Jerimaia 52:30 - Edo Bible (E Baibol Ẹdo) Version 1996

³⁰ Ọ ghi rre ukpo ehayan ugie, arhin isẹn yan ikiọkhọ yan arriaeha (745) ne Nebuzaradan viọ kpao. Ehia keghi do gha re arraeha yan arriaisẹn enẹ (4,600).

Jerimaia 52:30 ပူးပေါင်းရင်းမြစ်များ

II Ọba 25:11

Ẹre Nebukiadneza na viọ emwi nii ghi dekẹe vbe ẹvbo ni gha rrie Babilọn, emwa ni guẹ ona ni ghi dekẹe, deba iran ni lẹ bu ivbi e Babilọn gha khian.

II Ọba 25:8

Ọ ghi sẹ ikpẹdẹ ne ogihinrọn ọghe ukpo ne ọ ya gba vbe ọkpa irrọ vbugie ọghe Nebukiadneza e Babilọn, e Nebuzaradan ne ọ gu ọba zẹ iro ne ọ vbe re ne ọ kha yan ivbi iyokuo ẹre, keghi la ore Jerusalẹm.

Jerimaia 39:9

Vbe okiekie ehia, e Nebuzaradan ne arowa ivbiyokuo keghi viọ avbe emwa ni ghi kẹe vbe ẹvbo nii gha rrie e Babilọn, deba avbe emwa ni ka lẹ bu ẹre.

Jerimaia 52:15

Ẹre Nebukiadneza na viọ emwa ni ghi kẹe vbe ore ẹvbo nii oghunmwu gha rrie Babilọn. Emwa ni te kẹe vbe ore, avbe iran ni kere vbe avbe owinna ni guẹ emwi deba avbe emwa ni lẹ kua bu ivbi e Babilọn gha khian.

Jerimaia 52:29

Vbe ukpo evairrọvbugie ne ọ rriọba, ọ keghi viọ arhin evayan ọgban yan arriaenẹ (832) kpao vbe Jerusalẹm.

Jerimaia 6:9

E Nọyaẹnmwa ne Oghodua keghi tama mwẹ wẹẹ, “A gha bannọ Izrẹl ua fo zẹ vbe azara ne a kọlọ ọmọ rẹn fo nẹ fẹẹrẹ. Rhunmwuda ọnii nian, wa dẹlẹ inu ne ẹtin uwa gha sẹ vbọ werriegbe vbe uwu avbe emwa nii vbene ẹghẹ na he ye rrọ na.”