Jerimaia 51:6 - Edo Bible (E Baibol Ẹdo) Version 1996

⁶ Wa lẹ ladian vbe Babilọn! Wa lẹ rhie uhunmwu hin ẹbe rre! Wa ghẹ gie a gbele uwa ye orukhọ e Babilọn. Te imẹ rria ẹre ikhi na, I ra vbe rri ọre oya ne ọ ma ẹẹn.

Jerimaia 51:6 ပူးပေါင်းရင်းမြစ်များ

Psalm 94:1

Nọyaẹnmwa, Osanobua ne ọ rri ọmwa oya ye ọkhọ ọ re uwẹ khin; rhie izohu ruẹ maa!

Itan 13:20

Gha gu umẹwaẹn mu obọ, wẹ gha vbe do khian umẹwaẹn. Adeghẹ u gu avbe akpa gha ru ọse, ọnii ọ re ọwuẹ fo.

Aizaia 48:20

Wa ladian vbe Babilọn, wa gha khian vbe abọ kẹkan wa ya oghọghọ ya nene iyẹn go wa gie emwa họn ẹẹn vbe ehe hia: “E Nọyaẹnmwa miẹn Izrẹl ne ọguọmwadia ẹre fan!”

Aizaia 63:4

Te I khare wẹ, ẹghẹ sẹe nẹ ne I gha na miẹn avbe emwa mwẹ fan, ẹghẹ sẹe nẹ ne I gha na rri eghian iran oya.

Jerimaia 25:14

I gha ha e Babilọn osa emwi ne iran ru, avbe uhunmwu ẹvbo kevbe avbe ọba nibun ghi ya iran gha ru eviẹn.’ ”

Jerimaia 25:16

Iran gha da vbọ, iran ghi gha dobidokpannọ khian, iran ghi vbe kiza rhunmwuda okuo ne I ra gie bu iran gha dee.”

Jerimaia 27:7

Te uhunmwu ẹvbo hia ra gae, iran ghi ga ovbi ẹre, iran ghi vbe ga eyẹ ọre ọ te do sẹ ẹghẹ ne uhunmwu ẹvbo ọghọe gha ya de. Ẹghẹ nii, uhunmwu ẹvbo ọghọe ghi gha gae avbe uhunmwu ẹvbo ni mwẹ ẹtin kevbe avbe ọba nekhua.

Jerimaia 46:10

Ẹdẹ Osanobua ne Udazi ne Oghodua ọ na khin ẹdẹnẹrẹ na, ọ ra kioya ẹdẹnẹrẹ na, ọ gha rria avbe eghian rẹn ikhi. Umozo ẹre gha rri iran ne ẹko vuọn ẹẹn ọ gha vbe wọn esagiẹn iran ẹko te do vuọn ẹẹn. Ẹdẹnẹrẹ na ọ re Oghodua ra ye avbe oghunmwu ẹnrẹn zọ ese vbe odẹ okuọ, vbe ọkpẹn e Yufretes.

Jerimaia 48:6

‘Ẹgiẹgiẹ, wa lẹ rhie uhunmwu hin ẹbe rre!’ erriọ iran tae, ‘Wa rhulẹ zẹ vbe ekẹtẹkẹtẹ oha ne ato!’

Jerimaia 50:15

Wa kpe orhu okuo lẹga ọre ẹvbo nii hia. Banbanna nian, e Babilọn de igue nẹ. A ha uvun la ekẹn ọnrẹn gberra, a keghi dunmwu ẹn ruan sẹ otọ. Te I ghi rria e Babilọn ikhi na. Rhunmwuda ọnii nian, wa vbe rria iran ikhi, ne uwa ru iran zẹ vbene iran vbe ru emwa ọvbehe.

Jerimaia 50:28

(Iran ni lẹ vbe owa, lẹ hin e Babilọn rre gha die Jerusalẹm. Iran na iyẹn vbene Nọyaẹnmwa rria ikhi ye ẹmwẹ vbene ivbi e Babilọn ru Ọgua Osa ẹre hẹ.)

Jerimaia 50:31

E Babilọn, uhiomwẹ wa gba ruẹ egbe rhunmwuda ọnii, mẹ ne Udazi, e Nọyaẹnmwa ne Oghodua, mu aro igbinna da ruẹ. Ẹghẹ sẹẹ nẹ ne I gha na rria ruẹ ikhi.

Jerimaia 50:8

“Wa ne ivbi Izrẹl, wa lẹ hin e Babilọn rre! Wa kpao hin ẹvbo nii rre! Wa gha re emwa ne okaro ne ọ ka gha kpao.

Jerimaia 51:11

E Nọyaẹnmwa bọọ avbe ọba e Midia yọ rhunmwuda, ọ ho ne ọ fuẹn e Babilọn ruan. Erriọ ọ re ọ ra ya rria ikhi ye ẹmwẹ Ọgua Osa ọghọe ne iran guọghọ ua. Arowa avbe ivbiyokuo ni ra do gbinna tama iran wẹẹ, “Wa zẹ ifẹnmwẹ uwa ukpẹ! Wa viọ asa uwa mwẹ.

Jerimaia 51:36

Ẹre Nọyaẹnmwa na tama ivbi e Jerusalẹm wẹẹ, “I gha mu ẹzọ ruẹ gui, I ghi vbe ru ẹe ne avbe eghian rri oya ye emwi ne iran ru uwa re. I gha si uhunmwu ẹzẹ e Babilọn ka, I ghi vbe gie avbe ẹzẹ ọre ka.

Jerimaia 51:45

Wa ne ivbi Izrẹl, wa lẹ ladian vba. Wa lẹ viọ uhunmwu uwa hin ẹbe rre vbe obọ ohu nọkhua ne ọ mu mwẹ.

Jerimaia 51:50

E Nọyaẹnmwa tama emwa rẹn ni rre Babilọn wẹẹ, “Wa lẹẹ uwu fe nẹ! Banbanna nian, wa ladian. Wa ghẹ mudia. A gha rhe miẹn ighe wa khian rrei vbe owa, wa mu ẹmwẹ imẹ ne Nọyaẹnmwa uwa ro, ne uwa vbe ye Jerusalẹm rre.

Jerimaia 51:56

Te iran rre do fuẹn Babilọn ruan kevbe ivbiyokuo ẹre hia, a vbe bunnọ uhanbọ iran. Osanobua ne ọ rria ikhi orukhọ mẹ khin, I gha ru e Babilọn emwi ne ọ ma ẹẹn.

Jerimaia 51:9

Avbe orhunmwuyẹn ni rre evba khare wẹẹ, ‘Ma te ra ye Babilọn obọ, sokpan, ẹghẹ la nẹ. Wa gie ima kpao nian ne a gha rrie owa. Osanobua ya ẹtin ẹnrẹn hia rrii e Babilọn oya, ọ vbe fuẹn ọnrẹn uan fẹẹrẹ.’ ”

Eve Orriara 3:64

“Rri iran oya ye emwi ne iran ru Nọyaẹnmwa.

Nọmbas 16:26

Ọ keghi tama emwa ni wẹẹ, “Wa kpa hin ehe ne owa ukpọn avbe emwa dan na ye rre, wa ghẹ vbe ya obọ kan emwi iran rhọkpa, ne a ghẹ ya fuẹn uwa lele iran rhunmwuda orukhọ iran hia.”

Diuteronomi 32:25

Okuo gha gbele emwa ye ughe, ugborrirri ghi gbele emwa ye uwowa avbe igbama kevbe ivbialeke gha wulo, kevbe emọ obọ kevbe avbe ọmaẹn, ne a ra sẹrae i rrọọ.

Diuteronomi 32:41

wẹ I gha lọ agbada mwẹ ne wainwain, I ghi miẹn wẹ a ru emwi ye vbene ọ kere. I gha rria avbe eghian mwẹ ikhi, I ghi rri iran ni khuiwu mwẹ oya.

Diuteronomi 32:43

“Wa ne avbe uhunmwu ẹvbo, wa gha go wan emwa e Nọyaẹnmwa, ọ rri iran ni gbele iran an oya, ọ rria avbe eghian rẹn ikhi. Ọ keghi viọ iran ni rri abe hin otọe emwa rẹn rre.”

I Timoti 5:22

Ghẹ tua viọ obọ yan ọmwaikọmwa uhunmwu, ye iwinna Nọyaẹnmwa, ghẹ mwẹ obọ vbe orukhọ ẹrrẹe, da egbe ruẹ yi vbe ne a i na mwẹ iruẹn.

Arhie Maan 16:19

A keghi wa ẹvbo nọkhua nii ye ihe eha, okpẹvbo ni rre uhunmwu ẹvbo otọ agbọn hia keghi fuẹn uan. Osanobua keghi ye Babilọn rre, ọ keghi ya nẹẹn da vbe ayọn ne ọ rre ukpu ẹre, ayọn ọghe izohu ọhanabe ẹre nii.