Jerimaia 52:18 - Edo Bible (E Baibol Ẹdo) Version 1996

¹⁸ Iran kevbe viọ Ọsọbiri kevbe emwi ne a ya hẹ emuẹn, ne a ya kpolo Ogiukpo huan, kevbe avbe emwi ne a ya dọlọ ukpa yi, avbe ọkpan ne a da esagiẹn avbe emwi ne a ya zọ ese yi, avbe ọkpan ne a ya giẹn eturari, kevbe avbe emwi ẹrọnmwọ ne a ghi ya ru emwi hia vbe ẹghẹ ugamwẹ vbe Ọgua Osa.

Jerimaia 52:18 ပူးပေါင်းရင်းမြစ်များ

I Ọba 7:40

E Huram kevbe ru akhe ovbẹvbẹ kevbe ọkpan. Ọ keghi winna iwinna Ọgua Osa e Nọyaẹnmwa nii fo ne Solomọn ne ọba. Emwi ne ọ ru ena khin: Ọgbagba orre eva nii Egbaha ni yevbe ọkpan eva ni rre uhunmwu avbe orre nii A gbẹnnẹ ọgiọrọ ọrhiowẹlowẹ ni rre ọkpọkpa vbe egbaha nii Avbe pomegranẹt uri eva ne a mwamwa ẹre iyisẹn iyisẹn, ye uviẹn eva lẹga dọmwadẹ egbaha nii Avbe ikẹkẹ igbe nii Avbe igarawa igbe nii kevbe Ẹgbẹdin Ẹmila iweva ne a mu ẹgbẹdin nii yan Avbe akhe nii, ovbẹvbẹ kevbe ọkpan Oze ne a kpe, ọ re Huram ya ru avbe emwi ne a ya te Ọgua Osa ne Solomọn ne ọba.

I Ọba 7:50

avbe ukpu igoru, emwi ne a ya dọ ukpa yọ, avbe ọkpan, uyẹngbe eturari kevbe egbẹnghẹngbẹnghẹn ne a ya wan erhẹn, olode ni rre ẹkhu Ehe Ne ọ Huan Sẹẹ Ehia kevbe ẹgun ne ọ ke Ọgua Osa.

I Krọnikol 28:17

Ọ kevbe ta inu igoru ne a gha ya ru ekuiyẹ, oha, avbe ọkpan nekhua kevbe avbe uru, inu esiliva kevbe igoru ne a gha ya ru avbe ọkpan negiẹrẹ,

II Krọnikol 4:11

E Huram keghi vbe ru avbe akhe, ovbẹvbẹ kevbe ọkpan. Emwi hia ne ọ wa tama e Solomọn ighẹ rẹn gha ru ye uwu Ọgua Osa, ọ keghi wa ru ehia gba: Orrẹ ne eva Ehe ne ọ mwẹ imi vbe uhunmwu avbe orrẹ ni ne ọ ye vbe ọkpan Avbe ọgiọrọ ne a do ẹre ọrhiowẹlowẹ ya mu ona ye avbe orre ọkpọkpa, ikpẹrọnmwọ oze arriaeva ne a mwamwa ẹre uviẹn eva ya mu ona ye ẹzi orrẹ nii Avbe okotọ igbe Avbe igarawa igbe Ẹgbẹdin nii Avbe ẹkhuia ẹmila iweva ne a mu ẹgbẹdin nii yan Avbe akhe, ovbẹvbẹ kevbe ekuiyẹ, oyiya E Huram ne ọkaoiwinna keghi ya oze ne a kpe ru avbe emwi na hia zẹ vbene Solomọn ne ọba tama rẹn, ne a miẹn gha lo vbe Ọgua Osa e Nọyaẹnmwa.

II Krọnikol 4:22

emwi ne a ya dọ ukpa yọ, avbe ọkpan ne a viọ eturari yi, kevbe avbe ọkpan ne wẹwẹrhẹ ne a ya wan erhẹn. Igoru ne a ma gua ọ re a ya ru avbe emwi na hia. avbe ẹkhu ore ni rre Ọgua Osa kevbe avbe ẹkhu ni rre Ehe Ne ọ Huan Sẹe Ehia, igoru ọ re a ya rhu ehia.

Ẹksọdọs 25:29

U ghi ru avbe ọkpan, ukpu, uru kevbe agbada ne a gha ya gha ru izọhẹ ọghe ayọn. Ena hia, igoru ne ama gua ọre a gha ya ruẹ.

Ẹksọdọs 25:38

“U ghi ya igoru ne ama gua ru uyẹngbe ẹre kevbe emwi ne a ya dọlọ ukpa yi ne ọ rrọọ.

Ẹksọdọs 27:3

U ghi vbe ru ọkpan ọghe emuẹn ne lọkọ nọ rre aka, u ghi vbe ru ovbẹvbẹ, ọkpan nekhua, aban kevbe emwi ne a ya wan erhẹn. Emwi hia ne a ghi lo vbe aka nii, oze ọre a gha ya ru ẹe.

Ẹksọdọs 37:16

Ọ keghi vbe ya igoru ne a ma gua ru avbe ọkpan viọ ye eteburu nii, deba avbe ukpu, uru kevbe ọkpan nekhua ne a ya gha ru izọhẹ emwi ne a wọn.

Ẹksọdọs 37:23

Ọ keghi ru ukpa ihinrọn ọghe erhan ọmukpa nii, ọ keghi ya igoru ne ama gua ru ọkpan nọ vbe gha re na zẹ ọre ukpẹ.

Ẹksọdọs 38:3

Ọ keghi vbe ru emwi ne a lo vbe nene aka yọ, avbe ọkpan, ovbẹvbẹ, ọkpan nọkhua, avbe awan ke ẹe kevbe ọkpan ne a mu ye erhẹn. Oze ẹre ọ ya ru avbe emwi na hia.

Nọmbas 4:14

A ghi do viọ emwi hia ne a ya ru ugamwẹ vbe aka yọ: ọkpan iwaẹnrhẹn, adẹn, ovbẹvbẹ kevbe avbe ọkpan, iran ghi do mu ohian ne mose rhu ẹe iran ghi baba ọkpọ ne a ya muẹn yọ.

Nọmbas 4:7

“Iran ghi mu ukpọn ne raghoragho rhu eteburu ọghe ebrẹd ne a ya zẹ ọhẹ gie Nọyaẹnmwa a ghi viọ avbe ọkpan yan rẹn, kevbe ọkpan ọghe eturari, avbe ọkpan izẹhẹ kevbe esago ayọn ne a ya zẹ ọhẹ.