Jerimaia 6:21 - Edo Bible (E Baibol Ẹdo) Version 1996

²¹ Rhunmwuda ọnii, I gha gie iran na rrua owẹ ne iran dele. Erha kevbe avbe emọ gha wulo, erriọ vbe nọ ne avbe ọse kevbe ẹdogbo.”

Jerimaia 6:21 ပူးပေါင်းရင်းမြစ်များ

II Krọnikol 36:17

Rhunmwuda ọnii, e Nọyaẹnmwa keghi gie ọba e Babilọn ne ọ mu okuọ gie iran. Ọba nii keghi gbele avbe igbama ni rre Juda, uhin ighẹ te ọ gbele iran vbe uwu Ọgua Osa, ọ ma vbe tohan ọmwa rhọkpa, ibiẹka kevbe ni khian ọmaẹn, ikpia kevbe ikhuo iran ne egbe rranrẹn kevbe iran nikhuọnmwi, Osanobua keghi wa filo iran hia ku ẹre obọ.

Aizaia 8:14

Rhunmwuda uhuanmwẹ ugborrirri mwẹ, te imẹ ghi ye vbe okuta ne emwa na rrua owẹ. Te I ye vbe ifi ne ọ ra munọ emwa arriọba e Juda kevbe Izrẹl, kevbe emwa ni rre Jerusalẹm.

Aizaia 8:15

Nibun gha rrua owẹ, iran gha dele, iran ghi rẹnkhẹn uan. Ifi gha munọ iran.”

Jerimaia 13:14

Iyekọnii, I ghi khuarha iran kugbe zẹ vbe uru, ke ibiẹka kevbe eniwanrẹn, itohan, ẹnina ra agiẹngiẹn ọmwa irrọ ne ọ gha da mwẹ obọ yi wẹ ne I ghẹ gbele iran an.”

Jerimaia 13:16

Wa gha ya ọghọ ne Nọyaẹnmwa ne Osanobua uwa, ne ọ ghẹ ya gie ebi ro uwa, wa ghi ya rrua owẹ vbe avbe oke nekhua. Ne ọ ghẹ ya fi uwanmwẹ ne uwa rhie aro yi werriẹ khian ebiebi ne ọ so kankan ankan.

Jerimaia 18:21

Sokpan, banbanna nian Nọyaẹnmwa gie ohan gbele ivbi iran an, gie okuo gbele iran. Gie ọdọ wulo avbe ikhuo ni rrọọ, kevbe emọ. Gie emianmwẹ gbele avbe ikpia ni rrọọ, ne avbe igbama ni rrọọ wulo ye okuo.

Jerimaia 18:23

Sokpan, Nọyaẹnmwa, wẹ rẹn emwamwa iran wẹ ne iran ghe mwẹ uan. Ghẹ ye ọkhọ iran bọ iran, ra ne u ya orukhọ iran bọ iran. Mu iran gbotọ ne obọ ke ukhunmwu ne iran, ne u vbe ye obọ mu iran vbe ohu a gha mu uẹn.”

Jerimaia 21:7

Sokpan, wẹ kevbe avbe ekhaẹmwẹ ruẹn kevbe avbe emwa ni miẹn uhunmwu vbọ, I gha gie obọ ọba e Nebukiadneza vba uwa ya munọ, kevbe avbe eghian uwa ni ho ne iran gbele uwa a. Nebukiadneza gha gbele uwa a, ẹ i ra vbe sẹ ọkpa rae vbe uwa, ne ọ tohan uwa ra ne ọ lekhue uwa. Mẹ ne Nọyaẹnmwa ọ re ọ tae.”

Jerimaia 8:12

Wa ne emwa mwẹ, ekhue mu uwa yọ ra vbe uwa ru ẹkẹkhẹrhẹ na? Hiehiere! Ekhue ma zẹdẹ mu uwa. Wa ma kue rẹn vbene emwi gbe ọmwa egbe hẹ. Rhunmwuda ọnii, wa gha dele zẹ vbene emwa nekpa vbe dele. I gha rri uwa oya, ọnii ọ re ọ khian gha re ufomwẹ uwa. Mẹ ne Nọyaẹnmwa taa ẹe nẹ.

Ezikiẹl 3:20

Adeghẹ ọmwa esiesi suẹn gha ru orukhọ, I na rhie ẹre uhunmwu da ẹbe, ọ gha wu adeghẹ wẹ ma tama rẹn khẹ ọ dee. Ọ gha wu rhunmwuda orukhọ ẹre, mẹ i ra vbe ye emwi esi ne ọ te ka gha ru rre, I gha lẹ uwu ẹre ginna ruẹn obọ.

Ezikiẹl 5:10

Rhunmwuda emwi na, evbibiẹ emọ gha gbele ivbi iran re vbe Jerusalẹm, emọ ghi vbe gha rri evbibiẹlẹ iran. I gha rri uwa oya, iran ni ghi vbe kẹe vbọ, ni ghi rre agbọn, I gha zagha iran gba ehe hia.

Levitikọs 26:37

Wa ghi gha dele yan egbe vbene ọmwarhọkpa ma na khu uwa, wa i ra vbe sẹtin gu eghian rhọkpa gbinna.

Ebe ne Pọl gbẹẹn gie emwa Rom 11:9

Devid keghi vbe kha wẹẹ, “Te obọ gha vba iran vbe ehe ne iran na rri evbare, te iran gha dele, te a gha rri iran oya.

Ebe ne Pọl gbẹẹn gie emwa Rom 9:33

Ne ebe ta ẹmwẹ ọnrẹn wẹẹ: “Ghe, I mu okuta ne ọ rrua ọmwa owẹ ọkpa ye Zaiọn okuta nọkhua ne ọ gha rrua iran gbe otọ. Sokpan ọmwa ne ọ mu ẹtin ya rẹn, ẹ i ra gbe I ma rẹn.”

I Pita 2:8

Ebe ọvbehe keghi vbe kha wẹ: “Ọna ọ re okuta ne emwa gha na gha rrua owẹ, okuta ne ọ gha munọ iran gbe otọ.” Iran rrua owẹ rhunmwuda iran ma ya nene ẹmwẹ yi, ehe ne Osanobua mwamwa iran yi ọre ọnii khin.