Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jerimaia 6:20 - Edo Bible (E Baibol Ẹdo) Version 1996

20 De emwi ne iran wẹ I ya eturari ne iran viọ ke Siẹba rre ru yi ra avbe emwi ne ọ winhin ne iran viọ ke urria rre? Mẹ i ra rhan obọ miẹn emwi ihaoko iran ra ne izọ ese iran gha yẹ mwẹ.

အခန်းကိုကြည့်ပါ။ ကော်ပီ




Jerimaia 6:20
24 ပူးပေါင်းရင်းမြစ်များ  

Ẹghẹ ne ọ ghi na gha zọ ese, Absalọm keghi gie ya tie Ahitofẹl ke Gilo rre, ọkpa vbe iran ni gu e Devid ne ọba zẹ iro ọre irẹn khin. Ekhuan isọtẹ ne iran khuan khọ ọba kegha muotọ yọ, iran ni lele Absalọm khian kegha bun yọ.


Ẹre ọba okhuo e Siẹba na viọ igoru ne ọ sẹ omwa etọni isẹn ne Solomọn, deba emwi ni winhin kevbe ikpẹrọnmwọ. Emwi ni winhin ne ọ viọ ne ẹẹn, ọrọre ne ọ he bun sẹ ne ọ he ka miẹn ẹdẹ ẹsẹse.


Wẹ ẹi gualọ ese ra imuohan; u ma vbe nọ aranmwẹ ne a giẹn ọ re ohoho vbe aka ra ne a ya zọese ne ọ kpe orukhọ kua. Sokpan, wẹ keghi rhie ehọ mẹ ne I ya gha họn ẹmwẹ ruẹn.


Wa tama Osanobua wẹẹ, “A miẹn vbe emwi ne u ru hia re ọyunnuan hẹ! Ẹtin ruẹn kpọlọ sẹ vberriọ wẹ te avbe eghian ruẹn hia ye ohan defi igue vbe odaro ruẹ.


“Viọ avbe ikpẹ ọmọ erhan ni winhin ni maa sẹ nii, uwan iweva ọghe oziya ne ọ ranran ẹn, uwan ehan ọghe sinamọn ne ọ winhin, uwan ehan ọghe ukhuerhe ne ọ winhin,


Emwa esi gha na erhunmwu, ẹko ghi gha rhiẹnrhiẹn e Nọyaẹnmwa, sokpan te emwi izọ ese ne emwa dan viọ gie ẹe sọnnọ ẹn.


Te ọ sọnnọ e Nọyaẹnmwa vbe emwa dan a zọ ese ghe ẹre, katekate vbe a gha miẹn wẹ emwi dan ọ re ọ rre iran ekhọe ne ọ ye iran ru ẹe.


Ọ wẹẹ, “Wẹ yayi wẹ mẹ mwẹ emwi ne imẹ ye avbe ese nibun ne uwa zọ ghe mwẹ na ru ra? Avbe ohuan ne uwa ya zọ ese ghe mwẹ, deba ẹvbi ọghe aranmwẹ ruẹn, khan mwẹ ne. Esagiẹn ẹmila kevbe ọghe ẹwe khan mwẹ.


Usun lọghọọ ọghe aranmwẹ kamẹl gha la ato gberra, ke Midian kevbe Efa gha dee. Iran ke Siẹba rre, iran kevbe igoru kevbe eturari. Emwa gha na iyẹn iwinna esi ne Nọyaẹnmwa winna ẹn.


Vbene ọ yẹ avbe emwa ni ọ re iran ru. A deghẹ ẹkhuia ẹmila ọ re iran ya zọ ese ra ọmwa nagbọn nọ, ọkpa ehia khin vbe aro iran. Adeghẹ oteghe ohuan ọ re iran ya zọ ese ra ekita ọ re iran bun ẹnrẹn ẹyaẹn; adeghẹ ọka ọ re iran do ya yo imuohan, adeghẹ eturari ọ re iran ya yo imuohan ra te iran gha na erhunmwu ghe amazẹ; ọkpa ehia khin vbe aro iran. Te ugamwẹ ne ọ sọnnọ ne iran ru wa yẹ iran.


E Nọyaẹnmwa keghi kha vbekpa avbe emwa na wẹẹ, iran ho ne iran gha lẹ mẹ, iran i sẹtin mu egbe iran yọghọ rhunmwuda ọnii, ẹko iran i rhiẹnrhiẹn mwẹ. I gha ye avbe amaruẹse iran rre, I gha rri iran oya ye orukhọ iran.’ ”


Ọ gha khọn iran wẹ ne iran yo aguẹ, I i zẹ ye eve ne iran ya nọ iyobọ, ọ gha khọn iran, iran zọ ese na giẹn uan mẹ, ra imuohan ọghe ọka, ẹko mwẹ i ra rhiẹnrhiẹn ghe iran sokpan, I gha ye okuo gbele iran an, kevbe ohanmwẹ, deba emianmwẹ.”


E Nọyaẹnmwa ne Udazi khare wẹẹ, “Banbanna nian, wa ne ivbi Izrẹl, wa gie ẹe gua uwa egbe ro! Wa gha khian ne uwa ya ga ẹbọ uwa. Sokpan, I tama uwa yotọ nian wẹ vbe iyeke ọnọna, te uwa gha họn ẹmwẹ mẹ, wa ghi dobọ eni mwẹ nọhuanrẹn ne uwa yagha yi, ne uwa na ya gha ye imuohan gie avbe ẹbọ.


Avbe obaghẹn ne ivbi Sieba kevbe Rama ya ikpẹrọnmwọ, igoru kevbe oziza ne ọ maa sẹẹ guẹ do ẹki.


Iran zọ ese ghe mwẹ, iran ghi vbe rri emiowo nene emwi izọ ese nii. Sokpan, ẹko iran i rhiẹnrhiẹn imẹ ne Nọyaẹnmwa, wanwanna nian, I gha ya orukhọ iran rre ne I vbe rri iran oya yọ. I gha viọ iran werriegbe gha rrie Igipt.


Iran i ra sẹtin gha ye ayọn ha oko gie Nọyaẹnmwa vbe ẹvbo ẹrrẹe, ra ne iran vbe gha zọ ese iran gie ẹe. Evbare iran gha si awua ye ọmwaikọmwa ne ọ rhirhi a rri ọe egbe, zẹ vbe evbare ne a re vbe irorinmwi. Te iran ra ya ẹe gbe ohanmwẹ kẹkan, ọkpa ne a ra rhie la Ọgua Osa e Nọyaẹnmwa zẹ vbe emwi imuohan, ẹ i rrọ.


E Nọyaẹnmwa ne Oghodua khare wẹẹ, “Akpawẹ a miẹn ọkpa vbe uwu uwa ne ọ gha khui urho Ọgua Osa nian ne uwa ghẹ ghi miẹn ehe na ya gha hie erhẹn nọ ma maa ye Ogiukpo mwẹ. Ẹko uwa i ma mwẹ hiehiere. I i ra rhan obọ miẹn emwi ihaoko ne uwa viọ gunmwẹ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ