Jerimaia 7:29 - Edo Bible (E Baibol Ẹdo) Version 1996

²⁹ Ivbi e Jerusalẹm, wa gha khiẹ, wa zẹ eto uwa hẹ kua, wa ya so ihuan orinmwi vbe uhunmwu oke rhunmwuda, ohu mu imẹ ne Nọyaẹnmwa I keghi vbe he avbe emwa mwẹ.

Jerimaia 7:29 ပူးပေါင်းရင်းမြစ်များ

II Ọba 17:20

E Nọyaẹnmwa keghi he ivbi Izrẹl hia ye otọ, ọ na rri iran oya, ọ na vbe hẹ iran ne eghian iran ne ekhọe ẹre wegbe, a te do miẹn wẹ, vbe okiekie, a keghi wa ho iran bẹkun vbe odaro ẹre.

Job 1:20

Ọre Job na guakpaegbe, ọ keghi ya akhiẹ sọ ukpọn ye egbe ẹre ẹkun. Ọ khiokhio eto, ọ na de mu aro rhu otọ.

Aizaia 22:12

Ẹghẹ nii, Oghodua ne Udazi keghi datie uwa ne uwa gha viẹ kevbe ne uwa vbe gha khiẹ, ne uwa khiokhio eto ua, ne uwa vbe rhuan ukpọn akhiẹ.

Jerimaia 12:7

E Nọyaẹnmwa khare wẹẹ, “I hee Izrẹl yotọ nẹ. I sẹẹ uhunmwu ẹvbo mwẹ ne I hannọ zẹ rae nẹ I viọ emwa ne I ho ẹmwẹ ọnrẹn ye obọ ẹtin eghian iran nẹ.

Jerimaia 14:19

E Nọyaẹnmwa, te uwẹ wa he Juda fo fẹẹrẹ ra? Te uwẹ mu ohu emwa ni rre Zaiọn ra? Vbọzẹ ne u na mu ohu ima sẹ vberriọ yi ne a na miẹn wẹ, a i ghi sẹtin mu ima egbe rran? Ma rhie aro ye ọfumwegbe sokpan, emwi ọma rhọkpa ma sunu, ma rhie aro ye amu ọmwa egbe rran, sokpan, emwi ugborrirri ọ re ọ rre.

Jerimaia 16:6

Ke avbe ọdafẹn kevbe avbe ivbiogue ni rre otọe na, ehia gha wulo, sokpan, a i miẹn ọmwa ne ọ gha khiẹ iran ra ne ọ re iran. A i miẹn ọmwa ne ọ gha ya emwi valọ egbe ẹre ra ne ọ khiokhio eto akhiẹ.

Jerimaia 3:2

Wa tọn aro mu ya ghe avbe uhunmwu oke. Ihọkpa rrọọ ra ne uwa ma na he ka do ẹki ebabotu yi? Wa ghi gha mudia khẹ emwa ne uwa zẹ ọre ọse vbe ọkpẹn odẹ zẹ vbene Igabari diakhẹ emwa ni gha defi iran obọ vbe ato. Wa keghi ya ẹki ebabotu ne uwa do mu awua ye avbe otọe nii.

Jerimaia 3:21

A họn owogho eso vbe uhunmwu oke: Ivbi Izrẹl ọ re ọ tulo, ne ọ vbe rinmwian rhunmwuda iran ru orukhọ, iran keghi vbe mianmian e Nọyaẹnmwa ne Osanobua iran.

Jerimaia 47:5

Ivbi e Gaza miẹn akhiẹ nọkhua, ọgbunu gbe ivbi Askẹlọn unu an vbe Filistia ra khiẹ kpee sẹ hẹ vbe otọ yi?

Jerimaia 48:37

Iran hia khiokhio eto mu otọ iran keghi vbe gbẹn ẹtu iran. Iran valọ obọ iran, edọmwadẹ ọghọe keghi vbe rhuan ukpọn akhiẹ.

Jerimaia 6:30

Ikpakpa erhan ne ẹ i mwẹ vbe ọ gia ya ru ọ re iran khin rhunmwuda, mẹ ne Nọyaẹnmwa he iran yotọ nẹ.”

Jerimaia 9:10

Mẹ khare wẹẹ, “I gha khiẹ avbe oke nekhua, I gha viẹ oha ne emwirri na rria rhunmwuda, ehia kae, a i ghi miẹn emwa ni lae gberra. A i ghi họn utumwẹ avbe ẹmila vbọ, avbe ahianmwẹ kevbe aranmwẹ oha lẹ ladian vbọ.”

Jerimaia 9:16

I gha zagha iran lele avbe ehe ne iran tobọ iran ra avbe erha iran odede ma he họn ẹmwẹ ọnrẹn ẹdẹ. I ghi vbe gie ivbiyokuo ne ọ mu aro da iran, rhinrin I te do fuẹn iran an fẹẹrẹ.”

Eve Orriara 5:22

Ra te uwẹ wa he ima fo fẹẹrẹ ra? Ohu ruẹ i ghi mwẹ okhiẹ ra?

Ezikiẹl 19:1

Osanobua keghi tama mwẹ ne I so ihuan akhiẹ na ne ivbi ọba eva vbe otọ Izrẹl:

Ezikiẹl 28:12

“Ovbi ọmwa, gha khiẹ ye emwi ne ọ ra do rruan ọba e Taia. Tama rẹn vbene imẹ ne Nọyaẹnmwa ne Udazi kha hẹ wẹẹ: Vbe ẹghẹ ọkpa de yi, u kegha re igiemwi emwi ne ọ gba na fo. A miẹn vbene u te wan kevbe vbene u te mose hẹ.

Emọs 5:1

Wa ne ivbi Izrẹl wa danmwehọ ihuan orinmwi ne I ra so yan uwa:

Maika 1:16

Wa ne ivbi e Juda, wa zẹ eto uwa ne uwa ya khiẹ emọ ne uwa ho ẹmwẹ ọnrẹn. Wa gie akpan gha rre uwa uhunmwu zẹ vbene ọghe ugu ye, rhunmwuda, a gha miẹn uwa ivbi uwa viọ gha rrie iwe.

Matiu 12:39

Jesu wanniẹn wẹẹ, “Emwa dan ni ma rẹn Osanobua ọre orre na wa khin! Ẹ i re iwinna ọyunnuan wa nọ rẹn? Iwinna ọyunnuan ne a gha rhie ma uwa i ghi vbe rrọọ gberra ọghe Jona ne akhasẹ.

Matiu 16:4

Jesu keghi kha wẹẹ, “Erriọ a vbe miẹn emwa dan kevbe ne ẹnina Osanobua izẹdẹ rre ọre ekhọe vbe ne orre na ye ra? Ẹ i re iwinna ọyunnuan wa gualọ vbe obọ mwẹ? Wa i ra miẹn ọvbehe nian gberra ọ ghe Jona ne akhasẹ.” Ọ keghi kpao sẹ iran rae, ọ na gha rrie.

Matiu 23:36

Ne I tama uwa, orre na ọre ọ ra rrioya ye ẹmwẹ na hia!

Matiu 3:7

Ugbẹn vbe Jọn ghi miẹn ighe avbe Farisi kevbe e Sadusi vẹ bu irẹn rre ne ọ do samẹ ne iran, ọ tama iran wẹẹ, “Wa ne ẹyẹn, gha ọ ghi giodẹ ne uwa gha na miẹn uhunmwu vbe obọ irriaikhi Osanobua ne ọ dee ma uwa yi?

Iwinna 2:40

Pita keghi kakabọ gu iran guan, ọ keghi ya ẹmwẹ ni bun bu iran ude wẹẹ, ne iran rhie uhunmwu iran lẹre hin ikhi ne a ra do rria emwa dan na re.

Diuteronomi 32:5

Sokpan wa i re emwata, wa ma kei ye emwa ẹnrẹn ẹvbo orukhọ kevbe ne ọ vuọn ne erẹrẹ.