Jerimaia 6:17 - Edo Bible (E Baibol Ẹdo) Version 1996

¹⁷ Ẹre Nọyaẹnmwa na zẹ avbe abodẹ ne iran gha ra ehọ vbene okpe ne a kpe kha hẹ.” Sokpan iran keghi kha wẹẹ, “Ma i ra ehọ emwi rhọkpa.”

Jerimaia 6:17 ပူးပေါင်းရင်းမြစ်များ

Aizaia 21:11

Ọna ọrọre uhunmwu ne a gie rre vbekpa Idọm. Ọ wẹẹ, “Abodẹ, vbe ọ ra kpee sẹ hẹ ẹdẹ ke gbe yi? Tama mwẹ, vbe ọ gha kpee sẹ hẹ ọ ke fo.”

Aizaia 56:10

Ọ wẹẹ, “Avbe emwa hia ne a te wẹ ne iran gha gie odẹ ma emwa mwẹ ehia rhu aro. Iran ma rẹn emwirhọkpa. Iran yevbe avbe ekita abodẹ ne ẹ i gbọọ, iran ghi lovbiẹ fua iran ghi gha mina. U miẹn vbene ovbe rhiẹnrhiẹn iran hẹ!

Aizaia 58:1

E Nọyaẹnmwa khare wẹẹ, “Kakabọ go vbene ẹtin ruẹn sẹe! Tama Izrẹl ne emwa mwẹ, vbene orukhọ iran ye hẹ.

Aizaia 62:6

Jerusalẹm, I viọ avbe abodẹ ye ekẹn ọlẹga ruẹ nẹ ohan i gie iran hunmwan vbe avan ra asọn te iran ra gha ye Nọyaẹnmwa eyan ne ọ yanrẹn rre, iran i vbe gie irẹn mianmian.

Jerimaia 18:12

Iran gha wanniẹn wẹẹ, ‘Ẹn o, vbọzẹ? Ma gha wa ze vbe udu, a ghi vbe gha ru emwi dan khian zẹ vbene ima ho ne ima gha ru.’ ”

Jerimaia 25:4

Wa ma danmwehọ a ma wẹ, wa ra zẹ yọ, a gha rhe miẹn wẹ te Nọyaẹnmwa gha giee avbe eguọmwadia ẹre ighẹ avbe akhasẹ gie uwa.

Jerimaia 6:18

Rhunmwuda ọnii, e Nọyaẹnmwa keghi kha wẹẹ, “Wa danmwehọ, wa ne avbe uhunmwu ẹvbo, ne uwa ruẹ ẹwaẹn vbe emwi ne ọ ra sunu vbe egbe emwa mwẹ.

Jerimaia 7:28

U ghi tama iran wẹ, uhunmwu ẹvbo iran i họn ẹmwẹ mẹ, mẹ ne Nọyaẹnmwa ne Osanobua iran, ra ne oya ne a rri iran re vbe gha rhie ẹwaẹn ne iran. A ye ekhọe ga wu nẹ. A i ghi dọlegbe guan kan rẹn ọvbehe.

Jerimaia 8:5

Emwa mwẹ vbọzẹ yi ne uwa na fi iyeke gbe mwẹ wa i ghi dọlegbe werriegbe? Wa rhikhan mu ẹbọ uwa, wa ma ghi dọlegbe bu mwẹ gha dee.

Ezikiẹl 3:7

“Sokpan okpa i rre ivbi Izrẹl ne ọ gha ho ne ọ danmwehọ; iran i ra vbe danmwehọ imẹ yi. Te iran hia zevbudu, iran kevbe re emwa ọkpọzua.

Hozia 8:1

E Nọyaẹnmwa khare wẹẹ, “Wa kpe orhu okuo! Avbe eghian wa hẹ bu otọe mwẹ dee zẹvbe avbe oghohọn. Avbe emwa mwẹ rra ile ne imẹ vbe iran gba ta nẹ, iran keghi vbe sọtẹ ghe emwi ne I ma iran re.

Habakọk 2:1

I gha hin owa ọkhẹ mwẹ ne I ghe ẹmwẹ ne Nọyaẹnmwa gha tama mwẹ ne I ta kevbe ewanniẹn ne ọ gha rhie ye ẹzọ ne I gui.

Zẹkaraia 1:4

Wa ghẹ gha ye vbe avbe erha uwa odede. Vbe ẹghẹ ne ọ kpee fua, avbe akhasẹ ta uhunmwu ne I giee gie iran ma iran, wẹ ne iran ghẹ gha ru emwi dan ra ne iran gha yin uyinmwẹ dan, sokpan iran ma zẹ yọ mwẹ re, ra ne iran họn ẹmwẹ mwẹ.

Zẹkaraia 7:11

“Sokpan, emwa mwẹ keghi ze vbe udu, iran ma zẹ yọ. Iran keghi rri ekhọe iran gbua,

Hibru 13:17

Wa gha họn ẹmwẹ ne avbe ọkaolotu uwa, wa gha ru vbene iran kha re. Iran ọre ọ gbe aro ghe orhiọn uwa vbe ne a i na hẹwẹ, rhunmwuda ighẹ iran na iyẹn iwinna iran ma Osanobua. Wa ghẹ ghi gha họn ẹmwẹ ne iran nẹ, iran ghi gha ya ọyẹnmwẹ winna iwinna iran, a deghẹ ẹ i ghi ye rriọ, iran ghi gha ye ẹkorriaramwẹ winnaẹn, iyobọ ọkpa i rrọọ ne ọnii gha ru ne uwa.