Jerimaia 6:13 - Edo Bible (E Baibol Ẹdo) Version 1996

¹³ Emwa hia fẹẹrẹ, ọkpọlọ kevbe ọ kanmwa, wa la odẹ ne ọ ma khuia gualọ igho. Uhin ighẹ te avbe akhasẹ kevbe avbe ohẹn ghi mu emwa ni ru.

Jerimaia 6:13 ပူးပေါင်းရင်းမြစ်များ

Aizaia 28:7

Uhin ighe avbe akhasẹ kevbe avbe ohẹn daa ayọn gbe egbe sẹrriọ wẹ te iran ghi dobidokpannọ khian. Iran daa ayọn, iran kevbe wọọn emwi hia bun sẹrriọ wẹ, te iran ghi dekun emwi hia vbe ne emwi ghi tighi sẹ. Avbe akhasẹ daa ayọn bun sẹrriọ wẹ iran i ghi rẹn umian ne Nọyaẹnmwa rhie ma iran, avbe ohẹn vbe daa ayọn sẹrriọ wẹ iran i ghi rẹn ohiẹn ẹmwẹ ne a viọ bu iran yo ya bu.

Aizaia 57:17

Ohu iran te mu mwẹ rhunmwuda orukhọ kevbe uzuanmwẹ iran, rhunmwuda ọnii, mẹ keghi rri iran oya, I na he iran yotọ. Sokpan, iran keghi wa zevbudu, iran na gha ru khian vbene ọ yẹ iran.

Jerimaia 14:18

I gha la uwu oha, I ghi gha miẹn ikun emwa ne a gbele vbe okuo, I gha la adesẹ ore, I ghi gha miẹn emwa ne ohanmwẹ ghi ra ghe ua. Avbe akhasẹ kevbe avbe ohẹn wa winna iwinna iran khian, sokpan, iran ma rẹn emwi ne iran ru.”

Jerimaia 17:11

Ọmwa ne ọ ye odẹ ero miẹn igho, ọ yevbe ahianmwẹ ne ọ gbe ekẹn ne ọ ma họ. Ọ gha he wa rre atẹ, ọ gha mu ẹfe ẹre fua, ọ gha ghi sẹ okiekie, rẹn ghi do gha re akpa.

Jerimaia 2:26

E Nọyaẹnmwa khare wẹẹ, “Zẹ vbene a ya oya ne oyi vbe a gha mu ẹẹn, erriọ zẹẹ, ọ re a ra ya oya ne uwa ne ivbi Izrẹl hia avbe ọba uwa, kevbe avbe ekhaẹmwẹ kevbe avbe ohẹn kevbe avbe akhasẹ.

Jerimaia 2:29

De ẹzọ ne uwa mobọ gui yi? Vbọzẹ ne uwa na sẹmwẹ mwẹ yi?

Jerimaia 2:8

Avbe ohẹn ma vbe nọ wẹẹ, “E Nọyaẹnmwa vboo?” Avbe ohẹn mwẹ ma rẹn mwẹ, avbe iran ni khaemwisẹ keghi sọtẹ mwẹ, avbe akhasẹ kegha ye eni e Baal guan yotọ iran kegha gho avbe amazẹ ni emwa maa.

Jerimaia 22:17

Sokpan, emwi ne ọ re ọghe ne egbe uẹ okpa ọ re u bẹghe; u gbe ọmwa ne ọ ma rukhọ, u kegha ye ọkhọ wọ emwa ruẹn uhunmwu. E Nọyaẹnmwa guaan nẹ.

Jerimaia 23:10

Otọe na vuọn ne emwa, emwa ne ẹ i mu ohan e Nọyaẹnmwa; uyinmwẹ dan ira yin iran ghi gha lo ẹtin iran la ihan. Rhunmwuda ne Nọyaẹnmwa na fi ẹre unu, te otọ ghi khiẹ, ehe ne aranmwẹ na rria hia kaka a.

Jerimaia 23:11

E Nọyaẹnmwa khare wẹẹ, “Ke akhasẹ kevbe avbe ohẹn, ne ọ rẹn Osanobua i rrọọ I mu iran nẹ vbe iran ru emwi dan, vbe uwu Ọgua Osa tobọ ẹre.

Jerimaia 27:15

E Nọyaẹnmwa tobọ ẹre tae nẹ wẹ rẹn ma gie iran, ighẹ te iran ya eni irẹn ta ohoghe ma ruẹn. Rhunmwuda ọnii, ọ gha khu uẹ ladian, iran gha gbe uẹ ua, ke uwẹ kevbe avbe akhasẹ ni ta ohoghe na ma ruẹn.”

Jerimaia 32:32

Rhunmwuda emwi dan ne ivbi e Juda kevbe ivbi e Jerusalẹm he ru, iran kevbe avbe ọba kevbe avbe olotu iran, avbe ohẹn kevbe avbe akhasẹ iran.

Jerimaia 42:1

Ẹre avbe ọkaokuo hia, deba ẹ Johanan ne ovbi e Karea kevbe Azaraia, ne ovbi e Hosiaia na viọ emwa ughughan ni rre ukpo ughughan gha dee,

Jerimaia 5:31

Avbe akhasẹ i ta ẹmwẹ ọvbehe gberra ohoghe, vbene avbe akhasẹ khare ọ re avbe ohẹn ya khaemwisẹ yan emwa, emwa mwẹ i vbe wẹ hẹn. Sokpan, ena hia ghẹ ghi fo nia, vbe iran gha ru hẹ?”

Jerimaia 8:10

Rhunmwuda ọnii, I gha munọ ugbo iran ne emwa ọgbọn ọvbehe, I ghi vbe viọ amwẹ iran ne ikpia ọvbehe. Emwa hia fẹẹrẹ, ke ọ kpọlọ kevbe ọkanmwa, wa ni gha hia ne iran gha la odẹ ne ọ ma khuia khuan igho. Uhin ighe te avbe akhasẹ kevbe avbe ohẹn ghi mu emwa ni ru.

Eve Orriara 4:13

Sokpan, ọ sunu, rhunmwuda, avbe akhasẹ ọ re ọ rukhọ avbe ohẹn ọnrẹn vbe rriabe wẹ, iran ọ re ọ gie avbe emwa ni ma rukhọ wulo.

Ezikiẹl 22:12

Eso vbe uwu avbe emwa uwa de izigha ya miẹn igho. Eso miẹn igho isu vbe ivbi Izrẹl ne ihua iran ne iran rhie igho na, iran ghi do ye ne iran na mu iran vbuẹvbuẹ fe. Iran mianmian mwẹ nẹ. E Nọyaẹnmwa ne Udazi guaan nẹ.

Ezikiẹl 33:31

Rhunmwuda ọnii, emwa ghi vẹ rre do danmwehọ uhunmwu ne u gie rre; sokpan, iran i ru emwi ne u tama iran ne iran ru. Iran ka ẹmwẹ ruẹn ye akiyẹyẹ, iran ghi gha yin uyinmwẹ orriarria iran khian.

Maika 3:11

Iran ni khaemwisẹ vbe ẹvbo, igho ọ re iran re ya khaemwisẹ, avbe ohẹn gha miẹn igho ye otọ Uhi ne iran rhan ma emwa, igho ọ re avbe akhasẹ miẹn ya ghe umian, ehia ghi ye gha kha wẹ e Nọyaẹnmwa rrọ yaba iran. Iran ghi gha kha wẹẹ, “Emwi rhọkpa i ru ima, e Nọyaẹnmwa rrọọ yaba mwa.”

Maika 3:5

Emwa mwẹ khian ne avbe akhasẹ mu rẹrẹ, iran ghi bọ ọmọma ne iran ni rhie igho ne iran, sokpan ne ọ ma rhie igho ne iran, iran ghi wẹ re mu egbe khẹ okuo. E Nọyaẹnmwa tama avbe akhasẹ na nian wẹẹ,

Iyẹn ne ọ Maan Ọghe Luk 16:14

Avbe Farisi eso ni họn avbe ẹmwẹ na kegha vin ihue ye Jesu akhọe, rhunmwuda iran ho ẹmwẹ igho ẹsẹse.

I Timoti 3:3

Ọ ma kei ne ọ gha re ọdayọn ra ne ọ fian ọkpannike, sokpan, ọ ghi gha re ọmẹhẹ kevbe ne ẹ i ho ẹmwẹ, ọ ma ke ne ọ gha ho ẹmwẹ igho.

II Pita 2:1

Vbe ẹghẹ ne ọ gberra, a miẹn avbe emamwaemwi ohoghe ni bun vbe uwu ẹbu iran, erriọ wa vbe nọ, a gha vbe miẹn avbe emamwaemwi ohoghe vbe uwu uwa. Iran gha ma emwa iruẹmwi omurhia kevbe ohoghe, iran ghi vbe siẹn Arowa iran ne ọ miẹn iran fan, iran ghi la ekpa ọnii si ọfuan udomwurri mu rhu egbe iran uhunmwu.

II Pita 2:3

Vbe uwu uzuanmwẹ iran, avbe emamwaemwi ohoghe na ghi gha ya okha ne iran tobọ iran ya rre, miẹn uwa emwi. Ọ kpẹre ne Ne ọ bu ohiẹn iran ghi mu egbe ye otọ. Ne ọ ra fuẹn iran uan i vbe vbiẹ hiehiere.