Jerimaia 6:14 - Edo Bible (E Baibol Ẹdo) Version 1996

¹⁴ Iran gha ru vbene a miẹn wẹ ẹwẹn avbe emwa mwẹ, emwi ne ọ bolo ọmwa egbe kẹkan nọ. Iran gha kha wẹ ehia wa maa, vberriọ emwi ne ọ maa rhọkpa i rrọọ.

Jerimaia 6:14 ပူးပေါင်းရင်းမြစ်များ

II Samuẹl 17:3

I ghi viọ emwa nekpa bu ruẹ gha dee vbene a rhie ọha werriegbe gie ọdọ ẹre. Orhiọnkpa kẹkan ọre a ho ẹre uhunmwu vbọ, emwi i ra vbe ru iran ni dekẹe hiehiere.”

Aizaia 1:6

Wa ke adesẹ uhunmwu ya sẹ owẹ, ihọkpa ne ọ gbae i ghi rre egbe uwa. Ẹwẹn ivbi ẹtẹ kevbe okobẹtẹ gba uwa egbe hia. A ma kpe uwa ẹwẹn ra ne a gbalọe. A ma rhie ukhunmwu ye rhọkpa.

Aizaia 30:10

Iran ghi khama avbe akhasẹ wẹ ne iran gue unu. Iran ghi kha wẹẹ, “Ghẹ ta ẹmwẹ emwi ne ọ re nọgbae ma ima. Ta emwi ne ima ho ne ima họn ma ima, gie ima hẹko gha dada ebibi ekhọe mwa khian.

Aizaia 30:26

Uki ghi gha baa vbe owẹn, owẹn ghi rhie ukhukhu ihinrọn ba egbe vbene ọ ya yunmwu de yi, vbene a miẹn wẹ ne ọ gha te yunmwu vbe ikpẹdẹ ihinrọn ọ re ọ ghi wa rhie ye ikpẹdẹ okpa kẹkan. Ọna gha sunu, vbe ẹghẹ ne Nọyaẹnmwa gha na gbalọ, ọ ghi kpee rrie ighe ẹwẹn ne ọ te fian emwa rẹn re.

Jerimaia 14:13

Ẹre imẹ na kha wẹẹ, “E Nọyaẹnmwa ne Udazi, u rẹnrẹn wẹ avbe akhasẹ tama avbe emwa na wẹ okuo i ra gha rrọọ, ra ohanmwẹ, rhunmwuda u tae nẹ, zẹ vbene iran khare, wẹ ọfumwegbe okpa ọ re ọ ra gha rre otọe nii.”

Jerimaia 14:17

E Nọyaẹnmwa keghi yan tama mwẹ wẹ ne I ta ẹmwẹ akhiẹ mwẹ ma emwa nii, ne I tama iran wẹẹ: “Te ameve gha lẹ vbe aro mwẹ ke avan kevbe asọn I i gha dobọ eve ne I viẹ iran re yi rhunmwuda ẹwẹn ne ọ da ọ re a fian avbe emwa mwẹ re, obọ wa vbe daa iran.

Jerimaia 23:17

Iran ghi gha tama emwa ni ma zẹye ẹmwẹ ne I tama iran wẹ, agbọn gha wa ma iran. Iran ghi vbe gha tama ọmwa ne ọ zevbudu wẹ ọkhọ okpa i ra ya obọ kan rẹn.”

Jerimaia 28:3

Vbe ọ te gba vbe ukpo eva, I gha viọ avbe emwi ewe Ọgua Osa ne Nebukiadneza ne ọba hẹ gha rrie Babilọn rre.

Jerimaia 4:10

Ẹghẹ nii ọ re imẹ na kha wẹẹ, “E Nọyaẹnmwa ne Udazi, uwa hiẹ ivbi e Jerusalẹm fẹẹrẹ. U te kha wẹ ọfumwegbe gha rrọọ, a rhie umozo yan iran ẹho.”

Jerimaia 5:12

Emwa e Nọyaẹnmwa siẹn ọẹn, iran keghi kha wẹẹ, “Vbe ẹmwata, ẹ i ra ru emwi rhọkpa, ma i ra miẹn emwi ne ọ ba vbe aro, ma i ra miẹn okuo ra ukhunmwu.”

Eve Orriara 2:14

Avbe akhasẹ, ruẹ i miẹn ẹmwẹ tama ruẹn gberra ohoghe, orhu ne iran kpe keghi de ruẹ odẹ rhunmwuda, iran ma vẹ orukhọ ruẹ uhe ua iran keghi ya uwẹ gha ro ighe orukhọ ne u gha rhunmwuda ẹre fiwerriẹ, irrọ.

Ezikiẹl 13:10

“Avbe akhasẹ ọ re ọ de avbe emwa mwẹ odẹ vbekpa ne iran na bọ ọma ọma ne iran. Ẹ i zẹdẹ ye ẹse hiehiere. Avbe emwa mwẹ ye okuta ne wẹghẹwẹghẹ gbe ekẹn ọlẹga ẹvbo nẹ, avbe akhasẹ na do ya orhue dọlọ ẹe.

Ezikiẹl 13:16

avbe akhasẹ ni gha bọ ọ maa, ọ maa ne Jerusalẹm nii, vbe emwi i zẹdẹ maa!” E Nọyaẹnmwa ne Udazi guan nẹ.

Ezikiẹl 13:22

Wa wa ya ohoghe ne uwa tae gbin emwa esi ẹtin, avbe emwa ne imẹ i ho ni ru ẹre emwi rhọkpa. Wa i gie emwa dan zobọ vbe emwi dan ne iran ru, ne iran rhie uhunmwu iran ke ẹbe ladian.

Ezikiẹl 14:9

“A deghẹ akhasẹ ghi vbe khian ne a rẹrẹe, ọ na ya gha rhie ewanniẹn ohoghe ne emwa, emwi ne ọ si ẹe ọrọre wẹẹ, Mẹ ne Nọyaẹnmwa ọ re ọ rẹrẹ ọe. I gha yuo ẹre hin uwu ẹbu ivbi Izrẹl rre.

Maika 2:11

“Egbe akhasẹ ne iran na ho ọrọre ne ọ talọ ohoghe kevbe ne ọ rẹrẹ emwa, ne ọ vbe kha wẹẹ, ‘I ta ẹe zẹ vbe akhasẹ wẹ ayọn kevbe emwi ne a da gha kpọkua ne uwa!’

Maika 3:5

Emwa mwẹ khian ne avbe akhasẹ mu rẹrẹ, iran ghi bọ ọmọma ne iran ni rhie igho ne iran, sokpan ne ọ ma rhie igho ne iran, iran ghi wẹ re mu egbe khẹ okuo. E Nọyaẹnmwa tama avbe akhasẹ na nian wẹẹ,

I Tẹsalonaika 5:3

Ẹghẹ, ne emwa gha na gha kha wẹẹ, “Ore wa ma nian, ẹbe i rre odẹ,” Orriọkhọ ghi de gbe iran vbe udomwurri. Ọkpa ne ọ ra miẹn uhunmwu ẹ i rrọọ, te ọ ra ye vbe obalọ okhuo ne emwi ubiẹmwẹ ru.

II Pita 2:1

Vbe ẹghẹ ne ọ gberra, a miẹn avbe emamwaemwi ohoghe ni bun vbe uwu ẹbu iran, erriọ wa vbe nọ, a gha vbe miẹn avbe emamwaemwi ohoghe vbe uwu uwa. Iran gha ma emwa iruẹmwi omurhia kevbe ohoghe, iran ghi vbe siẹn Arowa iran ne ọ miẹn iran fan, iran ghi la ekpa ọnii si ọfuan udomwurri mu rhu egbe iran uhunmwu.