Jerimaia 51:46 - Edo Bible (E Baibol Ẹdo) Version 1996

⁴⁶ Wa ghẹ gie awẹawẹ ne uwa họn ya egbe wọ uwa ra ne ohan gha mu uwa. Ukpukpo ọ re awẹawẹ ughughan ya zọ ladian, awẹawẹ ọghe uyinmwẹ ikẹtin vbe otọe nii, kevbe ẹghẹ ọba okpa ne ọ gu ọba ọvbehe khọn.

Jerimaia 51:46 ပူးပေါင်းရင်းမြစ်များ

II Ọba 19:7

E Nọyaẹnmwa gha ru ẹe ne Ọgbaisi họn ẹmwẹ ne a ta khian ne ọ gha ya ẹe werriegbe gha rrie ẹvbo ẹre, e Nọyaẹnmwa ghi ru ẹe ne iran gbe ẹe rua vbe odọ nii.”

II Krọnikol 20:23

Ivbiyokuo Amọn kevbe ọghe Moab keghi deyan ọghe Idọm, iran na lọkọ ehia a. Vbe iyeke ọnii iran keghi viọ aro da egbe gha gu egbe gbinna igbinna aranmwẹ oha.

Job 23:16

Osanobua ne Udazi ya mwẹ khian avbiẹrẹ nẹ, Osanobua ọ re ohan rẹn mu mwẹ ighẹ ẹ i re ebiebi. A gha rhe miẹn wẹ, nene ebiebi rhu mwẹ aro nẹ.”

Itan 24:10

U gha ye gha vburriẹ vbe ẹghẹ asobọyegbe, evburriẹ ne evburriẹ ọ re u gele wa khin.

Aizaia 19:2

E Nọyaẹnmwa khare wẹẹ, “I gha bọ Igipt ye igbinna owowa, I ghi viọ etẹn nikpia aro da etẹn iran nikpia, kevbe emwa ẹdogbo ẹre aro da emwa ẹdogbo ẹre ọvbehe. Avbe okpẹvbo ni gu egbe suan ghi gha gu egbe iran khọn, avbe ọba ni gu egbe suan ghi gba gha sinmwi ẹtin.

Aizaia 43:5

Ghẹ fian afianma, I rrọọ yaba ruẹ! “Ke odẹ orrie ne ọ rrei sẹẹ ehia, I gha viọ emwa ruẹn gha die owa.

Jerimaia 46:27

“Wa ne emwa mwẹ, wa ghẹ gie ohan mu uwa. Ivbi Izrẹl, wa ghẹ runran. I gha fannọ uwa ke otọe ne ọ rrei nii gha dee, ke otọe ne uwa na re oghunmwu gha dee wa gha werriegbe rri owa. Wa ghi do gha rrọ vbe ọfumwegbe, ẹkun gha sẹ uwa otọ, ọmwa rhọkpa i ghi ra ye do runran uwa.

Jerimaia 46:28

I gha bu uwa rre, I ghi do miẹn uwa fan I gha fuẹn ehia a ighe avbe ẹvbo ne I zagha uwa kui, sokpan, mẹ i ra fuẹn uwa a. Mẹ i ra sẹ uwa rae vbe ne a i na rri uwa oya hiehiere, sokpan, I gha rrie uwa oya, I gha ru ẹe vbe ne ọ kei yi. Mẹ ne Nọyaẹnmwa guaan nẹ.”

Iyẹn ne ọ Maan Ọghe Luk 21:28

Avbe emwi na ghẹ ghi suẹn gha sunu, wa ghi kpaegbe mudia ne uwa tọn uhunmwu mu rhunmwuda ẹghẹ imiẹnfan uwa sẹ otọ fo.”

Giọgis 7:22

Ẹghẹ nii, iran iyisẹn eha nii ghi na kpee okpe iran, e Nọyaẹnmwa keghi ru ẹe ne iran ni rre agọ nii, ya umozo yan egbe iran. Iran keghi lẹ ghe odẹ Zarẹta ya sẹ Bẹt Sita ya sẹ Ebẹl Mehola vbe ọkpẹn Tabat.