Jerimaia 7:32 - Edo Bible (E Baibol Ẹdo) Version 1996

³² Rhunmwuda ọnii, ẹghẹ dee ne ai ghi ra ye gha tie ẹre Tofẹt ra Iya Hinọm sokpan Iya Ugbelemwẹ. Iran gha ya gha re orinmwi ye evba, rhunmwuda, ehe ọvbehe i ghi ra gha rrọ ne a gha re iran yi.

Jerimaia 7:32 ပူးပေါင်းရင်းမြစ်များ

II Ọba 23:10

E Josaia ne ọba kevbe rhia e Tofẹt rua, ehe ne iran na te vbe ga ẹbọ vbe Iya e Hinọm, ne ọmwa ikọmwa ghẹ ghi miẹn ehe na giẹn ovbi ẹre ne okpia ra ovbi ẹre ne okhuo rua ya zọ ese ghe e Molẹk ne ẹbọ.

Jerimaia 19:11

Ne I vbe tama iran wẹ e Nọyaẹnmwa ne Oghodua khare wẹẹ; “I gha guọghọ emwa na kevbe ẹvbo na an, ọ ghi ye vbe uru obuẹ ne a guọghọ ua nẹ ẹ i ghi gie a dọlegbe mama kugbe. Emwa gha ya gha re orinmwi iran ye Tofẹt, rhunmwuda ehe ọvbehe i ghi ra gha rrọ ne a gha re iran yi.

Jerimaia 19:13

Avbe owa ni rre Jerusalẹm, avbe owa avbe ọba ni rre Juda, vbe ẹmwata avbe owa hia ne a ghi na gien eturari vbe ẹrhunrhun owa ẹre ne avbe orhọnmwẹ, kevbe avbe owa ne a ghi na sa ayọn kua zẹ vbe emwi izọ ese ghe avbe ẹbọ ọvbehe, ehia ọ re ọ gha khian ne awua ye zẹ vbe Tofẹt.”

Jerimaia 19:2

ne I la Onurho Ọmakhe gha rrie, Iya Hinọm. Evba nii ọ re ọ wẹ ne I na ta uhunmwu ne irẹn gha gie mwẹ re.

Jerimaia 19:6

Rhunmwuda ọnii nian, ẹghẹ dee ne a i ghi ra na gha tie emwa na Tofẹt ra Iya e Hinọm. Sokpan a ghi gha tie ẹre Iya Ugbelemwẹ.

Jerimaia 31:40

“Iya nii hia fẹẹrẹ, ehe ne a mu orinmwi yi, kevbe ne a mu iku yi kevbe avbe oha hia ni rre vbe a gberra ẹzẹ Kidrọn rhinrin ya sẹ Onurho Ẹsin vbe odẹ ahọ, ehia ghi gha re ne ọ huanrẹn mẹ. A i ghi dọlegbe siẹn ẹvbo nii sotọ ra ne a guọghọe rua ọvbehe.”

Jerimaia 7:31

Iran ma Ogiukpo okpa ne iran tie ẹre Tofẹt ye Iya Hinọm, ne iran miẹn ehe na gha ya ivbi iran nikpia ke nikhuo zọ ese vbe erhẹn. I ma gie iran ru emwi na, ọ ma vbe zẹdẹ gha rrọ mwẹ ekhọe hiehiere.

Ezikiẹl 6:4

A gha siẹn avbe Ogiukpo ni rrọ sotọ, a gha vbe dunmwu avbe Ogiukpo eturari hẹ kua. A gha gbele emwa hia ni rre evba ye odaro ẹbọ nii.

Levitikọs 26:30

I gha guọghọ ehe ne uwa na ga vbe uhunmwu oke hia, I ghi dunmwu aka ne uwa na giẹn eturari hia sẹ otọ. I ghi filo ikun orinmwi uwa yan amazẹ uwa ni dele. Vbe uwu ne emwi hia na khan mwẹ.