Jerimaia 6:30 - Edo Bible (E Baibol Ẹdo) Version 1996

³⁰ Ikpakpa erhan ne ẹ i mwẹ vbe ọ gia ya ru ọ re iran khin rhunmwuda, mẹ ne Nọyaẹnmwa he iran yotọ nẹ.”

Jerimaia 6:30 ပူးပေါင်းရင်းမြစ်များ

II Ọba 17:20

E Nọyaẹnmwa keghi he ivbi Izrẹl hia ye otọ, ọ na rri iran oya, ọ na vbe hẹ iran ne eghian iran ne ekhọe ẹre wegbe, a te do miẹn wẹ, vbe okiekie, a keghi wa ho iran bẹkun vbe odaro ẹre.

Psalm 119:119

Te uwẹ ghe emwa dan hia zẹ vbe iku, rhunmwuda ọnii, igiodẹ ruẹ yẹ mwẹ.

Psalm 53:5

Sokpan, iran gha runran vbene iran ma he ka runran ẹdẹ. Rhunmwuda, Osanobua gha zagha ugboloko avbe eghian emwa rẹn. Osanobua he, iran nẹ, rhunmwuda ọnii, te Izrẹl ra wa khọn iran muotọ fẹẹrẹ.

Itan 25:4

Viọ ivbivbi emwi ni rre uwu esiliva hinrre, avbe owinna gha sẹtin ya ẹe ru emwi ne ọ mose.

Aizaia 1:22

E Jerusalẹm, te u te yevbe esiliva, sokpan banbanna nian, u la ọrhiae rrie nẹ, te u te ka yevbe ayọn ne ọ maa yi, sokpan banbanna nian, amẹ kẹkan ọ re u ghi khin.

Aizaia 1:25

I gha ru uwa emwi, I gha kpe uwa huan zẹ vbene a ya kpe ematọn huan, I ghi viọ ivbivbi emwi ni rre uwa egbe hin rre.

Jerimaia 14:19

E Nọyaẹnmwa, te uwẹ wa he Juda fo fẹẹrẹ ra? Te uwẹ mu ohu emwa ni rre Zaiọn ra? Vbọzẹ ne u na mu ohu ima sẹ vberriọ yi ne a na miẹn wẹ, a i ghi sẹtin mu ima egbe rran? Ma rhie aro ye ọfumwegbe sokpan, emwi ọma rhọkpa ma sunu, ma rhie aro ye amu ọmwa egbe rran, sokpan, emwi ugborrirri ọ re ọ rre.

Jerimaia 23:33

E Nọyaẹnmwa keghi tama mwẹ wẹẹ, “E Jerimaia, a deghẹ ọkpa vbe uwu avbe emwa ra akhasẹ, ra ohẹn nọ ruẹn wẹẹ, ‘Vbe Nọyaẹnmwa kha hẹ?’ U ghi tama rẹn wẹẹ, ‘Ihẹ ọ re uwa khin ne Nọyaẹnmwa, ọ gha mu uwa fua wan.’

Jerimaia 7:1

E Nọyaẹnmwa keghi gie mwẹ gha rrie onurho Ọgua Osa, ehe ne ivbi Izrẹl na la owa ya gha ga. Ọ keghi tama mwẹ wẹ ne I mudia vbe evba ne I ta emwi ne Nọyaẹnmwa ne Oghodua ne Osanobua ọghe Izrẹl ra tama iran wẹẹ, “Wa fi vbene uwa yin hẹ werriẹ kevbe emwi ne uwa ru, I gha gie uwa ye gha yin emwa na khian.

Jerimaia 7:29

Ivbi e Jerusalẹm, wa gha khiẹ, wa zẹ eto uwa hẹ kua, wa ya so ihuan orinmwi vbe uhunmwu oke rhunmwuda, ohu mu imẹ ne Nọyaẹnmwa I keghi vbe he avbe emwa mwẹ.

Eve Orriara 5:22

Ra te uwẹ wa he ima fo fẹẹrẹ ra? Ohu ruẹ i ghi mwẹ okhiẹ ra?

Hozia 9:17

E Nọyaẹnmwa ne imẹ ga gha he avbe emwa rẹn yotọ, rhunmwuda iran ma danmwehọ ẹre, iran gha khian emwa ni ghi ghogho yo ghogho rre vbe ẹvbo ọvbehe.

Zẹkaraia 11:8

Egbe avbe ọsuohuan eha ọvbehe ni khuiwu mwẹ keghi wọ mwẹ rhunmwuda ọnii, I na ru iran eheha emwi vbe uki ọkpa kẹkan.

Matiu 5:13

“Wa ọrọre umwẹ agbọn, a deghẹ orhiẹnrhiẹn umwẹ fafaa, a i miẹn emwi ne a gha ya ru ẹe ne ọ dọlegbe gha rhiẹnrhiẹn, ọ la ọrhiae rrie nẹ. Te a ghi ra mu ẹn kua ne emwa gha ya owẹ rri ẹe mu otọ.

Ebe ne Pọl gbẹẹn gie emwa Rom 11:1

Te I mẹ ghi nọọn nian. Te Osanobua ghi he emwa rẹn ra? Hiehiere, mẹ tobọ mwẹ, ovbi Izrẹl mẹ khin, ovbi uniẹn Ebraham, ẹwae emwa Bẹnjamin.