Jerimaia 51:54 - Edo Bible (E Baibol Ẹdo) Version 1996

⁵⁴ E Nọyaẹnmwa khare wẹẹ, “Wa danmwehọ urhu eve vbe Babilọn ọghe iran ni khiẹ ye uguọghọmwẹ otọe nii.

Jerimaia 51:54 ပူးပေါင်းရင်းမြစ်များ

Aizaia 15:5

Orhiọn mwẹ wa viẹ ne Moab. Emwa ni rrọ lẹẹ gha rrie Zoa kevbe Eglat Siekisiya. Eso lẹẹ la odẹ Luhit, iran viẹ khian, eso lẹẹ gha rrie Horonaim, iran gha kporhu eve khian:

Aizaia 25:5

zẹ vbe uyunmwu vbe otọe ne ọ kakae sokpan, wẹ ne Nọyaẹnmwa guee avbe eghian mwa unu nẹ. Wẹ keghi dọ uwemwẹ emwa dan yọ, zẹ vbene okuku amẹ ye ẹdẹ owowo furre.

Jerimaia 50:22

A họn urhu igbinna okuo vbe otọe nii, ọfuan nọkhua vbe rrọọ.

Jerimaia 50:27

Wa gbele ivbiyokuo iran hia a! Wa rẹnkhẹn iran! Ọghe ivbi e Babilọn fo vbotọ! Ẹghẹ sẹ nẹ ne a gha ya rri iran oya!”

Jerimaia 50:43

Ọba e Babilọn họn ẹmwẹ na, obọ ẹre keghi luẹluẹ, akhiẹ dan dekun ẹnrẹn obalọ ne ọ yevbe ọghe okhuo ne ọ ra biẹ.

Jerimaia 50:46

Ẹdẹ ne Babilọn gha de gbotọ, ọ gha la sẹ vberriọ wẹ otọe agbọn hia ghi mu rueghe, avbe agbọn ẹvbo nekpa gha họn utumwẹ wa bu rre ẹre.”

Zẹfanaia 1:10

“Ọ gha sẹ ẹdẹ ne ẹdẹrriọ,” erriọ Nọyaẹnmwa khare, “U gha họn urhu eve vbe Onurho Ehẹn vbe Jerusalẹm. U gha họn ugomwẹ vbe idunmwu ọgbọn ọghe ẹvbo nii, kevbe owogho emwi ne ọ de guọghọ ua vbe avbe uhunmwu oke.