Jerimaia 52:11 - Edo Bible (E Baibol Ẹdo) Version 1996

¹¹ Vbe iyekọni, ọ na wẹ ne iran wọlọ e Zedekaia aro kua, a na ye ọgiọrọ rrọ ẹre mu gha rrie Babilọn. Uwu eghan ọ re Zedekaia gha ye ọ te do sẹ ẹdẹ ne ọ wu.

Jerimaia 52:11 ပူးပေါင်းရင်းမြစ်များ

Jerimaia 21:7

Sokpan, wẹ kevbe avbe ekhaẹmwẹ ruẹn kevbe avbe emwa ni miẹn uhunmwu vbọ, I gha gie obọ ọba e Nebukiadneza vba uwa ya munọ, kevbe avbe eghian uwa ni ho ne iran gbele uwa a. Nebukiadneza gha gbele uwa a, ẹ i ra vbe sẹ ọkpa rae vbe uwa, ne ọ tohan uwa ra ne ọ lekhue uwa. Mẹ ne Nọyaẹnmwa ọ re ọ tae.”

Jerimaia 39:7

Vbe iyeke ọnii, ọ keghi wọlọ e Zedekaia aro kua, ọ na ya ọgiọrọ rrọ ẹre wẹ ne a do mu ẹẹn gha rrie Babilọn.

Eve Orriara 2:6

Ọgua Osa ne ima na te ga ẹe ọ dunmwu ẹn ruan rẹnkhẹnrẹnkhẹn. Ẹdẹ iruẹmwi kevbe Ẹdẹ Ikẹtin. Ọ rhie ufomwẹ ye ehia. Ke avbe ọba kevbe avbe ohẹn ehia họn obọ ẹre vbe egbe.

Ezikiẹl 12:13

“Sokpan I gha tan ọga ye odẹ, I ghi ya ẹe mu ẹẹn. I ghi mu ẹẹn gha rrie ore e Babilọn, ehe ne ọ ra na wu vbe ne ẹ i na bẹghe ẹre.

Ezikiẹl 17:16

“Omwa vbene a na miẹn wẹẹ mẹ ọrọre Osanobua ne ọ rrọọ, erriọ e Nọyaẹnmwa ne Udazi khare, e Babilọn ọ re ọba na ra wu yi rhunmwuda ọ rra iyi kevbe ebe ne ọ gu ọba e Babilọn ne ọ ma ẹre ọba rhie obọ yi.

Ezikiẹl 23:24

“Iran gha ke odẹ okuọ suẹn gha guẹ gbinna, iran ghi ya ikẹkẹ okuo viọ ivbiyokuo nibun gha dee, deba okotọ ne a ya hẹ emwi gie iran. Iran mwẹ erhu ẹgere kevbe asa ne a ya khẹ egbe, iran gha lẹga ruẹ. I gha vbe rhie ruẹ ye iran obọ, iran ghi tie uhi iran ya bu ohiẹn ruẹn.