Jerimaia 51:7 - Edo Bible (E Baibol Ẹdo) Version 1996

⁷ “Te Babilọn te ye vbe ukpu igoru vbe obọ mwẹ, ọ kegha ya ayọn ne otọ agbọn hia da ne ọ gha gbe iran. Avbe uhunmwu ẹvbo da ayọn rẹn, ẹrherhe iran keghi kulo.

Jerimaia 51:7 ပူးပေါင်းရင်းမြစ်များ

Aizaia 14:4

Ọ gha ghi ru ọna nẹ, iran ghi do gha giẹ ọha e Babilọn wẹẹ: “Ọba ne ekhọe dan nii dee gbotọ! Ẹ i ghi dọlegbe wọ ọmwa rhọkpa uhunmwu ọvbehe.

Jerimaia 13:13

U ghi khama iran ẹghẹ nii wẹ, mẹ ne Nọyaẹnmwa ra ye ayọn vuọn emwa otọe na hia a te do miẹn wẹ, te ayọn ghi gbe iran hia, avbe ọba ni re ivbi uniẹn e Devid, avbe ohẹn avbe akhasẹ kevbe ivbi e Jerusalẹm hia.

Jerimaia 25:9

‘I khian gie ya tie avbe emwa ni rre odẹ okuọ hia rre, kevbe ọguọmwadia mwẹ ighe e Nebukiadneza ne ọba e Babilọn, I gha viọ iran rre, ne iran do gu e Juda kevbe emwa ni rre uwu ẹre gbinna. Kevbe avbe ẹvbo ni sikẹ ọre hia. I khian fuẹn uhunmwu ẹvbo na kevbe avbe uhunmwu ẹvbo ni lẹga ẹre, I ghi ya ehia khian itowa ẹdẹdẹmwẹdẹ, emwi ne ọ mu ohan ne ọ ye egbe ku ọmwa ohiọnhiọn. Mẹ ne Nọyaẹnmwa ọ re ọ tae.

Jerimaia 50:38

Ghẹ gie amẹ rhọ ye otọ ẹre, vbe si avbe ẹzẹ ọre ka. Otọe amazẹ ni mu ohan ọre Babilọn khin ọ na vbe ya avbe emwa nii khian akpa.

Ezikiẹl 23:42

A ghi họn owogho emwa ni kulo ni gbe ẹbu, emwa nibun ne iran viọ ke uwu ato rre. Iran ghi viọ emwiobọ ye ikhuo nii obọ, iran ghi munọ ẹde ni mose rhuẹ iran uhunmwu.

Daniẹl 2:32

Igoru ne ọ ghi mose sẹ ọ re a ya maa uhunmwu ẹnrẹn, a keghi ya esiliva maa ẹwẹe, kevbe avbe obọ ẹre, ẹkun kevbe ikebe ẹre, a keghi ya oze maa enii,

Daniẹl 2:38

Ọ ya uwẹ ru ne ọ khaemwisẹ yan ehe ne agbọn sẹe ehe ne ọ rhanmwẹ nẹ, ne ọ khaemwisẹ yan avbe aranmwẹ kevbe ahianmwẹ. Wẹ ọrọre uhunmwu ne ọ re igoru ne ọ rrọọ.

Arhie Maan 14:8

Odibosa ogieva keghi lele ne okaro, ọ khare wẹ, “Ọ de guọghọ ua nẹ, Babilọn nọkhua de guọghọ ua nẹ, Ọ mu ayọn ne emwa, ọ si iran da ẹe ayọn ne ọ wo vbe egbe ọghe orriarria alama oghẹ ọre!”

Arhie Maan 17:2

Avbe ọba agbọn hia gue nene ogiete ebabotu gbe alama oghẹ, emwa ne agbọn hia keghi khian ne ayọn rẹn ghi gbe vbe iran ghi da nẹ vbe uwu ayọn alama oghẹ ọre.”

Arhie Maan 17:4

Ukpọn ododo ne ọ baa rhanrhanrhan kevbe ne ọ baa rriẹrriẹ, ọre a ya mu ẹre egbe ighẹ nene okhuo, a keghi ye emwi itegbe ọghe igoru han nẹẹn, avbe okuta ighobioye kevbe ikpe ẹrọnmwọ. Ọ keghi mu ukpu igoru mwẹ obọ, ọ vuọn ne emwi awua kevbe ẹwia hia, avbe emwi ne ọ miẹn vbe alama oghẹ ọre.

Arhie Maan 18:23

A i ghi ra dọlegbe bẹghe uwanmwẹ ukpa ne a rhu vbe uwu uwẹ ọvbehe. A i ra dọlegbe họn urhu ọha kevbe ọdafẹn ọha vbe uwu uwẹ ọvbehe. Emwa iwinna ruẹn ọre ọ te re ne ọ mwẹ ẹtin sẹ vbe uhunmwu otọ agbọn hia, u kegha ya ẹbo awan ohoghe ruẹ mu emwa ne agbọn hia rẹrẹ!”

Arhie Maan 18:3

Rhunmwuda, rẹn keghi rhie ayọn ne emwa hia, ọ keghi ye iran dae ighẹ ayọn ne ọ wo vbe egbe ọghe alama oghẹ, kevbe ozuan ọghọe. Avbe ọba otọ agbọn keghi gu ẹe ru emwi alama oghẹ, iwinna ne agbọn winna keghi ya orriarria ọghọe ne ẹ i mwẹ egaga gha hue.”

Arhie Maan 19:2

Ẹmwata ne uhunmwu ẹmwẹ ọre ibuohiẹn ọnrẹn khin. Rhunmwuda rẹn bu abe gbe ẹe nẹ ighẹ ebabotu nọkhua nii ne ọ ya alama oghẹ ọre mu agbọn rhia. Osanobua rria ẹre ikhi, rhunmwuda ne ọ na gbele avbe eguọmwadia ẹre.”