Jerimaia 7:26 - Edo Bible (E Baibol Ẹdo) Version 1996

²⁶ Sevba ọmwa ne ọ zẹyọ ra ne ọ vbe danmwehọ I rrọọ, sokpan, wa keghi do ze vbe, udu wa keghi vbe sọtẹ sẹẹ avbe erha uwa odede.

Jerimaia 7:26 ပူးပေါင်းရင်းမြစ်များ

I Ọba 14:22

Ivbi e Juda keghi rukhọ ghe Nọyaẹnmwa, iran keghi ru emwi ne ọ gha gu izohu ẹre kpao ẹsẹse sẹ avbe erha iran odede.

I Ọba 14:9

Orukhọ ne u he ru sẹ ọghe iran hia ni ka gha rriọba khẹ ruẹ ẹsẹse. U fi iyeke gbe mwẹ nẹ, u keghi gua izohu mwẹ kpao vbekpa ne u na gha mannọ amazẹ, u na dunmwu ẹbọ ematọn ne u miẹn gha gho.

II Ọba 17:14

Sokpan, iran ma họn ẹmwẹ ne ọ tama iran, iran na vbe gha yin uyinmwẹ dan ne erha iran vbe yin ne iran ma na ya e Nọyaẹnmwa ne Osanobua iran yi.

II Ọba 17:15

Iran na vbe yangbe obọ ne ọ ya sẹ ekhae, iran na ya gha gho ẹbọ ni kẹkẹ ua, iran tobọ iran kevbe khian emwa ni kẹkẹ ua, iran keghi ru emwi uyinmwẹ ọmotọ ọghe ẹvbo ni lẹga iran, vbene iran ma na zẹ ye ẹmwẹ ne Nọyaẹnmwa khare wẹ ne iran ghẹ ye egbe ta iran.

II Krọnikol 30:8

Wa ghẹ ze vbe udu vbene iran ye, sokpan, wa họn ẹmwẹ ne Nọyaẹnmwa. Wa gha die Ọgua Osa ne ọ rre Jerusalẹm, ehe ne Nọyaẹnmwa ya khian ne ọ huanrẹn nẹ ẹdẹdẹmwẹdẹ, ne uwa do ga ẹe, ne ọ ghẹ ghi mu ohu ghe uwa.

II Krọnikol 33:10

Vbene Nọyaẹnmwa ya obọ sekhae ne Manasẹ kevbe emwa rẹn sẹ iran ma zẹ yọ.

II Krọnikol 33:23

sokpan, aro irẹn ma rriotọ vbe ẹghẹikẹghẹ ne ọ vbe fiwerriẹ bu e Nọyaẹnmwa gha dee vbene erha ẹe ru, ọ keghi kakabọ ru orukhọ erha ẹe ẹsẹse.

Nehimaia 9:29

U yan ma iran, ne iran gha ya emwi ne u ma iran ẹre yin, sokpan vbe uwu uhiomwẹ iran fi iyeke gbe uhi ruẹ, a gha rhe miẹn wẹ a rhie Uhi ruẹ lẹre ọkpa ọre uhunmwu agbọn ne ọ maa ye uhunmwu ibiba, kevbe ni ze vbe udu, iran he ne iran ya ẹe ru emwi.

Itan 29:1

Adeghẹ te u wa dọlegbe zevbudu yọ ẹghẹikẹghẹ ne a ya guẹ gui ne a dia ruẹ ye odẹ, ẹdẹ ọkpa, emwi gha degbe uẹ, u i ra vbe miẹn uhunmwu vbọ.

Aizaia 48:4

I rẹnrẹn ighẹ wa gha rhie ma ighẹ wa zevbudu wa na ye gbain vbe ematọn, kevbe ne ẹ i vbe vbokho zẹ vbe ẹgere.

Aizaia 5:4

Emwi eso rrọọ ra ne I ma sẹtin ru ne ẹẹn? Vbọ ghi zẹ yi, ne ọ na mọ ọmọ ne ọ kaẹn vbe imẹ rhie aro ye ọmọ ni maa?

Jerimaia 11:8

Sokpan, iran ma danmwehọ ra ne iran ya ẹẹ ru emwi. Sokpan, dọmwadẹ ọghọe keghi wa gha ze vbe udu khian, iran na gha ru emwi dan, vbene iran ka ru de ẹdẹ. I tama iran ne iran gha ya ile nii ru emwi, sokpan, iran hee. Rhunmwuda ọnii, I keghi rri iran oya hia ne a ya unu kan vbe uwu ẹre.”

Jerimaia 16:12

Sokpan wa ọ re ọ wa vbe rhia sẹẹ avbe erha uwa odede. Wa hia ọ re ọ wa ze vbe udu, wa kevbe mwẹ ekhọe dan, wa i vbe hẹnmwẹ mẹ.

Jerimaia 17:23

Avbe erha iran odede ma họn ẹmwẹ mẹ ra ne iran zẹ yọ mwẹ re. Sokpan iran keghi ze vbe udu, iran ma họn ẹmwẹ mẹ amawẹ ne iran ruẹ emwi vbe ehe ne I ye.

Jerimaia 19:15

Wẹ e Nọyaẹnmwa ne Oghodua, ne ọ re Osanobua Izrẹl khare wẹẹ, “Oya hia ne I khare ighe I gha rri iran re, I ra mu ẹẹn sẹ vbe egbe ẹvbo na kevbe avbe ẹvbo ni sikẹ ọre, rhunmwuda, wa zevbudu gbe, wa i vbe danmwehọ ẹmwẹ ne I ta.”

Jerimaia 22:21

Ẹghẹ ne agbọn na gha ma ruẹn, e Nọyaẹnmwa guẹ guaan, sokpan, u ma zẹ yọ ẹre re. Erriọ ọ re uwa ya ẹdẹ agbọn ruẹn hia gha ru ẹe. U ma he họn ẹmwẹ ne Nọyaẹnmwa ẹdẹ.

Jerimaia 25:3

“Ukpo eha yan ugie ọ re ọ ghi ye na, a tie ẹre ukpo iwera ne Josaia ne ovbi Amọn kegha re ọba e Juda gha dee do sẹ ẹdẹnẹrẹ na, ẹre Nọyaẹnmwa ya gha gunmwẹ guan, a ma he vbe miẹn wẹ I ma ta ẹmwẹ ne ọ tae ma uwa. Sokpan wa ma zẹ yọ.

Jerimaia 25:7

Sokpan, e Nọyaẹnmwa tobọ ẹre khare wẹ wa he ne uwa danmwehọ irẹn, wa keghi ya ẹmwẹ amazẹ uwa ya ẹe mu ohu, wa keghi ya obọ uwa sii ẹe rrie egbe ighẹ oya ne ọ rrii uwa ẹre.

Jerimaia 26:5

Kevbe ne uwa gha danmwehọ ẹmwẹ ne avbe eguọmwadia mwẹ ta, kevbe avbe akhasẹ ne I wa gha gie bu uwa rre. Wa ma he ya emwi ne iran tae ru emwi ẹdẹ.

Jerimaia 29:19

Ena gha sunu vbe egbe iran rhunmwuda, iran ma ya ẹmwẹ iran ru emwi ighe avbe eguọmwadia mwẹ ne akhasẹ ne I wa gha gie gie iran. Iran keghi wa he ne iran danmwehọ.

Jerimaia 3:13

Sokpan, u ghi miẹnkue wẹ, wa rriabe kevbe wẹ wa sẹmwẹ e Nọyaẹnmwa ne Osanobua uwa. Miẹnkue wẹ u rhie aho ruẹ ne avbe ẹbọ ẹrrẹe vbe ototọ erhan ni mwẹ ebe ni bii hia kevbe wẹ u ma ya ẹmwẹ mwẹ ru emwi. Mẹ ne Nọyaẹnmwa ọ re ọ tae.

Jerimaia 32:23

Sokpan, ugbẹn vbe iran ghi sẹ otọe na, vbe iran ghi yan ẹnrẹn nẹ, iran ma ya uhi ruẹ ru emwi ra ne iran gha yin zẹ vbene u ma iran ẹre. Iran ma ru avbe emwi ne u wẹ ne iran ru rhọkpa. Ọre u na gie ọkhọ na hia rruan iran.

Jerimaia 34:14

ukpo ihinrọn hia, ọ re iran gha ya gha fannọ avbe eviẹn iran ni re ivbi e Hibru kua vbe iran a ghi ga iran la ukpo ehan nẹ. Sokpan, avbe erha uwa odede ma zẹyọ mwẹ re, ama ghi wẹ te iran ra danmwehọ ẹmwẹ ne I tae.

Jerimaia 35:15

I gie avbe eguọmwadia mwẹ i ghe avbe akhasẹ gie uwa, iran vbe tama uwa ne uwa mu emwi dan ne uwa ru fua ne uwa gha ru emwi ne ọ gbae, iran tama uwa ne uwa ghẹghi ga avbe ẹbọ ọvbehe, ne uwa miẹn ehe na gha yin otọe nii ne I mu ne uwa kevbe avbe erha uwa odede. Sokpan, wa ma danmwehọ mwẹ a ma wẹ te uwa ghi ra zẹ yọ mwẹ re.

Jerimaia 35:17

Rhunmwuda ọnii nian. Mẹ ne Nọyaẹnmwa ne Osanobua Izrẹl, gha gie ẹe gele rruan uwa ne ivbi e Juda kevbe ivbi e Jerusalẹm avbe ọkhọ ne I khare ighẹ ọ gha rruan uwa. I gha ru ẹe vberriọ rhunmwuda wa ma danmwehọ mwẹ vbe I gu uwa guan, wa ma khuẹnniẹn mwẹ vbe I tie uwa.”

Jerimaia 44:16

“Ma i ra zẹdẹ zẹ ye ẹmwẹ ne u ya eni e Nọyaẹnmwa tama ima.

Jerimaia 5:3

Vbe ẹmwata, emwi ne Nọyaẹnmwa gualọ ọrọre ayekhọe ga. Ọ fi uwa emwi sokpan wa ma zẹ yọ, ọ rẹnkhẹẹn uwa, sokpan, wa ma ye mwẹ ẹwaẹn wa keghi yin ehọ, wa ma vbe zobọ vbe orukhọ ne uwa ru.

Jerimaia 6:10

Mẹ keghi wanniẹn wẹẹ, “Deghẹ mẹ gu iran guan, I na gha bu iran ude, gha ọ ra danmwehọ mwẹ yi? Iran ze vbe udu, iran he ne iran danmwehọ uhunmwu ne u gie, iran ghi gha giẹ ye ẹmwẹ ne u wẹ ne I tama iran.

Jerimaia 6:17

Ẹre Nọyaẹnmwa na zẹ avbe abodẹ ne iran gha ra ehọ vbene okpe ne a kpe kha hẹ.” Sokpan iran keghi kha wẹẹ, “Ma i ra ehọ emwi rhọkpa.”

Jerimaia 7:24

Sokpan, iran ma họn, iran ma kue vbe zẹ yọ, sokpan, emwi ne ekhọe izevbudu kevbe ekhọe dan ne iran mwẹ tama iran, ọ re iran ru.

Jerimaia 9:13

E Nọyaẹnmwa keghi wanniẹn wẹẹ, “Emwi na sunu, rhunmwuda, emwa fi iyeke gbe emwi ne I ma iran re. Iran ma họn ẹmwẹ mẹ ra ne iran ru emwi ne I tama iran.

Ezikiẹl 12:2

“Ovbi ọmwa, uwu ẹbu etẹ ọ re u ye. Iran mwẹ aro sokpan, iran i bẹghe emwi rhọkpa, iran mwẹ ehọ, sokpan, iran i họn ẹmwẹ rhọkpa, rhunmwuda, etẹ ọ re iran khin.

Ezikiẹl 12:3

“Banbanna nian, ovbi ọmwa kun emwi zẹ vbe ne ọmwa ne ọ lẹ la ẹvbo ẹrrẹe gha wa ru zẹẹ, ne u deyan okhian vbe ẹdẹ te mu. Gie emwa hia bẹghe ruẹ vbe u a ra kpao ne u gha rrie ehe ọvbehe. Ughaghe, avbe etẹ nii gha bẹghe ruẹ.

Ezikiẹl 20:30

Banbanna nian, tama ivbi Izrẹl vbene I kha hẹ wẹẹ: Vbọzẹ ne uwa gha na gha ru avbe orukhọ ne avbe erha uwa ru yi, ra ne uwa vbe gha rhikhan lele avbe ẹbọ iran?

Daniẹl 9:6

Ma ma zẹ ye avbe eguọmwadia ruẹ re, kevbe avbe akhasẹ ruẹ, ni ya eni ruẹn gu avbe ọba mwa, kevbe iran ni khaemwisẹ yan ima guan, kevbe erha mwa odede, kevbe ẹvbo mwa hia fẹẹrẹ.

Hozia 11:7

Iran wa mu aro ye ẹmwẹ ne iran gha rhie aro lẹ mẹ. Iran gha viẹ ba ẹmwẹ urọnghọn ne ọ rre iran urhu, sokpan, iran i ra miẹn ọmwa ne ọ gha rhan ẹnrẹn hin iran urhu rre.

Zẹkaraia 7:11

“Sokpan, emwa mwẹ keghi ze vbe udu, iran ma zẹ yọ. Iran keghi rri ekhọe iran gbua,

Malakai 3:7

Zẹ vbene avbe erha uwa odede ru, ọre uwa vbe ru, ne uwa na fi iyeke gbe uhi mwẹ, wa ma vbe ya iran ru emwi.

Matiu 21:38

Sokpan iran ni rre ugbo nii ghi wa bẹghe ovbi ẹre na, iran keghi wa si uma wẹẹ, ‘Ghe ovbi enọyan ugbo, wa larre ne a gbe ẹe rua ne emwi ẹnrẹn khian ọghọmwa.’

Matiu 23:32

Wa gie obọ gha kẹe, wa winna iwinna ne avbe erha uwa suẹnrẹn fo.

Iwinna 7:51

“Wa na ni zẹ udu gbee! Wẹ ne ekhọe ibisi, wa ni kan igban khiọ ehọ, ne ẹ i họn ẹmwẹ Osanobua. Vbene avbe erha uwa gha ye ọre uwa vbe ye. Orhiọn Ne Ọ Huanrẹn ọre uwa gu suan ẹdẹ.

Ebe ne Pọl gbẹẹn gie emwa Rom 2:5

Sokpan ẹkoko udu ne ọ ze kevbe ne ọ wo vbe egbe ọre u mwẹ. Rhunmwuda ọnii te u yae kpọlọ yọ ighẹ oya ne a gha rriọ re vbe ẹdẹnẹdẹrriọ ne izohu Osanobua kevbe ihuohiẹn emwata ẹre gha rhie egbe maa.

Diuteronomi 8:20

Deghẹ wa ma họn ẹmwẹ ne Nọyaẹnmwa, te a ra vbe fuẹn uwa a, zẹ vbe avbe okpẹvbo ni ne a ra fuan zẹ vbene uwa ya nana ghe odaro na.