Jerimaia 6:16 - Edo Bible (E Baibol Ẹdo) Version 1996

¹⁶ E Nọyaẹnmwa tama emwa rẹn wẹẹ, “Wa mudia ye ada ne uwa rhie aro yotọ. Wa nọ ehe ne avbe odẹ nẹdẹ ye kevbe avbe odẹ ni maa sẹẹ nii. Wa gha la ẹe, wa gha vbe gha rre ọfumwegbe.” Sokpan, iran khare wẹẹ, “Ẹn o, ma i ru vberriọ.

Jerimaia 6:16 ပူးပေါင်းရင်းမြစ်များ

I Ọba 8:36

u ghi danmwehọ iran vbe ẹrinmwi, u ghi ya orukhọ ọba kevbe ọghe ivbi Izrẹl bọ iran. Ma iran vbene a yin ẹse hẹ, ne u gie amẹ rhọ ye otọ ruẹ, ne u mu ne emwa ruẹn ne ọ gha re ọghe iran ẹdẹdẹmwẹdẹ.

II Krọnikol 19:11

Amaraia ne Ogie Ohẹn ẹre ọ ra gha ta ọfo ye ẹmwẹ ne ọ kan ẹmwẹ ugamwẹ hia fẹẹrẹ, erriọ vbe nọ, e Zebedaia ne ovbi Ismaẹl ne ọ khaemwisẹ yan e Juda ọ re ọ ra gha ta ọfo ye ẹmwẹ emwi ni kan ẹzọ kẹkan hia. Iwinna avbe Livai nọ ne iran miẹn wẹ a ru emwi hia zẹ vbene a bu ohiẹn ọnrẹn vbe iko. Wa din, ne uwa vbe gha ru avbe ẹmwẹ ne I ta ma uwa na, te Nọyaẹnmwa gha yaba ọmwa ne ọ rhirhi rri asẹ.”

Psalm 116:7

Ghẹ ghi fian afianma, wẹ ekhọe mwẹ, rhunmwuda, e Nọyaẹnmwa ru mwẹ ẹse nẹ.

Aizaia 2:5

Banbanna nian, wa ne ivbi uniẹn e Jekọb wa gie ima gha khian vbe uwu uwanmwẹ ne Nọyaẹnmwa rhie ne ima.

Aizaia 28:12

Ọ rhie ikẹtin kevbe ọfumwegbe ne uwa, sokpan, wa ma danmwehọ ẹre.

Aizaia 30:21

Wa gha bibi odẹ la obọ erha ọmwa ra obọ iye ọmwa, wa gha họn vbe urhu ẹre a gha tama uwa vbe odieke wẹẹ, “Wa ghe odẹ, wa lelẹe.”

Aizaia 46:9

Wa ye emwi ni sunu vbe ẹghẹ ne Ọ kpee fua rre; wa miẹnkue wẹ mẹ ọkpa ọrọre Osanobua vbene a gha na miẹn wẹ ọmwa ọkpa ne ọ yevbe mwẹ ẹ i rrọọ.

Aizaia 57:2

Iran ni ye ẹdagbọn iran ru emwi esi, iran ghi miẹn ọfumwegbe kevbe ikẹtin vbe uwu.

Aizaia 8:20

Wẹ ghi zẹ wanniẹn iran wẹẹ, “Danmwehọ emwi ne Nọyaẹnmwa ma uwa ẹre! Wa ghẹ danmwehọ avbe iran ni miẹn aro, emwi ne iran ra tama uwa i mwẹ asa ne ọ ye ne uwa.”

Jerimaia 12:16

Adeghẹ iran ghi ye ekhọe iran hia rhan obọ miẹn iyayi avbe emwa mwẹ, iran na vbe gha ya ẹe vẹn ihẹn wẹẹ, ‘Zẹ vbene Nọyaẹnmwa na rrọọ’ zẹ vbene iran vbe ma emwa mwẹ ẹre ne iran gha ye eni e Baal vẹn ihẹn, ẹghẹ nii iran ghi do gha re efẹn okpa vbe uwu avbe emwa mwẹ, agbọn gha maa iran.

Jerimaia 18:12

Iran gha wanniẹn wẹẹ, ‘Ẹn o, vbọzẹ? Ma gha wa ze vbe udu, a ghi vbe gha ru emwi dan khian zẹ vbene ima ho ne ima gha ru.’ ”

Jerimaia 18:15

Sevba, emwa mwẹ mianmian mwẹ, iran gha giẹn eturari ne avbe amazẹ. Iran rrua owẹ vbe odẹ ne ọ te kei ne iran la iran i ghi lele odẹ nẹdẹ, odẹ ne a ma gbẹn ọre iran ghi la.

Jerimaia 2:25

Izrẹl, ghẹ wiẹn owẹ uwa a ra ne ẹho uwa vbe kaka ne uwa ya khọn lele ẹbọ ọvbehe khian. Sokpan, wa ghi kha wẹẹ, ‘Ẹn o, I i sẹtin werriegbe. Avbe ẹbọ ẹrrẹe la mwẹ aro nẹ, te I ra lele iran.’ ”

Jerimaia 22:21

Ẹghẹ ne agbọn na gha ma ruẹn, e Nọyaẹnmwa guẹ guaan, sokpan, u ma zẹ yọ ẹre re. Erriọ ọ re uwa ya ẹdẹ agbọn ruẹn hia gha ru ẹe. U ma he họn ẹmwẹ ne Nọyaẹnmwa ẹdẹ.

Jerimaia 31:21

Viọ ama lelẹe ne u vinnọ uviẹn lele odẹ, dọlegbe gualọ odẹ ne u la kpao. Ivbi Izrẹl wa werriegbe rre, wa dọlegbe gha die ẹvbo ne uwa na kpao.

Jerimaia 42:3

Na erhunmwu ne Nọyaẹnmwa Osanobua mwa ma ima odẹ ne ima gha la kevbe emwi ne ima gha ru.”

Jerimaia 44:16

“Ma i ra zẹdẹ zẹ ye ẹmwẹ ne u ya eni e Nọyaẹnmwa tama ima.

Jerimaia 50:5

Iran gha nọ odẹ ne a la ye e Zaiọn, iran ghi gha rrie odọ nii. Iran gha gunmwẹ ta ile ẹdẹdẹmwẹdẹ, iran i ghi ra vbe rra ẹre.

Jerimaia 7:23

Sokpan, I wa tama iran wẹ ne iran gha họn ẹmwẹ mẹ, ne I miẹn ehe na gha ru Osanobua iran, kevbe ne iran vbe gha re emwa mwẹ. I keghi vbe tama iran wẹ ne iran gha ru vbene I tama iran, ne emwi miẹn ehe na gha dunna ne iran.

Jerimaia 7:24

Sokpan, iran ma họn, iran ma kue vbe zẹ yọ, sokpan, emwi ne ekhọe izevbudu kevbe ekhọe dan ne iran mwẹ tama iran, ọ re iran ru.

Malakai 4:4

Wa ye emwi ne Mosis ne ọguọmwadia mwẹ ma uwa ẹre rre. Avbe uhi kevbe ilele ne I viọ ne ẹẹn vbe Oke Sainai, ne ivbi Izrẹl hia gha ya ẹe ru emwi.

Iyẹn ne ọ Maan Ọghe Luk 16:29

Ebraham tama rẹn wẹẹ, ‘Mosis kevbe avbe akhasẹ rre ehe ne avbe etuẹn ne ikpia ye, wẹ ne avbe etuẹn danmwehọ ude ne iran bu iran re.’

Iyẹn ne ọ Maan Ọghe Jọn 12:35

Jesu tama iran wẹẹ, “Uwanmwẹ gha ye gu uwa mudia kpẹe kherhe. Wa yin uyinmwẹ ẹdẹ agbọn uwa vbene uwa na mwẹ uwanmwẹ, ne ebiebi ighe do hẹ rhu uwa rhunmwuda, ọmwa ne ọ khian vbe ebiebi ma rẹn ehe ne ọ rrie.

Iyẹn ne ọ Maan Ọghe Jọn 13:17

Wa rẹn ẹmwata ne ọ rrọọ nẹ nian. U miẹn vbe agbọn uwa gha rhiẹnrhiẹn hẹ deghẹ wa rhie obọ lele ẹe ya gha yin.

Iyẹn ne ọ Maan Ọghe Jọn 5:39

Wa vbe tie Ebe ne ọ huanrẹn ni rhunmwuda wa ro ighẹ uwu iran ọre uwa gha na miẹn arrọọ ne ẹ i fo. Iran tobọ iran vbe sẹ osẹe mẹ.

Iwinna 17:11

Emwa ni rre ẹvbo na ọre ẹdẹ gbe vbe ẹko sẹ iran ni rre Tẹsalonaika. Iran keghi wa gbe ẹkun sẹ otọ gha danmwehọ ikporhu nii, iran kegha tie Ebe ẹsẹse gualọ otọ ẹre ne iran miẹn ehe na rẹn a deghẹ ẹmwata ọre ẹmwẹ ne Pọl tae khin.

Ebe ne Pọl gbẹẹn gie emwa Rom 4:12

Rẹn ọre ọ vbe re erha iran ni rhuẹre, ẹ i re rhunmwuda ne iran na rhuẹ, sokpan rhunmwuda iran rrọọ vbe uwu iyayi egbe ne Ebraham vbe gha ye vbe ọ te do rhuẹ.

Diuteronomi 32:7

“Wa ro ọghe nẹdẹ, ọ ghe ẹghẹ ne ọ kpẹe fua, wa nọ erha uwa ne iran tama uwa emwi ne ọ sunu, wa nọ eniwanrẹn ne iran ta ẹghẹ nẹdẹ ma uwa.

Kọlose 2:6

Vbene uwa ghi na rhan obọ miẹn Kristi Jesu nẹ nian zẹ vbe Nọyaẹnmwa, wa ku ẹdẹ agbọn uwa gbe ba ọghọe.

Hibru 11:2

Iyayi iran ọre avbe emwa nẹdẹ ya gbe rhie okun vbe obọ Osanobua.

Hibru 6:12

Ma i ho ne uwa gha si oroho, sokpan ne uwa gha ye vbe emwa ni yayi ni vbe mwẹ iziengbe, ne emwi ne Osanobua ve sẹtin sẹ uwa obọ.

Giọgis 2:17

Sokpan, iran ma zẹye avbe ọkaolotu na ẹre. Iran ma rhie ekhọe lele Nọyaẹnmwa, iran na ya gha gho avbe ẹbọ ọvbehe. Avbe erha iran te lele uhi e Nọyaẹnmwa, sokpan orre na ke wa dobọ ẹre yi vbe ọ ma ghi kpẹe.