe nọ ọmwa ne ọ rhirhi ghi kẹe vbe owa ni wẹẹ, “Wẹ vbe ọmwarhọkpa gba rre evba ra?” Ọmwa ni ghi wanniẹn wẹẹ, “Ẹn o!” Ọtiọnrẹn ni ghi kha wẹẹ, “Gia họn ẹmwẹ! Te ima gha mwẹ ẹwaẹn ne a ghẹ vbe ya gbe unu ye eni e Nọyaẹnmwa.”

Habakọk 2:20

E Nọyaẹnmwa rre uwu Ọgua Osa ẹre nọhuanrẹn, wa gie emwa hia ni rre otọ agbọn gbẹdọ hiii vbe odaro ẹre.

Zẹkaraia 2:13

Wa gbẹdọ, wa ne emwa hian fẹẹrẹ, vbe ehe ne Nọyaẹnmwa ye, rhunmwuda, rẹn ke ehe nọhuanrẹn ne irẹn dia dee.

Matiu 27:34

Evba iran na mu ayọn ne a ya okikan gua ne ẹn da, sokpan ugbẹn vbe ọ ghi danmwẹ ọẹn ọ ma dae.

Diuteronomi 29:18

Wa ghẹ gie a miẹn wẹ, ọ re okpia nọ ra okhuo nọ, ẹgbẹe ra ẹwae ni rre emwa ẹrẹna, fiwerriẹ hin ehe ne Nọyaẹnmwa Osanobua mwa ye rre, ne iran ya gha ga ẹbọ ẹvbo ọvbehe. Te ọnii ra gha yevbe inian ne ọ zọ ladian do khian erhan ne ọ rriara kevbe ne obi ye.

Diuteronomi 32:32

Eghian iran ni sakan an vbe Sọdom kevbe Gomorra, ye vbe erhan ohọ ne ọ mọ orriara kevbe eruan,