Jerimaia 51:58 - Edo Bible (E Baibol Ẹdo) Version 1996

⁵⁸ A gha rrua ekẹn e Babilọn nọkhua gbe otọ. A ghi vbe giẹn avbe ẹkhu ẹre ne ẹrẹkhẹrẹ sẹ otọ. Iwinna avbe uhunmwu ẹvbo khian ekẹkan, ẹsọn iran giẹn uan vbe erhẹn. Mẹ ne Nọyaẹnmwa ne Oghodua guaan nẹ.”

Jerimaia 51:58 ပူးပေါင်းရင်းမြစ်များ

Psalm 127:1

A deghẹ Nọyaẹnmwa ma bọ owa, te iran ni bọ ẹe winna kẹkan. A deghẹ Nọyaẹnmwa ma rhie ẹvbo lẹre, te iran ni khẹ odẹ khẹ ọre kẹkan.

Aizaia 13:2

Tọn afiala okuo nii mu vbe uhunmwu oke ne ọ dihoi rua nii. Da tie avbe ivbiyokuo nii ne u vbe tọn obọ ruẹ mu da iran zẹ vbe igiemwi wẹ ne iran dekun onurho ẹvbo ne ọ tengbemu nii.

Aizaia 47:13

U i ye mwẹ ẹtin, vbene a bu ruẹ ude sẹ gie iran ni we uki ne uẹn ladian do miẹn ruẹn fan avbe iran ni ghe umian vbe orhọnmwẹ iran ni mwamwa iso ye dọmwadẹ oghae ni vbe tama ruẹn uki uki wẹ ghe emwi ne ọ gha sunu vbe egbe ruẹ.

Aizaia 65:23

Emwi ne iran ru gha wa gha dinna odẹ, ọkhọ i ra vbe sunu vbe egbe ivbi iran, i gha fiangbe iran kevbe uniẹn ivbi iran ni dee ẹdẹdẹmwẹdẹ.

Jerimaia 50:15

Wa kpe orhu okuo lẹga ọre ẹvbo nii hia. Banbanna nian, e Babilọn de igue nẹ. A ha uvun la ekẹn ọnrẹn gberra, a keghi dunmwu ẹn ruan sẹ otọ. Te I ghi rria e Babilọn ikhi na. Rhunmwuda ọnii nian, wa vbe rria iran ikhi, ne uwa ru iran zẹ vbene iran vbe ru emwa ọvbehe.

Jerimaia 51:30

Avbe ivbiyokuo e Babilọn dobọ igbinna yi nẹ, iran vbe mudia ye okhiẹ ẹvbo iran. “Ẹtin fo iran nẹ, te iran ghi yevbe ikhuo. A guọghọ onurho ẹvbo nii sotọ nẹ avbe owa ni rrọ hia gha giẹn.

Jerimaia 51:44

I gha rri e Bẹl ne ẹbọ e Babilọn oya, I ghi ru ẹe ne ọ viọ avbe emwi ne ọ do hẹ ladian. Avbe uhunmwu ẹvbo i ghi ra dọlegbe gho ẹre ọvbehe. “Ekẹn e Babilọn dele.

Jerimaia 51:64

U ghi vbe kha wẹẹ, ‘Emwi ne ọ ra rruan e Babilọn ọ re ọ na khin ọ gha dinmwi, ẹ i ghi ra vbe dọlegbe laghe odukhunmwu, rhunmwuda ọkhọ ne Nọyaẹnmwa ra gie ẹe do sunu vbe egbe ẹre.’ ” Ẹmwẹ e Jerimaia fo vbe emwa.

Jerimaia 51:9

Avbe orhunmwuyẹn ni rre evba khare wẹẹ, ‘Ma te ra ye Babilọn obọ, sokpan, ẹghẹ la nẹ. Wa gie ima kpao nian ne a gha rrie owa. Osanobua ya ẹtin ẹnrẹn hia rrii e Babilọn oya, ọ vbe fuẹn ọnrẹn uan fẹẹrẹ.’ ”

Jerimaia 9:5

Dọmwadẹ ọghọe bibi ọsiọre odẹ a i ghi miẹn ne ọ ta ẹmwata iran ma aranmwẹ iran ohoghe ne a ta iran i vbe dobọ orukhọ ne a ru yi. Iran ru emwi ọkhọ okpa yan ọvbehe iwinna erẹrẹ okpa ghi lele ọvbehe e Nọyaẹnmwa tae i ghẹ emwa irẹn hee irẹn yotọ nẹ.

Eve Orriara 5:5

A khu mwa ọgbẹgbẹ zẹ vbe ẹsin ra e kamẹl egbe wọ mwa, sokpan a ma gie ima hẹwẹ.

Habakọk 2:13

Avbe ẹvbo ne uwa khọn mu gha rri ororo rhunmwuda iwinna ẹhorriẹ ne uwa ya iran winna, emwi hia ne iran te bọ khian ne ọ la erhẹn rrie. E Nọyaẹnmwa ne Oghodua ọ re ọ ru ọna.