Jerimaia 51:9 - Edo Bible (E Baibol Ẹdo) Version 1996

⁹ Avbe orhunmwuyẹn ni rre evba khare wẹẹ, ‘Ma te ra ye Babilọn obọ, sokpan, ẹghẹ la nẹ. Wa gie ima kpao nian ne a gha rrie owa. Osanobua ya ẹtin ẹnrẹn hia rrii e Babilọn oya, ọ vbe fuẹn ọnrẹn uan fẹẹrẹ.’ ”

Jerimaia 51:9 ပူးပေါင်းရင်းမြစ်များ

II Krọnikol 28:9

Okpia ọkpa ne a tie eni ẹnrẹn Odẹd, ne ọ vbe re akhasẹ kegha rre Sameria. Ọ keghi dekun ivbiyokuo Izrẹl ni ke okuọ dee, deba ivbi e Juda ne iran munọ ẹre oghunmwu vbe iran ghi ra wa la ore ẹvbo, ọ na kha wẹẹ, “E Nọyaẹnmwa ne Osanobua avbe erha uwa odede keghi mu ohu ivbi e Juda, ọ na gie obọ uwa ke ukhunmwu ne iran, wanwanna nian, ọ họn ugbe mwẹ ọghe ekhọe dan ne uwa gbele iran re.

Ẹzra 9:6

I keghi kha wẹẹ, “Osanobua ekhue i gunmwẹ tọn uhunmwu mu ghe ehe ne u ye. Orukhọ ima ma ite ne ọ yo gberra ima uhunmwu, iran yo sẹ iso.

Aizaia 13:14

“Avbe orhunmwuyẹn ni rre Babilọn gha lẹ gha rrie ẹvbo iran, iran ghi zagha a vbe ẹrhuẹ ni lẹ ne ohuẹ kevbe avbe ohuan ni i mwẹ ne ọ su iran.

Aizaia 47:15

Emwi ne ọ maa ọkpa ne iran ra ru ne uẹn ọ re ọnii khin avbe iweuki nii ne u gha lẹ bu yo vbe ẹdẹ agbọn ruẹn hia. Iran hia gha sẹ uẹ rae, iran ghi khian okhian ọghe iran ọkpa ighi vbe kẹe vbọ ne ọ gha miẹn ruẹn fan.”

Jerimaia 46:16

Ivbiyokuo uwa hia rrua owẹ, iran dele edọmwadẹ ọghọe gha tama ogieva ẹre wẹẹ, ‘Ẹgiẹgiẹ! Gie ima bu emwa ima gha rrie owa ne a lẹfe vbe obọ umozo avbe eghian.’

Jerimaia 46:21

Uhin avbe ivbiyokuo ne ọ ve ẹre igho viọ ba egbe, egbe wọ ehia yotọ nẹ zẹ vbe ivbi ẹkhuia ẹmila. Iran ma kpaegbe ne iran gbinna iran hia fi iyeke gbe, iran na lẹẹ ẹdẹ ne iran ra khian rhie sotọ nẹ, ẹdẹ ne iran ra la ọrhiae rrie.

Jerimaia 50:16

“Wa ghẹ gie a ghi kọ vbe ẹvbo nii, a ma wẹ te a ghi ra rhọ. Ohan ivbiyokuo ni ra do khọn ẹvbo nii gha mu avbe erhunmwuyẹn ni rrọ sẹrriọ wẹ iran ghi werriegbe gha rrie ẹvbo iran.”

Jerimaia 8:20

Emwa ni keghi datu wẹẹ, “Ukhunmwu rrie, ẹghẹ emwiorhọ gberra, a ma ye miẹn mwa fan.”

Hozia 7:13

Ọghe iran fo vbotọ! Iran sẹ mwẹ rae, iran keghi sọtẹ ghe mwẹ. A gha fuẹn iran an. Te I ho ne I miẹn iran fan, sokpan ugamwẹ ohoghe ọ re iran ga mwẹ re.

Arhie Maan 18:4

I keghi vbe dọlegbe họn vbe urhu ọvbehe vbe guan ke ẹrinmwi rre wẹẹ, “Wa ke evba ladian, wa ne emwa mwẹ, wa ke uwu ẹre ladian, wa ghẹ gu ẹe mwẹ obọ vbe orukhọ ne ọ ru, wa ghẹ gu ẹe ghae vbe oya ne a ra rri ẹre re.

Arhie Maan 18:5

Rhunmwuda, a si orukhọ ẹre gbo o yo sẹ iso, Osanobua keghi ya emwi dan ne ọ ru hia rre.