Jerimaia 52:32 - Edo Bible (E Baibol Ẹdo) Version 1996

³² Ivomẹrodak ke wa gha ye obọ esi mu ẹẹn, ọ keghi rhie ẹre ye ukpo uyi ne ọ yo sẹẹ ọghe avbe ọba ọvbehe hia ni vbe gu irẹn rre iwe vbe Babilọn.

Jerimaia 52:32 ပူးပေါင်းရင်းမြစ်များ

II Ọba 25:28

Iyomẹrodak keghi ye obọ esi mu ẹẹn. Ọ keghi rhie ukpo ne ọ yo sẹ ọghe avbe ọba nekpa ni vbe rre iwe vbe ehe ne ọ ye ne ẹẹn vbe Babilọn.

Itan 12:25

Ohawa sẹtin rhie ọyẹnmwẹ hin ọmwa obọ rre, sokpan, ẹmwẹ itohan ghi gha ya ọyẹnmwẹ sẹ ọmwa.

Ezikiẹl 26:7

E Nọyaẹnmwa ne Udazi khare wẹẹ, “I ra mu ọba ne ọ ghi wegbe sẹ ehia, ighẹ e Nebukiadneza ne ọba e Babilọn rre ne ọ do khọn e Taia. Ọ gha ke odẹ okuọ rre ke irẹn kevbe ivbiyokuo nibun kevbe avbe ẹsin deba avbe iran ni hin ẹsin.

Daniẹl 2:37

U gha tọ u kpẹre, Umogun, wẹ ọrọre ne ọ ghi kpọlọsẹ vbe uwu avbe ọha hia. Osanobua ne ọ rre ẹrinmwi ọ re ọ ma uwẹ ọgbaisi, ọ keghi rhie ẹtin kevbe iwegbe kevbe uyi nuẹn.