Jerimaia 6:23 - Edo Bible (E Baibol Ẹdo) Version 1996

²³ Iran viọ uhanbọ kevbe umozo iran nẹ, emwa ni mwẹ ekhọe ne ọ rri kevbe ne ẹ i mwẹ itohan ọre iran khin. Urhu iran yevbe ọghe okun ne ọ davan vbe iran hin ẹsin iran khian. Iran mu egbe ne iran ya khọn e Jerusalẹm.”

Jerimaia 6:23 ပူးပေါင်းရင်းမြစ်များ

Aizaia 10:32

Vbe ẹdẹnẹrẹ na, avbe eghian wa rre Nob nian, iran gha ke evba niẹn obọ ye Oke Zaiọn aro, deba ore nọkhua e Jerusalẹm.

Aizaia 13:18

Iran gha ya uhanbọ kevbe ifẹnmwẹ gbele avbe igbama, iran i ra vbe tohan avbe emobọ ra ibiẹka.

Aizaia 17:12

Owogho nọkhua rre avbe uhunmwu ẹvbo ni wegbe, ọ yevbe uvannọ mwẹ nọkhua ọghe okun, ọ yevbe ne ubimwẹ ẹzẹ nọkhua mu vẹ.

Aizaia 19:4

I gha viọ ivbi Igipt ku obọ ọba dan, ọba ne ekhọe dan ne ọ ra gha khaemwisẹ yan iran. Mẹ ne Nọyaẹnmwa ne Oghodua, ọ re ọ tae.”

Jerimaia 25:32

E Nọyaẹnmwa ne Oghodua khare wẹẹ, “Ọkhọ dee ra do rruan avbe uhunmwu ẹvbo ọsegbe ọsegbe, okpẹhoho okpa wa si koko vbe odẹ ehe ne agbọn sẹe.

Jerimaia 25:9

‘I khian gie ya tie avbe emwa ni rre odẹ okuọ hia rre, kevbe ọguọmwadia mwẹ ighe e Nebukiadneza ne ọba e Babilọn, I gha viọ iran rre, ne iran do gu e Juda kevbe emwa ni rre uwu ẹre gbinna. Kevbe avbe ẹvbo ni sikẹ ọre hia. I khian fuẹn uhunmwu ẹvbo na kevbe avbe uhunmwu ẹvbo ni lẹga ẹre, I ghi ya ehia khian itowa ẹdẹdẹmwẹdẹ, emwi ne ọ mu ohan ne ọ ye egbe ku ọmwa ohiọnhiọn. Mẹ ne Nọyaẹnmwa ọ re ọ tae.

Jerimaia 30:14

Avbe enida uwa hia he uwa yotọ, iran i ghi zẹdẹ zẹ ye uwa ẹre. Mẹ gu uwa gbinna zẹ vbe eghian mwẹ oya ne ọ wegbe ọ re a rrii uwa re rhunmwuda orukhọ uwa bun, uyinmwẹ dan uwa vbe kpọlọ.

Jerimaia 4:13

Ghe vbe eghian nii wa dee zẹ vbe ubimwẹ amẹ. Avbe ikẹkẹ okuo ẹre yevbe ẹhoho ẹziza, okhian kẹ avbe ẹsin okuo ẹre sẹ oghohọn. Ma wiri, ọghe ima fo.

Jerimaia 4:16

Iran rre do tama avbe uhunmwu ẹvbo nii yotọ, iran ke tama Jerusalẹm wẹ avbe eghian wa ke ẹvbo ne ọ rrei okpa dee. Avbe eghian na gha go ye avbe okpẹvbo e Juda uhunmwu,

Jerimaia 4:29

A ghẹ ghi họn owogho avbe iran ni hin ẹsin ke ni viọ uhanbọ mwẹ dọmwadẹ ọghọe gha lẹ fua. Eso gha lẹ la uwu ẹgbo, eso gha lẹ mu uhunmwu okuta nekhua hin, a gha sẹ dọmwadẹ ẹvbo rae vbe ihoi, a i ghi miẹn ọmwa ne ọ gha diẹe ya ọvbehe.

Jerimaia 5:16

Emwa ni fi uhanbọ iran kegha re emwa ni wegbe ne ẹ i mwẹ itohan vbe iran a gha gbele emwa.

Jerimaia 50:41

Arhin eso ke odẹ okuọ dee, okpẹvbo ne ọ wegbe ne ọ rrei ẹsẹse; avbe ọba nibun wa mu egbe okuo.

Jerimaia 50:42

Iran viọ uhanbọ kevbe umozo iran mwẹ obọ nẹ ekhọe iran wegbe, iran i vbe mwẹ itohan urhu iran yevbe ọghe okun ne ọ vannọ vbe iran a gha hin ẹsin iran khian. Iran mu egbe ne iran ya khọn e Babilọn.

Jerimaia 6:4

Iran gha kha wẹẹ, “Wa mu egbe ne a dekun e Jerusalẹm. Wa mu egbe! Ma gha dunmwu ẹẹn vbe ogiavan!” Sokpan, iran gha vbe kha wẹẹ, “Ọ kpee gbe nẹ, te ẹdẹ ghi ra mu, te aghọnghọn ota ghi wa tan.

Jerimaia 8:16

Avbe eghian ima sẹẹ ore Dan nẹ, ma họn vbe ẹsin iran hiọnrọn. Ẹvbo ni hia ọ re ọ mu rueghe vbe ẹsin iran a tu. Eghian ima rre nẹ, ne iran do rhia otọ ima kevbe emwi ni rrọọ hia a, ore ẹvbo mwa kevbe emwa ni rrọọ.”

Ezikiẹl 21:31

Wa gha họn obọ ohu mwẹ vbe egbe vbe ẹghẹ ne I gha na rhurhẹ ọe yan uwa zẹ vbe erhẹn ne ọ baa gidigidi. I ghi viọ uwa yan emwa dan obọ, emwa ni fuẹro emwi ne a mu rhia.

Diuteronomi 28:49

E Nọyaẹnmwa gha mu okpẹvbo ke ehe ne agbọn sẹe gha dee, emwa ne uwa i họn ẹvbo ne iran zẹ, ọ ghi mu ẹre aro da uwa. Iran ghi siẹn rhu uwa zẹ vbe oghohọn.