Jerimaia 52:13 - Edo Bible (E Baibol Ẹdo) Version 1996

¹³ Ọ keghi giẹẹn Ọgua Osa sẹ otọ deba owa emwa ni hin usi hia ni rre Jerusalẹm.

Jerimaia 52:13 ပူးပေါင်းရင်းမြစ်များ

I Ọba 9:8

Ọgua Osa na ghi do khian otiku ọrhiae, ọ ghi gha yan emwa hia ni la evba gberra unu an, ọ ghi gbe orrirri ku iran, iran ghi kha wẹẹ, ‘Vbọzẹ ne Nọyaẹnmwa na ru otọ na kevbe emwa na vbenian yi?’

II Ọba 25:9

Ọ keghi giẹn Ọgua Osa a, kevbe ẹguae, kevbe owa emwa ni hin usi hia ni rre Jerusalẹm.

II Krọnikol 36:19

Ọ keghi giẹn Ọgua Osa kevbe ẹvbo ni sẹ otọ.

Psalm 79:1

Osanobua. avbe nigẹbọ mu okuo la otọe ruẹ, iran mu awua la Ọgua Osa ruẹ nọhuanrẹn iran keghi rẹnkhẹn Jerusalẹm sẹ otọ.

Jerimaia 19:13

Avbe owa ni rre Jerusalẹm, avbe owa avbe ọba ni rre Juda, vbe ẹmwata avbe owa hia ne a ghi na gien eturari vbe ẹrhunrhun owa ẹre ne avbe orhọnmwẹ, kevbe avbe owa ne a ghi na sa ayọn kua zẹ vbe emwi izọ ese ghe avbe ẹbọ ọvbehe, ehia ọ re ọ gha khian ne awua ye zẹ vbe Tofẹt.”

Jerimaia 21:10

I wa tae nẹ, wẹ I i ra sẹ ẹvbo na rae sokpan, I fuẹn ọnrẹn ruan. A gha mu ẹẹn ne ọba e Babilọn, ọ ghi vbe giẹn ọnrẹn muotọ. Mẹ ne Nọyaẹnmwa taa ẹe nẹ.”

Jerimaia 21:14

Sokpan, I gha rrio oya ye emwi ne u ru. I gha mu erhẹn ye ẹguae ruẹ, erhẹn ni gha giẹn emwi ni lẹga ẹre hia sotọ. Mẹ ne Nọyaẹnmwa ọ re ọ tae.”

Jerimaia 22:14

Ọwiri nọ ne ọmwa ne ọ khare wẹẹ, “I gha bọ owa ẹrẹkhẹrẹ ne egbe mwẹ ne ughugha gbadagbada rre odukhunmwu vbọ.” Rhunmwuda ọnii, ọ gia ewindo ye owa ẹre ọ ya isida yi ẹkhu yọ, ọ keghi ya ẹmu ne ọ baa rra ẹre.

Jerimaia 32:29

Iran ghi vbe mu erhẹn yọ. Iran gha giẹn ọnrẹn sotọ, deba avbe owa nii ne emwa na ya gha ye ohu mu mwẹ vbekpa ne iran na gha giẹn eturari ne Baal vbe okpo, kevbe ne iran na gha sa ayọn imuohan kua ne avbe ẹbọ.

Jerimaia 34:22

I gha tae, iran ghi werriegbe gha di ẹvbo na. Iran ghi dekun ẹnrẹn, iran ghi khọn mu ẹẹn, iran ghi giẹn ọnrẹn sotọ. I gha ye avbe ore nọkhua ni rre Juda khian emwi ne ọ ye vbe ato, ehe ne ọmwarhọkpa i ye. Mẹ ne Nọyaẹnmwa taa ẹe nẹ.”

Jerimaia 38:23

Mẹ keghi rhie te ẹe wẹẹ, “A gha viọ avbe amwọ ọn kevbe ivbi uẹ gie ivbi e Babilọn, wẹ tobọruẹ i ra vbe lẹ iran fe. Ọba e Babilọn gha mu uwẹ oghunmwu gha rrie a gha vbe giẹn ẹvbo na muotọ.”

Jerimaia 6:5

Asọn ma gha ya dekun ẹnrẹn, ma gha dunmwu owa ẹvbo ni hia a.”

Jerimaia 7:14

Rhunmwuda ọnii, emwi ni ya Siailo khian, ọ re I ra ya Ọgua Osa mwẹ na ne uwa mu ẹtin ya khian.

Eve Orriara 2:5

E Nọyaẹnmwa fuẹn Izrẹl rua nẹ zẹ vbe oghian ọ ye avbe odin kevbe ẹguae ẹre khian itowa ọ keghi vbe sii akhiẹ ne ẹ i fo ye ivbi Jerusalẹm egbe.

Eve Orriara 2:6

Ọgua Osa ne ima na te ga ẹe ọ dunmwu ẹn ruan rẹnkhẹnrẹnkhẹn. Ẹdẹ iruẹmwi kevbe Ẹdẹ Ikẹtin. Ọ rhie ufomwẹ ye ehia. Ke avbe ọba kevbe avbe ohẹn ehia họn obọ ẹre vbe egbe.

Eve Orriara 2:7

E Nọyaẹnmwa hee Ogiukpo ẹre ọ keghi kpao hin uwu Ọgua Osa ẹre nọhuanrẹn rre. Ọ gie avbe eghian guọghọ ekẹn ọnrẹn sotọ. Iran wee ye akhọnmiotọ iran vbe ehe ne ima na te ya oghọghọ ga yi.

Eve Orriara 2:8

E Nọyaẹnmwa wa tae nẹ wẹ te ekẹn e Zaiọn gha de guọghọ ua. Ọ keghi mwa ẹnrẹn ne a miẹn ehe na miẹn wẹ, te a fuẹn ọnrẹn fo fẹẹrẹ. Ke owa ọkhẹ kevbe ekẹn ọnrẹn, itowa ehia ghi khin.

Ezikiẹl 16:41

Iran gha gien owa ruẹ sẹ otọ, iran ghi vbe gie avbe ikhuo do gha bi ghe oya ne a rri ọ re. I gha da ruẹ obọ igberagia ne u gbe yi, I ghi vbe ru ẹe ne u ghẹ ghi ya emwi ne avbe egbakhian ruẹn.

Ezikiẹl 24:21

Ne I ta ẹmwẹ na ma uwa ne ivbi Izrẹl wẹ Ẹtin Ọgua Osa ọ re uwa ya ghagha, ọ yẹ uwa ne a ghee, kevbe ne a yo, sokpan, e Nọyaẹnmwa ra ru ẹre awua. Avbe igbama ni rre ẹgbẹe uwa ne a ghi sẹrae ye Jerusalẹm, okuo gha gbele ehia.

Emọs 2:5

rhunmwuda ọnii, I gha rhu erhẹn ye Juda I ghi vbe giẹn avbe odin e Jerusalẹm ruan.”

Emọs 6:11

E Nọyaẹnmwa ghẹghi taa ẹe nẹ, owa nekhua kevbe ne giere, te a ra rẹnkhẹn ehia a.

Maika 3:12

Rhunmwuda ọnii nian, a gha rhunmwuda uwa ya e Zaiọn khian otọe ne a ya mu ugbo. E Jerusalẹm gha khian utete itowa, oke ne a bọ Ọgua Osa yi gha khian ẹgbo.

Zẹkaraia 11:1

Kie urho ye otọ, Lebanọn, ne u gie erhẹn do giẹn avbe erhan isida ruẹ hia sẹ otọ!

Matiu 24:2

Rẹn khama iran wẹẹ, “Erriọ nọ, wa ma dẹghe emwi na hia, ne I tama uwa, okuta ọkpa ne a ra sẹrae ye ihe ẹre, ẹ i rre emwa na, te a ra guọghọ ehia sẹ otọ.”