Jerimaia 51:57 - Edo Bible (E Baibol Ẹdo) Version 1996

⁵⁷ I gha ye ayọn ne avbe enikhaemwisẹ iran da, ne ọ gha gbe iran, avbe umẹwaẹn, ọkaolotu, kevbe ivbiyokuo. Iran gha ya lovbiẹ, sokpan iran i ghi rhiọrre. Mẹ ne ọba taa ẹe nẹ. Mẹ ọrọre Nọyaẹnmwa ne Oghodua.

Jerimaia 51:57 ပူးပေါင်းရင်းမြစ်များ

Aizaia 37:36

Odibosa e Nọyaẹnmwa keghi la agọ ivbi Asiria, ọ keghi gbele ivbiyokuo arriaisẹn isẹn yan iyi ihinrin (185,000). Ẹdẹ ghi gbe vbe owiẹ ne ọ lelẹe, ehia keghi wulo lele otọe bẹẹrẹ!

Aizaia 44:25

Mẹ ye avbe iran ni fi iha ne emwa, gbogiẹ I ghi vbe ya emwi ne avbe iweuki ta yotọ khian ne ọ ma de yọ. Mẹ khare ighẹ ohoghe ẹmwẹ ne avbe umẹwaẹn ta khin. I ghi rhie ma ighẹ ukọnmwẹ ọ re ẹwaẹn iran khin.

Aizaia 6:5

Mẹ keghi kha wẹẹ, “I wiri! Ọghomwẹ fo nẹ, rhunmwuda ẹmwẹ ne ọ rhirhi ke akhuarhamwunu mwẹ ladian, orukhọ nọ, uwu ẹbu emwa ne ẹmwẹ ne iran guan hia wa vbe re orukhọ ọ re I ye. Sevba, mẹ keghi ye aro mwẹ bẹghe Ọba, e Nọyaẹnmwa ne Oghodua.”

Jerimaia 13:13

U ghi khama iran ẹghẹ nii wẹ, mẹ ne Nọyaẹnmwa ra ye ayọn vuọn emwa otọe na hia a te do miẹn wẹ, te ayọn ghi gbe iran hia, avbe ọba ni re ivbi uniẹn e Devid, avbe ohẹn avbe akhasẹ kevbe ivbi e Jerusalẹm hia.

Jerimaia 25:27

Ẹre Nọyaẹnmwa na tama mwẹ wẹẹ, “Tama avbe emwa nii wẹ mẹ ne Nọyaẹnmwa ne Oghodua ne Osanobua Izrẹl, mẹ ọ re ọ tama iran wẹ ne iran da rhinrin ọ te do gha gbe iran ne iran gha bi, iran te do dele gbotọ vbe ne iran i ghi na sẹtin kpaegbe ọvbehe, rhunmwuda okuo ne I gie bu iran dee.

Jerimaia 46:18

Mẹ ne Nọyaẹnmwa ne Oghodua ọrọre ọba. Mẹ ọrọre Osanobua ne ọ rrọọ, zẹ vbene oke Tabọ ghe avbe oke hia ginna otọ, vbene Oke Kamẹl yo gberra uhunmwu okun, erriọ ọ re ẹtin ẹnrẹn khian gha ye ighe ọmwa ne ọ do gu uwa gbinna.

Jerimaia 48:15

A fuẹn Moab kevbe avbe okpẹvbo ni rrọ ua nẹ a gbele avbe igbama ni mose ni rrọ ua. Mẹ ọrọre ọba, e Nọyaẹnmwa ne Oghodua, I vbe guaan nẹ.”

Jerimaia 50:30

Rhunmwuda ọnii, a gha gbele avbe igbama ẹnrẹn ye adesẹ ore ẹvbo, a gha vbe fuẹn avbe ivbiyokuo ẹre hia a, vbe ẹdẹ nẹdẹrriọ. Mẹ ne Nọyaẹnmwa taa ẹe nẹ.

Jerimaia 51:39

Te iran zuan ra? I gha le evbare ne iran, I gha ya ayọn ne iran da, iran ghi vbe gha ghọghọ. Iran gha ya vbiẹ vbe ne iran i ghi ra na rhiọrre ọvbehe.

Ezikiẹl 20:33

“Zẹ vbene aro dae wẹ, mẹ ne Nọyaẹnmwa ne Udazi ọrọre Osanobua ne ọ rrọ, I tama uwa yotọ nẹ wẹ ohu gha mu mwẹ, I gha ya obọ ne ọ tọn mu uwa vbe ẹtin mwẹ hia.

Nahum 1:10

A gha giẹn uwa a, zẹ vbe igban ni kinnọ egbe kevbe ebe ne ọ kakae.

Nahum 3:18

Ọgbaisi Asiria, avbe gọvina ruẹn wulo nẹ, avbe emwa ni hin usi ruẹ vbe vbiẹ ovbe ne a i ghi na rhiọrre. A zagha emwa ruẹn hia lele uhunmwu oke ni yo, a ma miẹn ọmwa ne ọ gha ghi viọ iran gha die owa.

Malakai 1:14

Emwi ọ gha rruan ne ọ mu ọmwa ru, ne ọ ye aranmwẹ nọ ma maa zọ ese ghe mwẹ, vbe aranmwẹ esiesi ne ọ yan rẹn wẹ rẹn gha mu gunmwẹ rre uwu oghẹn ọnrẹn! Rhunmwuda, ọba nọkhua ọre imẹ, khin, te emwa ni rre uhunmwu ẹvbo hia mu ohan mwẹ.”

Arhie Maan 18:9

Avbe ọba agbọn, ne ọ gu ẹe ruemwi awua kevbe orriarria, gha tu, iran gha vbe viẹ ne ẹvbo nii, vbe iran a miẹn ighogho ne ọ gbe vbe ọ gha giẹn.