Jerimaia 51:8 - Edo Bible (E Baibol Ẹdo) Version 1996

⁸ E Babilọn de udemwẹ udomwurri, ọ keghi rẹnkhẹn uan. Wa khiẹ ọre! Wa gualọ ukhunmwu rhie ye ọre ẹwẹn, u gha ghe, ọ gha rrie.

Jerimaia 51:8 ပူးပေါင်းရင်းမြစ်များ

Aizaia 21:9

Wa ghe vbe iran wa dee nian ighẹ avbe ikpia ni hin ẹsin, ni vbe rre uviẹn eveva, odibo ne ọ bodẹ nii ọ re ọ kha vberriọ, “E Babilọn de guọghua, avbe ẹbọ ne iran gho hia wa rre otọ bẹẹrẹ, ehia rẹnkhẹn uan.”

Aizaia 47:11

Ọfuan gha de rhuẹ. Ẹbo edunna ruẹn ọkpa ne ọ ra dae yi i rrọọ. Ọ gha rhurhẹ yan ruẹn vbe udomwurri. Ọfuan ne u ma ro u ma kọ.

Aizaia 47:9

Sokpan, vbe ifuanro ọkpa kẹkan, vbe ẹdẹ ọkpa kẹkan, emwi eveva na gha sunu. Egbe ne a rhe ya miẹn ighẹ, u silo ẹbọ ga egbe hia ọdafọn kevbe avbe ivbuẹ gha wulo uẹ.

Jerimaia 46:11

Ivbi Igipt, wa gha rrie Giliad ne uwa ya gualọ ukhunmwu, ukhunmwu uwa rhọkpa i ghi sẹ, emwi ne ọ gha sẹtin sinmwi uwa i ghi rrọọ.

Jerimaia 48:20

Iran gha tama uwa wẹẹ, ‘E Moab dee guọghọ ua, wa viọe ighẹ a fa ẹre ua nẹ. Wa ya ya ẹe go lele ọkpẹn Ẹzẹ Anọn wẹẹ a fuẹn Moab ua.’

Jerimaia 48:31

Rhunmwuda ọnii, I gha viẹ ivbi e Moab hia, kevbe ivbi e Ka Hẹrẹs.

Jerimaia 50:2

“Na iyẹn ni ma avbe uhunmwu ẹvbo hia! Ya ẹe go! Mu igiemwi ẹnrẹn ladian ne u vbe ya ẹe na iyẹn! Ghẹ rhie ẹre lẹre zẹ vbe emwi oro! E Babilọn dee guọghua nẹ! E Madok ne ẹbọ ne ọ gho, a duẹ ọre ua nẹ! A fa iran an ighẹ avbe amazẹ e Babilọn! Avbe emwi ne a mannọẹn ne ọ hu ọmwa ẹko, a dunmwu ehia a!

Jerimaia 51:41

E Nọyaẹnmwa khare vbe ekpa e Babilọn wẹẹ, “A khọn rẹn muotọ ighe ẹvbo ne uhunmwu otọ agbọn hia tian! U miẹn vbe Babilọn ghi khian ẹvbo ne ọ mianmwẹ ughe ne otọ agbọn hia hẹ!

Jerimaia 8:22

Ukhunmwu ighi rre Giliad ra? Avbe ọbo i ghi rre evba ra? Vbọ ghi zẹ ne a ma na ye mu avbe emwa mwẹ egbe rran khekherriọ?

Ezikiẹl 30:2

“Ovbi ọmwa, guan ẹmwẹ akhasẹ, ne u tama iran vbene imẹ ne Nọyaẹnmwa ne Udazi kha hẹ. Te u ra ya avbe ẹmwẹ na go: “Ẹdẹ ugborrirri dee!

Daniẹl 5:24

Ọnii ọ sii ẹe ne Osanobua na gie obọ rre ne ọ do gbẹnnẹ avbe ẹmwẹ na.

Daniẹl 5:31

E Dariọs ne ovbi e Mede ne ọ gha rre ukpo iyeha keghi ya ẹtin vbe iwegbe mu ẹkete ọba.

Nahum 3:19

Ẹwẹn ruẹn i mwẹ ukhunmwu, a i vbe sẹtin kpe ẹwẹn ruẹn ne ọ rrie. Emwa hia ni họẹn ighe a fuẹn ruẹn uan, gha kpe obọ ne oghọghọ, ọmwa ne uyinmwẹ ekhọe dan ruẹn ne ẹ i fo la ban rrọ ra?

Arhie Maan 14:8

Odibosa ogieva keghi lele ne okaro, ọ khare wẹ, “Ọ de guọghọ ua nẹ, Babilọn nọkhua de guọghọ ua nẹ, Ọ mu ayọn ne emwa, ọ si iran da ẹe ayọn ne ọ wo vbe egbe ọghe orriarria alama oghẹ ọre!”

Arhie Maan 18:2

Ọ keghi ya urhu ne ọ la kha wẹẹ, “Ọ de guọghọ ua nẹ! Babilọn nọkhua de guọghọ ua, a vbe orhiọn dan kevbe orhiọn ni ma huan, ọre ọ ghi lọyan yo lọyan rre vbọ. Ahianmwẹ ni gbiruẹn kevbe ọ ghe izohu hia ọre ọ ghi rre uwu ẹre.