Jerimaia 52:20 - Edo Bible (E Baibol Ẹdo) Version 1996

²⁰ Avbe emwi ẹrọnmwọ hia ne Solomọn ne ọba ru ye Ọgua Osa, avbe orre eveva, avbe ikẹkẹ okhuae, avbe ẹgbẹdin ne lẹulẹu deba avbe ẹkhuia ẹmila iweva ni mu ẹẹn mwẹ, iran keghi re ne ọkhua gbe, ẹ i gie mwa.

Jerimaia 52:20 ပူးပေါင်းရင်းမြစ်များ

I Ọba 7:25

A keghi mu ẹgbẹdin nii yan iyeke ẹmila oze iweva ni viọ uhe da egbe. Vbene eha na mu aro da ihọkpa.

I Ọba 7:47

E Solomọn ma mwa vbene avbe emwi ne a ye oze ru na khua sẹhẹ. Ọ bun sẹrriọ wẹ a i sẹtin kha vbene iran khua sẹ hẹ.

II Ọba 25:16

Emwi ne a ya ru emwi ne Solomọn ye oze ru ye Ọgua Osa, avbe orre eva nii, ikẹkẹ okhuae ke ẹe kevbe ẹgbẹdin ne a i sẹtin mwa rhunmwuda ighẹ iran khua gbe.

I Krọnikol 22:14

Zẹ vbe ọ ghe Ọgua Osa, mẹ ziga ya si uwan nọkhua ọghe igoru ne ọ te ra sẹ arriaisẹn enẹ koko nẹ, (4,000) deba uwan nọkhua ne ọ te ra sẹ arriaisẹn enẹ ọghe esiliva (4,000) ne a ya bọ ẹe. Ye vbe sẹ ọnii oze kevbe ematọn rrọọ ne a i sẹtin lo fo ne a gha hẹ rre. I vbe mwamwa erhan kevbe okuta ye otọ nẹ, sokpan, u ghi ye gualọ viọ ba ẹre.

II Krọnikol 4:18

Avbe emwi ne a ru keghi bun sẹrriọ wẹ ọmwa rhọkpa, ma ghi mwa inu oze ne a loro, vbene ọ khua sẹhẹ.

Jerimaia 52:17

Ivbi e Babilọn keghi guọghọ avbe orre kevbe ikẹkẹ okhuae ẹrọnmwọ ni rre Ọgua Osa deba avbe ẹgbẹdin ne lẹulẹu ọghe ẹrọnmwọ, iran na viọ ẹrọnmwọ nii hia gha rrie Babilọn.