Jerimaia 52:6 - Edo Bible (E Baibol Ẹdo) Version 1996

⁶ Ọ ghi rre ikpẹdẹ ne ogihinrin ọghe uki ne ogienẹ ọghe ukpo ne a kha na, vbe a ghi miẹn wẹ ohanmwẹ wegbe sẹ vberriọ wẹ emwa ma ghi miẹn evbare re.

Jerimaia 52:6 ပူးပေါင်းရင်းမြစ်များ

II Ọba 25:3

Ọ ghi sẹ ikpẹdẹ ne ogihinrin ọghe uki ne ogienẹ ọghe ukpo nii, vbe ohanmwẹ ghi tua sẹrriọ wẹ emwa nii i ghi miẹn evbare re.

Aizaia 3:1

Banbanna nian, e Nọyaẹnmwa, e Nọyaẹnmwa ne Oghodua ra do viọ avbe emwi nii kevbe emwa nii ne iran mu ẹtin yan hin e Jerusalẹm kevbe Juda rre. Ọ ra do viọ evbare kevbe amẹ iran hin rre,

Jerimaia 15:2

Iran gha nọ ruẹn wẹ de ehe ne iran ra gha rrie, tama iran wẹ I khare re wẹẹ: “Eso rrọ ne emianmwẹ ra gbele ehe ne iran ra gha rrie ọre ọnii khin! Eso rrọ ni gha wulo vbe okuo ehe ne iran ra gha rrie ọre ọnii khin! Eso rrọ ne ohanmwẹ gha gbele ua ehe ne iran ra gha rrie ọ re ọnii khin! Eso rrọ ne a gha viọ ẹre oghunmwu gha rrie. Ehe ne iran ra gha rrie ọre ọnii khin.

Jerimaia 19:9

Avbe eghian gha lẹga ẹvbo nii, iran ghi gha ho ne iran gbele emwa ni rrọọ. Okuo ne ọ gha ga ẹre gha mu ohan sẹrriọ wẹ emwa ni rre uwu ẹre ghi gha gbele egbe iran re, uhin ighe iran gha vbe gha gbele ivbi iran re.”

Jerimaia 21:9

Ọmwa ikọmwa ne ọ rre ore ẹvbo, okuo gha gbe ẹe ra ohanmwẹ ra emianmwẹ. Sokpan, ọmwa ikọmwa ne ọ ladian, ọ na wa tobọ ẹre bu ivbi e Babilọn gha khian, iran ni wa khọn ẹvbo na khian na, a i ra gbe ẹe rua, ọ gha miẹn ikpakpuhunmu ẹnrẹn rhie ladian, ọ ghi baa, ọ ghi khọ.

Jerimaia 25:10

I gha dobọ uwemwẹ oghọghọ kevbe ọyẹnmwẹ iran yi, kevbe uwemwẹ oghọghọ ọghe evbare irhiọha, iran i ghi miẹn ofigbọn sa ye ukpa iran, ọka i ghi ra vbe gha rrọọ.

Jerimaia 37:21

Rhunmwudọnii, e Zedekaia ne ọba na ghi wẹ ne a khui mwẹ ye ẹwẹdọ ne ọ rre ọre ẹguae. Evba ọ re I ghi gha ye, iran keghi gha mu ududu ẹbrẹd ọkpọkpa ke ehẹn ne a na le gunmwẹ ẹdẹgbegbe, a te miẹn wẹ ebrẹd fo vbe ore ẹvbo na hia fẹẹrẹ.

Jerimaia 38:9

“U gha tọ u kpẹre Umogun, emwi ne iran na ru i maa. Iran ya mu e Jerimaia fi uwu uhae, agbọn hia rẹnrẹn wẹ, te ohanmwẹ ra gbe ẹe rua ye evba rhunmwuda evbare i ghi rre ẹvbo.”

Jerimaia 39:2

Vbe ikpẹdẹ ne ogihinrin ọghe uki ne ogienẹ, vbe ukpo ne ogiowọrọ ne Zedekaia yae vbe ọba, iran keghi ha ekẹn ne a gbe lẹga ẹvbo gberra.

Eve Orriara 1:11

Emwa rẹn kegha khiẹkhiẹ egbe vbe iran gualọ evbare ne iran gha re; iran ya emwi ẹfe iran rọ evbare ne iran ya da orhiọn yi ye agbọn. Ore ẹvbo keghi datu wẹẹ, “E Nọyaẹnmwa u ghe mwẹ, u ghe usẹ ne I ye.”

Eve Orriara 5:10

Te ohanmwẹ ghi ya egbe mwa tọn ne oni a te miẹn wẹ te ikpakpa egbe mwa ghi tọn vbe aroewu.

Ezikiẹl 14:13

“Ovbi ọmwa, uhunmwu ẹvbo okpa gha rukhọ ighẹ ọ ma mudia ẹse ghe mwẹ, I gha nien obọ ladian, I ghi guọghọ ehe ne ọ la miẹn evbare kua. I gha gie ukhunmwu, I ghi gbele emwa nagbọn kevbe avbe aranmwẹ ba ẹre.

Ezikiẹl 14:21

Vbenian ọ re Nọyaẹnmwa ne Udazi khare: “I gha gie emwi ne I ya rri emwa oya enẹ ni khọ sẹ gha rrie Jerusalẹm, ena ọrọre okuo, ukhunmwu, aranmwẹ akọn, kevbe emianmwẹ, ne I ya fuẹn emwa nagbọn kevbe avbe aranmwẹ ba ẹre.

Ezikiẹl 31:1

Vbe ikpẹdẹ n okaro ọghe uki nogieha ukpo ne ogiowọrọ ne ima kegha rre iwe, e Nọyaẹnmwa keghi gunmwẹ guan wẹẹ,

Ezikiẹl 5:16

I gha dobọ evbare ne ọ rrie ehe ne uwa ye yi ne ohanmwẹ miẹn ehe na gbe uwa. Wa gha miẹn obalọ ohanmwẹ nii zẹ vbe ọghe ifẹnmwẹ ni mu ne a ya salọ uwa, ne ọ gbele uwa a.

Ezikiẹl 7:15

Igbinna wa rre adesẹ ore, emianmwẹ kevbe ohanmwẹ wa rre uwu owa. Ọmwaikọmwa ne ọ fi owẹ hin ore ẹvbo rre, ladian gha wu ye igbinna nii, emwa ni vbe rre ore ẹvbo, obọ emianmwẹ kevbe ohanmwẹ gha vba iran.

Levitikọs 26:26

I gha gbe odẹ ehe ne a la viọ evbare gie uwa sẹrriọ wẹ aroewu ọkpa gha sẹ ikhuo igbe na le ebrẹd hia ne iran mwẹ, iran ghi ghae ẹre umwọmwẹ, wa gha ghi rri ọe fo nẹ, ohanmwẹ ghi ye gha gbe uwa.

Zẹkaraia 8:19

“Aguẹ ne a yo vbe uki ne ogienẹ, ogisẹn ne ogihinrọn kevbe ne ogigbe, emwiukpo ọyẹnmwẹ kevbe oghogho ọ re ọ khian gha khin ne ivbi e Juda. Wa gha ho ẹmwẹ ẹmwata kevbe ọfumwegbe.”

Diuteronomi 32:24

Ohanmwẹ kevbe emwirraro gha gbele iran an, emianmwẹ ne ọ mu ohan gha gbele iran an, I gha gie aranmwẹ akọn ne ọ gha gu iran khọn, kevbe ẹyẹn ne ọ mwẹ obi nọ ọ gha ho iran ẹmwẹ