Jerimaia 52:28 - Edo Bible (E Baibol Ẹdo) Version 1996

²⁸ Vbenian a gbẹnnẹ ẹmwẹ emwa ne Nebukiadneza viọ kpao zẹ vbe oleghan: ọ ghi rre ukpo ihinrọn ne ọ rriọba, ọ keghi viọ arhin ehayan ugie ọ ya yan arriaisẹn eha (3,023) kpao.

Jerimaia 52:28 ပူးပေါင်းရင်းမြစ်များ

II Krọnikol 36:20

Ọ keghi viọ iran ni miẹn uhunmwu vbọ hia gha rrie Babilọn, iran na ya gha ga ẹe kevbe uniẹn ivbi ẹre zẹ vbe eviẹn ọ te do sẹ ẹghẹ ne Arriọba e Pẹsia na la ukpo.

Ẹzra 2:1

Ni bun vbe uwu iran ni te rre iwe keghi kpa vbe Babilọn rre, iran na gha die Jerusalẹm kevbe Juda, edọmwadẹ ọghọe na gha die ẹvbo ẹre. Ẹgbẹe iran hia ni te ka gha rre iwe vbe Babilọn ke ẹghẹ ne Nebukiadneza ne ọba ya viọ iran oghunmwu gha rrie odọ nii gha dee.

Nehimaia 7:6

Nibun vbe uwu iran ni ye iwe ni ghi kpao vbe otọe Babilọn rre, iran keghi dọlegbe gha die ẹvbo edọmwadẹ ọghọe vbe Jerusalẹm kevbe Juda. Ke ẹghẹ ne Ọba Nebukiadneza ya viọ iran oghunmwu kpao gha dee, otọe Babilọn ọ re ẹgbẹe iran na gha rre iwe.

Jerimaia 13:19

Avbe okpẹvbo ni rre odẹ ekẹn e Juda, okuo ghae gae ẹre nẹ, ọmwa ne ọ gha miẹn ehe la sẹ eke ne iran ye irrọ. A viọ ivbi e Juda hia kpao gha rrie iwe nẹ.”

Jerimaia 52:29

Vbe ukpo evairrọvbugie ne ọ rriọba, ọ keghi viọ arhin evayan ọgban yan arriaenẹ (832) kpao vbe Jerusalẹm.

Eve Orriara 1:5

Obọ avbe eghian rẹn ke ukhunmwu iran mu ẹre izẹghede. E Nọyaẹnmwa ru ẹe ne ọ rrioya ye orukhọ ne ọ ru hia iran munọ avbe ivbi ẹre hia oghunmwu hẹ gha rrie.

Ezikiẹl 12:11

Tama iran wẹ emwi ne u ru hia kegha re ama emwi ne ọ gha sunu vbe egbe iran — iran gha khian emwa ni lẹ ku ẹvbo ẹrrẹe kevbe oghunmwu.