Jerimaia 6:26 - Edo Bible (E Baibol Ẹdo) Version 1996

²⁶ E Nọyaẹnmwa khama emwa rẹn wẹẹ, “Wa viọ ukpọn akhiẹ ye egbe ne uwa gha wunnu vbe uwu emuẹn, wa ye ameve ne ọ rriara khiẹ zẹ vbe ne ọmwa gha khiẹ ukpọmọkpa, rhunmwuda emwa ne ọ ra do fuẹn uwa a gha dekun uwa vbe amaro amakọ.

Jerimaia 6:26 ပူးပေါင်းရင်းမြစ်များ

Gẹnẹsis 21:16

ọ na ya tota vbe omwa izowẹ iyisẹn, ọ na ye ekhọe tae wẹẹ, “Mẹ i sẹtin yan aro a gha ghe ọmọ nii vbe ọ wu khian.” Ugbẹn vbe irẹn ghi tota ye evba, rẹn na ghi gha viẹ.

Job 15:21

Utumwẹ afianma ọ re ọ ra gha tu vbe ehọ ẹre vbe ẹghẹ hia. Avbe izigan ghi hẹ rhu ẹe vbe ẹghẹ ne irẹn gha te ya gha ro ighẹ ẹbe fo.

Job 2:8

E Job keghi ya tota ye otiku, ọ na rhie ebunbunmwẹhẹn ya gha hia erhọn.

Aizaia 22:12

Ẹghẹ nii, Oghodua ne Udazi keghi datie uwa ne uwa gha viẹ kevbe ne uwa vbe gha khiẹ, ne uwa khiokhio eto ua, ne uwa vbe rhuan ukpọn akhiẹ.

Aizaia 22:4

Banbanna nian, wa hẹko sẹ mwẹ rae ne I viẹ eve orriara ne avbe iran ni wulo vbe emwa mwẹ. Wa ghẹ zẹdẹ hia ne uwa fu mwẹ ẹko rre.

Aizaia 3:24

Ne iran gha na te gha lo ori ne ọ winhin, iran ghi gha wia. Ne iran gha na te gha ya ugbẹkun ni mose gba, iran ghi gha lo irri ne khuarakhuara, ne iran gha na te gha mwẹ eto ne ọ mose, iran ghi gbe akpan, ne iran gha na te rhuan ukpọn ne ọ mose, iran ghi silo osọnmwẹ ukpọn ye egbe, a ghi fi ose iran werriẹ khian emwiekhue!

Aizaia 30:13

Wa rri abe. Te uwa yevbe ekẹn ne ọ yo ne ọ wa va eva ke odukhunmwu do sẹ otọ. Wa gha de rẹnkhẹn uan. vbe udomwurri.

Aizaia 32:11

Uwu ọrọkhọrhọ ọ re uwa ye dee usin, vbe ne a i na mwẹ oyanghan, sokpan, banbanna nian, wa gie ohan ya uwa gha guọ zẹzẹzẹ, wa bannọ ukpọn uwa kua, ne uwa viọ osọnmwẹ ukpọn rhuan.

Jerimaia 12:12

Emwa wa fian uhunmwu oke ato ni rra do fu emwi hẹ, I gie okuo ne ọ ya fuẹn otọe nii hia a, ọmwa ne ọ ra gha rre ọfumwegbe i rrọ.

Jerimaia 13:17

Adeghẹ uwa ma zẹ yọ, I gha ya viẹ vbe ẹkhokho rhunmwuda itengbemu uwa I gha viẹ eve orriara, ameve, mwẹ ghi gha rhọ kua, rhunmwuda, a munọ emwa oghunmwu viọ gha rrie.

Jerimaia 14:17

E Nọyaẹnmwa keghi yan tama mwẹ wẹ ne I ta ẹmwẹ akhiẹ mwẹ ma emwa nii, ne I tama iran wẹẹ: “Te ameve gha lẹ vbe aro mwẹ ke avan kevbe asọn I i gha dobọ eve ne I viẹ iran re yi rhunmwuda ẹwẹn ne ọ da ọ re a fian avbe emwa mwẹ re, obọ wa vbe daa iran.

Jerimaia 15:8

Ikhuo ni dẹgbẹ ni rre otọe uwa, bun sẹ ekhae ni rre ọkpẹn okun. I gbele avbe igbama uwa ye isẹrre I keghi ru ẹe ne usẹ gha sẹ iye iran, I ye akhiẹ nọkhua kevbe ohan fi iran emwi vbe udomwurri.

Jerimaia 18:22

Gie otu ọkhọ ya fu iran emwi viọ vbene iran ma na họn yotọ. Gie iran viẹ rhunmwuda ohan nọkhua. Iran tọn uvun yotọ khẹ mwẹ ne I de yọ, iran keghi vbe khuẹn ifi khẹ mwẹ wẹ ne ọ mu mwẹ.

Jerimaia 30:5

“I họn utumwẹ afianma, utumwẹ ohan ne ẹ i vbe re ọghe ọfumwegbe.

Jerimaia 4:11

Ẹghẹ dee, ne a gha na tama ivbi e Jerusalẹm ighe ẹhoho ne ọ kaka emwi ruan hoho ke odẹ ato bu iran dee. Ẹ i re ẹhoho ne wẹlẹẹ ne ọ hoho ihunhun kua kẹkan.

Jerimaia 4:20

Ọfuan okpa lele ọvbehe itowa ọre ẹvbo nii hia ghi khin. Iran dunmwu agọ ima hia vbe udomwurri iran yanghan ukpọn onurho ni rrọ ua.

Jerimaia 4:8

Rhunmwuda ọnii wa viọ ukpọn akhiẹ yọ, wa gha tu wa gha viẹ egbe. Rhunmwuda, ohu nọkhua ọghe Nọyaẹnmwa ma he la hin e Juda uhunmwu rre.

Jerimaia 6:14

Iran gha ru vbene a miẹn wẹ ẹwẹn avbe emwa mwẹ, emwi ne ọ bolo ọmwa egbe kẹkan nọ. Iran gha kha wẹ ehia wa maa, vberriọ emwi ne ọ maa rhọkpa i rrọọ.

Jerimaia 8:19

Wa danmwehọ! I họẹn vbe emwa mwẹ wa go vbe otọe na hia. I họn vbe emwa mwẹ wa go ladian wẹẹ, “E Nọyaẹnmwa i ghi rre Zaiọn ra? Ọba e Zaiọn I ghi rre evba ra?” E Nọyaẹnmwa ne ọba keghi wanniẹn wẹẹ, “Vbọzẹ ne uwa na ye ohu mu mwẹ rhunmwuda ẹbọ uwa ne uwa ga? Kevbe ne uwa na ya uhunmwu rhanmwẹ otọ ne ẹbọ ẹrrẹe ne ẹ i mwẹ esa.”

Jerimaia 8:21

A guọghọ mwẹ ogiudu ua rhunmwuda a guọghọ emwa mwẹ uan te I ghi khiẹ, ehia yan mwẹ unu uan.

Jerimaia 9:1

Akpawẹ uhae amẹ ọ re uhunmwu mwẹ khin nian, ne aro mwẹ vbe gha re uhunmwu ẹzẹ ne ọ lẹẹ, ne I miẹn ehe na gha viẹ, asọn kevbe avan, ne avbe emwa mwẹ ne a gbele ua!

Jerimaia 9:10

Mẹ khare wẹẹ, “I gha khiẹ avbe oke nekhua, I gha viẹ oha ne emwirri na rria rhunmwuda, ehia kae, a i ghi miẹn emwa ni lae gberra. A i ghi họn utumwẹ avbe ẹmila vbọ, avbe ahianmwẹ kevbe aranmwẹ oha lẹ ladian vbọ.”

Eve Orriara 1:16

“Ọna ọ sii ẹe ne aro mwẹ na rhọ ameve. A i miẹn ọmwa ne ọ gha sẹtin bọ mwẹ; ọmwa ne ọ gha sẹtin rhie ẹtin yọmwẹ iwu i rrọọ. Obọ avbe eghian gba mwẹ nẹ, emwa mwẹ i ghi mwẹ emwirhọkpa.

Eve Orriara 1:2

Te ọ wa viẹ ne ẹdẹ gbe ameve ghi gha rhọ kua vbe aro ẹre. A ma miẹn ne ọ ghi kẹe ne ọ do fu ẹre ẹko rre vbe uwu avbe ọse ne ọ te ka mwẹ. hia. Iran ni te ga gie ẹe hia hiẹ ọre te ehia ghi mu aro da irẹn na.

Eve Orriara 2:11

Aro mwẹ so oze ba ẹmwẹ eve, orhiọn mwẹ vbe rre uwu obalọ nọkhua. Akhiẹ ugbelemwẹ emwa mwẹ gbe mwẹ fi otọ. Ke emọ obọ kevbe emọ owẹ ehia gha sahẹ vbe adesẹ ore ẹvbo.

Eve Orriara 3:16

Ọ ya mwẹ aro wiẹn otọ ọ keghi kpannọ mwẹ akọn vbe okuta.

Eve Orriara 3:48

Ẹzẹ ameve lẹ vbe aro mwẹ, vbe I miẹn vbene a lọkọ emwa mwẹ hẹ.

Eve Orriara 4:10

Ọkhọ ne ọ rruan emwa mwẹ ugborrirri ọ re ọ si rre; iye ni te ho ẹmwẹ emọ kegha le ivbi iran re.

Eve Orriara 4:3

Te Akpakomiza ne ọ biẹe ye koko ọmọ, sokpan, avbe emwa mwẹ yevbe ugomugo, ne ọ ru ọmọ ne ọ biẹe emwi dan.

Eve Orriara 4:6

A rri avbe emwa mwẹ oya, ne ọ gberra ọghe ivbi e Sọdom, emwa ne Osanobua rrua gbotọ vbe udomwurri.

Emọs 8:10

I gha ru ẹe ne uwa khiokhio eto, na uwa vbe viọ ukpọn akhiẹ ye egbe. Wa ghi ye vbe evbibiemọ ni khiẹ ukpọmọkpa ne iran biẹe. Tẹ ẹdẹ ne ẹdẹrriọ ra wa rriara ne ebi ro.

Jona 3:6

Ugbẹn vbe ọba e Ninevi ghi họn, ọ keghi kpaegbe vbe ẹkete ọ keghi ban ẹwu ẹre mu fua, ọ na viọ ukpọn akhiẹ yọ, ọ na tota ye uwu emuẹn.

Zẹkaraia 12:10

“I gha ye orhiọn itohan kevbe orhiọn erhunmwu vuọn ivbi uniẹn e Devid ni rre Jerusalẹm kevbe ivbi Jerusalẹm ọvbehe. Iran gha ghe ọmwa ne a ya agbada bi gbe ua, iran gha vbe khiẹ ọre vbe ọmwa ne ọ khiẹ ukpọmọkpa ne ọ mwẹ. Iran gha viẹ eve orriara zẹ vbe ọmwa ne ọmọdiọn rẹn nokpia wu.

Iyẹn ne ọ Maan Ọghe Luk 7:12

Ugbẹn vbe ọ ghi wa sẹ onurho ẹvbo ni, emwa ni mu orinmwi khian kegha gbe usun ladian. Okpia ne ọ wu na kegha re ukpọmọkpa ne okhuo ni wa mwẹ, ẹgbẹ vbe nọ, iran ni bun keghi vẹ lele ẹe ke ore ẹvbo gha dee.

Jems 4:9

Wa gha khiẹ, wa gha go, wa gha viẹ, wa ya ogiẹ uwa khian eve, wa vbe ye ọyẹnmwẹ uwa khian akhiẹ.

Jems 5:1

Banbanna nian, wa danmwehọ mwẹ, wa ni fee. Wa gha viẹ, wa gha viẹ eve orriara ye ẹmwẹ ọkhọ ne ọ ra do sunu vbe egbe uwa.