Jerimaia 6:19 - Edo Bible (E Baibol Ẹdo) Version 1996

¹⁹ Otọ agbọn, danmwehọ! Zẹ vbe emwi ne I ra ya rria iran ikhi ye uma ne iran si, I ra gie ọkhọ rruan iran na, rhunmwuda, iran he iruemwi mwẹ yotọ, iran ma vbe ya ẹmwẹ mwẹ ru emwi.

Jerimaia 6:19 ပူးပေါင်းရင်းမြစ်များ

Itan 15:26

Te iro dan sọnnọ e Nọyaẹnmwa sokpan ẹmwẹ nekhuerhẹ ghi gha yẹ ọre.

Itan 28:9

Adeghẹ wẹ i ya uhi ru emwi te erhunmwu ruẹn ra wa gha sọnnọ Osanobua.

Aizaia 1:2

E Nọyaẹnmwa khare wẹẹ, “Otọe vbe ukhunmwu, wa danmwehọ ẹmwẹ ne I ra ta na! Emọ ne I biẹlẹe sọtẹ mwẹ.

Aizaia 5:24

Rhunmwuda ọnii nian, vbene irunmwu kevbe ebe ne ọ kakae kinkin rre, ọ ghi vbe giẹn uan vbe erhẹn, erriọ ọ re inian uwa gha kẹkẹ ua, ebe uwa ghi vbe kaka a, ọ ghi hoho kua, rhunmwuda, wa he emwi ne Nọyaẹnmwa ne Oghodua, Osanobua nọhuanrẹn ọghe Izrẹl ma ima ẹre yotọ.

Aizaia 59:7

Uma dan ọ re uwa si vbe ẹghẹ hia, ọ ghi vbe gha bọbọ uwa egbe ne a ru. Wa ghi gha gbe ne ọ ma rukhọ, ẹ i sọn uwa urumwẹ. Ọ rhia ẹe kevbe ọrẹnkhuan ọ re a ya rẹn ehe ne uwa lae,

Aizaia 66:18

I rẹn iro ekhọe iran kevbe uyinmwẹ iran. I dee do si avbe emwa uhunmwu ẹvbo hia koko. Iran gha si kokoo nẹ, iran gha miẹn emwi ne ẹtin mwẹ gha sẹtin ru,

Jerimaia 11:11

Rhunmwuda ọnii nian, mẹ ne Nọyaẹnmwa, ọ re ọ tama iran yotọ na wẹ I ra do si ọfuan ye iran egbe, kevbe wẹ iran i sẹtin lẹ ọre fe. Iran gha tu bu mwẹ gha dee do nọ iyobọ, I i zẹdẹ zẹ ye iran ẹre.

Jerimaia 15:6

Wa he mwẹ nẹ, wa keghi vbe fi iyeke gbe mwẹ, rhunmwuda ọnii, ọ re I na niẹn obọ ya rẹnkhẹn uwa a. Rhunmwuda, I ma ghi sẹtin ziengbe ohu ne ọ mu mwẹ.

Jerimaia 17:10

Mẹ ne Nọyaẹnmwa ọ re ọ gualọ otọ ẹko ghe, I vbe gualọ otọ ekhọe ọmwa, vbe ne dọmwadẹ ọghọe ru emwi, ọ re I vbe ya ye ohọ mu ẹẹn. Zẹ vbene emwi ne ọ ru vbe ye.”

Jerimaia 19:15

Wẹ e Nọyaẹnmwa ne Oghodua, ne ọ re Osanobua Izrẹl khare wẹẹ, “Oya hia ne I khare ighe I gha rri iran re, I ra mu ẹẹn sẹ vbe egbe ẹvbo na kevbe avbe ẹvbo ni sikẹ ọre, rhunmwuda, wa zevbudu gbe, wa i vbe danmwehọ ẹmwẹ ne I ta.”

Jerimaia 19:3

E Nọyaẹnmwa keghi tama mwẹ wẹ ne I kha wẹẹ, “Avbe ọba e Juda, kevbe ivbi e Jerusalẹm, wa danmwehọ ẹmwẹ ne Nọyaẹnmwa ne Oghodua ne Osanobua Izrẹl ra ta. I ra gie egbe ọkhọ okpa do sunu vbe emwa na, wẹ izegbe gha zẹ dọmwadẹ ọmwa ne ọ rhirhi a họn ẹẹn.

Jerimaia 21:14

Sokpan, I gha rrio oya ye emwi ne u ru. I gha mu erhẹn ye ẹguae ruẹ, erhẹn ni gha giẹn emwi ni lẹga ẹre hia sotọ. Mẹ ne Nọyaẹnmwa ọ re ọ tae.”

Jerimaia 22:29

Wẹ ne otọ, otọ, otọ! Danmwehọ vbene Nọyaẹnmwa kha hẹ.

Jerimaia 29:19

Ena gha sunu vbe egbe iran rhunmwuda, iran ma ya ẹmwẹ iran ru emwi ighe avbe eguọmwadia mwẹ ne akhasẹ ne I wa gha gie gie iran. Iran keghi wa he ne iran danmwehọ.

Jerimaia 4:14

E Jerusalẹm, kpe ọkhọ hin uwu ekhọe ruẹ rre, ne u miẹn ehe na miẹn uhunmwu. Vbe u a gha zẹ iro dan kpee sẹhẹ vbe ekhọe ruẹ?

Jerimaia 4:16

Iran rre do tama avbe uhunmwu ẹvbo nii yotọ, iran ke tama Jerusalẹm wẹ avbe eghian wa ke ẹvbo ne ọ rrei okpa dee. Avbe eghian na gha go ye avbe okpẹvbo e Juda uhunmwu,

Jerimaia 4:4

Wa ya ile ne uwa gu imẹ ne Nọyaẹnmwa uwa ta gha ru emwi, ne uwa ye egbe uwa fiohan mẹ, wa ne ivbi e Juda kevbe ivbi e Jerusalẹm. Adeghẹ wa ma ru vberriọ, ohu mwẹ gha vẹn zẹ vbe erhẹn rhunmwuda emwi dan hia ne uwa he ru. Ọ gha vẹn, orhunmwu ọkpa ne ọ gha dọ ẹre yọ irrọọ.”

Jerimaia 49:37

I gha ru ẹe ne emwa Ẹlam gha fian afianma avbe eghian iran ni ho ne iran gbele iran. Vbene ohu nọkhua ya mu mwẹ, erriọ I ra ya fuẹn emwa Ẹlam uan, I gha gie ivbiyokuo gie iran, a te do miẹn wẹ I wa fuẹn iran fẹẹrẹ.

Jerimaia 6:10

Mẹ keghi wanniẹn wẹẹ, “Deghẹ mẹ gu iran guan, I na gha bu iran ude, gha ọ ra danmwehọ mwẹ yi? Iran ze vbe udu, iran he ne iran danmwehọ uhunmwu ne u gie, iran ghi gha giẹ ye ẹmwẹ ne u wẹ ne I tama iran.

Jerimaia 6:18

Rhunmwuda ọnii, e Nọyaẹnmwa keghi kha wẹẹ, “Wa danmwehọ, wa ne avbe uhunmwu ẹvbo, ne uwa ruẹ ẹwaẹn vbe emwi ne ọ ra sunu vbe egbe emwa mwẹ.

Jerimaia 8:5

Emwa mwẹ vbọzẹ yi ne uwa na fi iyeke gbe mwẹ wa i ghi dọlegbe werriegbe? Wa rhikhan mu ẹbọ uwa, wa ma ghi dọlegbe bu mwẹ gha dee.

Jerimaia 8:9

A ye ekhue mu avbe umẹwaẹn uwa, ehia tighi ye iran aro, obọ vba iran. Iran hee ẹmwẹ mwẹ yotọ nẹ, de ẹwaẹn ne iran ghi mwẹ nian?

Daniẹl 9:11

Izrẹl hia rraa uhi ruẹ, iran ma vbe danmwehọ ẹmwẹ ne uwẹ tae. Ma rukhọ ghe ruẹ, wẹ keghi gie ihen ne a tie ye Uhi e Mosis ne ọguọmwadia ruẹ sẹ ima egbe.

Hozia 10:13

Sokpan, u keghi ya kọ emwi dan, u na vbe rhọ ọmọ rẹn. U rrii ọmọ ne ohoghe ne u ta mọẹn nẹ. Rhunmwuda ne u na mu ẹtin yan avbe ikẹkẹ okuo ruẹ, kevbe avbe ivbiyokuo ruẹ nibun,

Hozia 4:6

Ọghe avbe emwa mwẹ fo nẹ, rhunmwuda, iran ma tie mwẹ ọghe iran. Wa ne avbe ohẹn ma tie mwẹ ọghe uwa, wa keghi he iruẹmwi mwẹ yotọ, rhunmwuda ọnii, mẹ vbe he uwa, mẹ i ghi ra vbe tie ivbi uwa ohẹn mwẹ.

Emọs 2:4

E Nọyaẹnmwa khare wẹẹ, “Te ivbi e Juda wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Iran zan iruẹmwi mwẹ, iran ma vbe ya iyi mwẹ ru emwi. Ẹbọ ohoghe ne avbe erha iran ghoro, vbe dee iran odẹ nẹ,

Maika 1:2

Wa danmwehọ ẹmwẹ na, wa ne uhunmwu ẹvbo hia, wa danmwehọ, wa hia ni rre agbọn na! E Nọyaẹnmwa ne Udazi gha sẹ osẹe gbe uwa. Danmwehọ. Ọgua Osa ẹre vbe ẹrinmwi ọ re ọ ke guan rre.

Maika 6:2

Wa ne avbe oke nekhua, wa ne avbe ẹyotọ etẹbitẹ agbọn na, wa danmwehọ ẹzọ ne Nọyaẹnmwa gui! E Nọyaẹnmwa mwẹ ẹzọ ne ọ gu emwa rẹn gui. Ọ ra ba Izrẹl ifi ẹzọ.

Iyẹn ne ọ Maan Ọghe Jọn 12:48

Ọmwa ne ọ ma rhan obọ miẹn mwẹ kevbe ne ọ ma vbe ya ẹmwẹ mwẹ yi, ọmwa ne ọ gha bu ohiẹn ọnrẹn rrọọ. Ẹmwẹ ne I guanrẹn ọre ọ ra bu ohiẹn ọnrẹn vbe ẹdẹ okiekie.

Iwinna 8:22

Rhunmwuda ọnii, ro iro fi uyinmwẹ werriẹ vbe emwi dan ne u mwamwaẹn na, ne u vbe na erhunmwu ghe Nọyaẹnmwa, ne ọ miẹn ehe na ya ẹe bọ ọ ighẹ ne u na gha zẹ egbe iro vbe nian vbe ekhọe ruẹ.

Diuteronomi 30:19

Te I tama uwa nian ne uwa zẹ vbọ, adeghẹ ẹfe nọ ra uwu, a deghẹ afiangbe Osanobua nọ ra ihẹn. I kevbe tie agbọn vbe ẹrinmwi ne iran sẹ osẹe ye ne uwa zẹe vbọ. Wa zẹ ẹfe.

Diuteronomi 32:1

“Otọe kevbe iso, wa họn ẹmwẹ mwẹ, gbe ehọ ke otọ danmwehọ ẹmwẹ ne I ta e.

Diuteronomi 4:26

Wa gha ru emwi na, I tie ẹrinmwi kevbe agbọn vbe osẹe ẹre na, wẹ wa gha rherhe gbẹro vbe otọ na. Wa i khian tọ vbe otọe ne ọ rre vbe a gha fian Jọdan rra ne uwa ra ya yin na. Te a ra wa fuẹn uwa fo fẹẹrẹ.

I Samuẹl 15:23

Ne a sọtẹ ọre vbe rhia vba azẹn, kevbe ne gha tọn egbe mu, te ọ vbe ye vbe orukhọ ẹbọ ne a gho. Rhunmwuda ighẹ wẹ ma rhie ẹmwẹ e nọyaẹnmwa, rẹn vbe rhie ruẹ hin ọba rre.”

I Samuẹl 15:26

E Samuẹl keghi wanniẹn wẹẹ, “I i lele uẹ werriegbe rrie evba, u he iyi e Nọyaẹnmwa, rẹn vbe he uwẹ nẹ zẹ vbe ọba ivbi Izrẹl.”