Jerimaia 6:28 - Edo Bible (E Baibol Ẹdo) Version 1996

²⁸ Etẹ ni zevbudu ọ re iran khin, iran ye gbain zẹvbe ne oze kevbe ematọn ye. Te iran hia kẹkẹ ua, iran ghi gha va ẹlẹ khian, iran ghi gha na iyẹn ẹrrẹe.

Jerimaia 6:28 ပူးပေါင်းရင်းမြစ်များ

Psalm 14:1

Avbe akpa ye ekhọe tae wẹẹ, “Osanobua i rrọ.” Iran hia kẹkẹ ua, iran vbe ru emwi ne ọ mu ohan ọkpa ne ọ ru emwi ẹse i rrọ.

Psalm 50:20

Wa mu egbe ne uwa ya ba ọtẹn uwa ifi ẹzọ, ne uwa vbe gha ya ẹmwẹ ho iran.

Itan 10:18

Ọmwa ne ọ rhie ohu ọmwa mu ọmwa lẹre, ọhọn ohoghe nọ. Ọmwa ne ọ wewe ewẹwẹwẹ khian, akpa nọ.

Aizaia 31:6

Osanobua khare wẹẹ, “Wa ne ivbi Izrẹl, wa rukhọ ghe mwẹ nẹ, wa keghi vbe gha gbodan ghe mwẹ. Sokpan, banbanna nian, wa dọlegbe bu mwẹ gha dee.

Jerimaia 18:18

Emwa nii keghi kha wẹẹ, “Wa gia gualọ vbene a gha ru ẹmwẹ e Jerimaia hẹ. A gha miẹn avbe ohẹn ne ọ gha ma ima emwi rhinrin, avbe umẹwaẹn ni gha bu ima ude, kevbe avbe akhasẹ ni gha ta ẹmwẹ Osanobua ma ima. Wa gie a mu ẹmwẹ kuan rẹn, ne a ghẹ ghi danmwehọ ẹmwẹ ne ọ ta.”

Jerimaia 20:10

I ghi họn vbe agbọn hia tae wẹẹ, “Ohan gba ehe hia, wa gia ya gu ẹe gui ma iran ni khaemwisẹ.” Uhin ghe te avbe ọse mwẹ ni sikẹ mwẹ sẹẹ, khẹ ẹghẹ ne I gha ya de, iran wẹẹ, “Wẹ wẹ ẹ ghi gia rẹrẹ, ẹghẹ nii, obọ ima ghi vba ẹre ne a rria ẹre ikhi.”

Jerimaia 5:23

“Sokpan, wa na, wa ze vbe ẹkoko udu, wa keghi vbe sọtẹ, wa lahin odẹ rre, wa keghi sẹ mwẹ rae.

Jerimaia 6:30

Ikpakpa erhan ne ẹ i mwẹ vbe ọ gia ya ru ọ re iran khin rhunmwuda, mẹ ne Nọyaẹnmwa he iran yotọ nẹ.”

Jerimaia 7:28

U ghi tama iran wẹ, uhunmwu ẹvbo iran i họn ẹmwẹ mẹ, mẹ ne Nọyaẹnmwa ne Osanobua iran, ra ne oya ne a rri iran re vbe gha rhie ẹwaẹn ne iran. A ye ekhọe ga wu nẹ. A i ghi dọlegbe guan kan rẹn ọvbehe.

Jerimaia 9:3

Iran wa mu egbe ye ohoghe ne a ta vbe ẹghẹ hia a i ta ẹmwata rhie ihe ẹmwata gha khaemwisẹ vbe otọe nii. E Nọyaẹnmwa khare wẹẹ, “Emwa mwẹ wa ru ọkhọ yan ọkhọ iran ma rhan obọ miẹn mwẹ zẹ vbe Osanobua iran.”

Jerimaia 9:4

Wẹ ne dọmwadẹ ọghọe khẹ yegbe ne ọ mwẹ ẹwaẹn vbe egbe ọsiọre a i ghi miẹn ne ọ sẹtin mu ẹtin yan ọtiọnrẹn rhunmwuda, te etẹn hia ghi guẹ erẹrẹ vba e Jekọb, edọmwadẹ ọghọe ta ọtiọnrẹn ọtakhọ.

Ezikiẹl 2:7

U ghi gha tama iran, ẹmwẹ ne I gha tama ruẹn wẹ ne u ta, deghẹ iran hoẹn ra iran ma họn. Yerre wẹ etẹ ọ re iran khin.

Ezikiẹl 24:13

E Jerusalẹm, uyinmwẹ alama ruẹn mu awua yuẹ egbe nẹ. A gha rhe miẹn ighe I te gha ho ne I họnmwẹ uẹn egbe, awua ye gue uẹ. Awua i ra lahin ruẹn egbe rre ọvbehe rhinrin obọ ohu mwẹ te do daa ẹsẹse.

Levitikọs 14:43

A deghẹ irhunrhun vbe dọlegbe la owa nii, iyeke vbe a munọ okuta nii hin rre nẹ, a kevbe vbe khiakhia egbekẹn, ne a na vbe dọlegbe siẹn.

Levitikọs 19:16

Ghẹ ba ọmwarhọkpa ohoghe. A deghẹ te a gu ọmwa gui ẹzọ uhunmwu, ya guan a deghẹ osẹe ruẹ gha sẹtin yọre obọ. Mẹ ọ re Nọyaẹnmwa.

Arhie Maan 11:18

Okuosu keghi yi iran ne ni ma yayi, rhunmwuda ọsẹ ẹghẹ ne ohu ruẹ gha ya rre, ne a do bu ohiẹn iran ni wulo nẹ. Ẹghẹ sẹe ne a gha ya san, avbe akhasẹ ne eguọmwadia ruẹ ẹse, ke avbe emwa ruẹn, ni mu ohan ruẹn, ni kpọlọ kevbe ni kanmwa. Ẹghẹ sẹe ne a ya fuẹn iran an ighẹ iran ni fuẹn agbọn uan.”

Arhie Maan 19:2

Ẹmwata ne uhunmwu ẹmwẹ ọre ibuohiẹn ọnrẹn khin. Rhunmwuda rẹn bu abe gbe ẹe nẹ ighẹ ebabotu nọkhua nii ne ọ ya alama oghẹ ọre mu agbọn rhia. Osanobua rria ẹre ikhi, rhunmwuda ne ọ na gbele avbe eguọmwadia ẹre.”