Jerimaia 52:7 - Edo Bible (E Baibol Ẹdo) Version 1996

⁷ A keghi guọghọ ekẹn ẹvbo nii gberra. A gha rhe miẹn wẹ te ivbi e Babilọn ghae ga ẹvbo ni, avbe ivbiyokuo ni rrọọ keghi lẹẹ kua vbe asọn. Iran keghi la odẹ ogba ọha ladian iran na la onurho ne ọ rre ehe ne ekẹn eva na vba egbe, iran na lẹ ghe odẹ Iya e Jọdan.

Jerimaia 52:7 ပူးပေါင်းရင်းမြစ်များ

II Ọba 25:4

Iran keghi guọghọ ihe eso vbe ekẹn ne a gbe lẹga ẹvbo nii. A gha rhe miẹn wẹ te ivbi e Babilọn wa tan obọ khinkhian ẹvbo nii, avbe ivbi iyokuo ni rrọọ hia lẹkua vbe asọn. Iran keghi la odẹ ogba ọghe ọba ladian, iran keghi la onurho ne ọ rre ehe ne ekẹn eva na miẹn egbe, iran le le odẹ ne ọ rrie Iya e Jọdan.

Jerimaia 34:22

I gha tae, iran ghi werriegbe gha di ẹvbo na. Iran ghi dekun ẹnrẹn, iran ghi khọn mu ẹẹn, iran ghi giẹn ọnrẹn sotọ. I gha ye avbe ore nọkhua ni rre Juda khian emwi ne ọ ye vbe ato, ehe ne ọmwarhọkpa i ye. Mẹ ne Nọyaẹnmwa taa ẹe nẹ.”

Jerimaia 39:2

Vbe ikpẹdẹ ne ogihinrin ọghe uki ne ogienẹ, vbe ukpo ne ogiowọrọ ne Zedekaia yae vbe ọba, iran keghi ha ekẹn ne a gbe lẹga ẹvbo gberra.

Jerimaia 49:26

Ọ gha sẹ ẹdẹ ne ẹdẹrriọ, a gha gbele avbe igbama ye adesẹ ore ẹvbo, a ghi fuẹn avbe ivbiyokuo ẹre hia a.

Jerimaia 51:32

Avbe eghian khọn mu ehe ne a na fian ẹzẹ rra nẹ iran vbe mu erhẹn ye avbe odin ne a gbe ga ẹvbo. Ivbiyokuo e Babilọn vẹ kua.

Jerimaia 6:5

Asọn ma gha ya dekun ẹnrẹn, ma gha dunmwu owa ẹvbo ni hia a.”

Ezikiẹl 12:12

Ovbi ọba ne ọ gbearoghe iran, asọn ọ re ọ ra ya kun emwi ẹnrẹn yan izabọ, ọ ghi la uvun ne a ha la ekẹn nẹ lẹfua. Ọ gha gbalọ aro, ẹ i ra vbe bẹghe ehe ne ọ rrie.

Ezikiẹl 12:4

Vbe ẹghẹ avan kun emwi ruẹn zẹ vbe ọmwa ne ọ rrie iwe, ne iran miẹn ehe na bẹghe ruẹ, gie iran hia vbe bẹghe ruẹ vbe u a kpa hin ore ẹvbo nii rre vbe ota vbene a miẹn wẹ te u rrie iwe.

Ezikiẹl 33:21

Vbe ikpẹdẹ ne ogisẹn ọghe uki ne ogigbe vbe ukpo ne ogiweva ne ima kegha rre iwe, ọmwa ne ọ lẹ fua vbe Jerusalẹm keghi rre do tama mwẹ wẹ iran khọn e Jerusalẹm.

Levitikọs 26:17

I gha werriẹ aro da uwa, vbe ne a gha na miẹn wẹ a khọn miẹn uwa otọ, iran ni khuiwu uwa ghi gha khaemwisẹ yan uwa, wa gha runran sẹrriọ wẹ wa ghi gha lẹ vbene ọmwarhọkpa ma na khu uwa.

Levitikọs 26:36

“I gha runran uwa ni rre imu vbe ẹvbo ẹrrẹe sẹrriọ wẹ, owogho ebe ne ẹhoho mu khian ghi si ulẹ ye uwa egbe. Wa ghi rhulẹ zẹ vbene a miẹn wẹ odaro okuo ọre a na khu uwa khian, wa ghi vbe dele vbe eghian ma sikẹ uwa.

Emọs 4:3

A ghi kpolo uwa gha rrie ehe ne ekẹn ne a gbe lẹga ẹvbo ne ọ ghi sikẹ evba sẹẹ, a ghi filo uwa kua.”

Diuteronomi 28:25

E Nọyaẹnmwa ghi gie eghian uwa gha khọn miẹn uwa otọ. Wa gha la odẹ ọkpa mu igbinna gie iran, sokpan wa ghi la odẹ ihinrọn lẹ hin ehe ne iran ye rre. Afianma ghi gha fian emwa ni rre agbọn hia vbe iran a miẹn emwi ne ọ sunu vbe egbe uwa.

Diuteronomi 32:30

Vbe orhiọnkpa na sẹtin khọn arriaisẹn hẹ yi? Ne arhin eva kẹkan na khọn arriaisẹn igbe? E Nọyaẹnmwa Osanobua he iran ye otọ nẹ, Osanobua ne Oghodua iran sẹ iran rae nẹ.