Jerimaia 51:44 - Edo Bible (E Baibol Ẹdo) Version 1996

⁴⁴ I gha rri e Bẹl ne ẹbọ e Babilọn oya, I ghi ru ẹe ne ọ viọ avbe emwi ne ọ do hẹ ladian. Avbe uhunmwu ẹvbo i ghi ra dọlegbe gho ẹre ọvbehe. “Ekẹn e Babilọn dele.

Jerimaia 51:44 ပူးပေါင်းရင်းမြစ်များ

II Krọnikol 36:7

E Nebukiadneza keghi vbe viọ eso vbe uwu emwi ẹwe ni rre Ọgua Osa, ọ na ya viọ ẹre ye ẹguae ẹre vbe Babilọn.

Job 20:15

Ọmwa dan ghi kpa ẹfe ne ọ do hẹ ladian Osanobua ghi rhie ẹre ke uwu ẹkpokhurhu ẹre ladian.

Aizaia 2:2

Vbe ẹdẹ ne ọ dee, uhunmwu oke ne a gha bọ Ọgua Osa yi, ghi gha re uhunmwu oke ne ọ yo sẹẹ ehia ọ ghi gha ghe avbe oke hia uhunmwu. Agbọn ẹvbo nibun gha rre, iran ghi gha bi la rọ.

Aizaia 21:9

Wa ghe vbe iran wa dee nian ighẹ avbe ikpia ni hin ẹsin, ni vbe rre uviẹn eveva, odibo ne ọ bodẹ nii ọ re ọ kha vberriọ, “E Babilọn de guọghua, avbe ẹbọ ne iran gho hia wa rre otọ bẹẹrẹ, ehia rẹnkhẹn uan.”

Aizaia 60:5

Wẹ gha miẹn ọna, u ghi vuọn ne oghọghọ ọ gha bọbọ ọ egbe sẹrriọ wẹ, u ghi gha guọ kpẹkpẹkpẹ. A gha viọ ẹfe avbe uhunmwu ẹvbo bu ruẹ gha dee. Ẹfe iran gha ke iyeke okun bu ruẹ gha dee.

Jerimaia 50:15

Wa kpe orhu okuo lẹga ọre ẹvbo nii hia. Banbanna nian, e Babilọn de igue nẹ. A ha uvun la ekẹn ọnrẹn gberra, a keghi dunmwu ẹn ruan sẹ otọ. Te I ghi rria e Babilọn ikhi na. Rhunmwuda ọnii nian, wa vbe rria iran ikhi, ne uwa ru iran zẹ vbene iran vbe ru emwa ọvbehe.

Jerimaia 50:2

“Na iyẹn ni ma avbe uhunmwu ẹvbo hia! Ya ẹe go! Mu igiemwi ẹnrẹn ladian ne u vbe ya ẹe na iyẹn! Ghẹ rhie ẹre lẹre zẹ vbe emwi oro! E Babilọn dee guọghua nẹ! E Madok ne ẹbọ ne ọ gho, a duẹ ọre ua nẹ! A fa iran an ighẹ avbe amazẹ e Babilọn! Avbe emwi ne a mannọẹn ne ọ hu ọmwa ẹko, a dunmwu ehia a!

Jerimaia 51:18

Iran i vbe mwẹ esa, emwi ne a zan nọ. Ẹghẹ ne Nọyaẹnmwa gha na ru iran emwi, a gha fuẹn iran an.

Jerimaia 51:34

Ọba e Babilọn giagia e Jerusalẹm, ọ na rrii ọe ọ ke tue ẹvbo nii kua fo zẹ vbe esago. Ọ keghi mi ẹn re, zẹ vbe ugbogiorinmwi ọ viọ avbe emwi ni yẹ ọre vbọ ọ na viọ ni dekẹe kua.

Jerimaia 51:47

“Rhunmwuda ọnii, ẹghẹ dee ne I gha na ru avbe ẹbọ e Babilọn emwi. Ekhue gha mu ẹvbo nii hia, a gha vbe gbele emwa rẹn hia a.

Jerimaia 51:53

Ọ gha khọn e Babilọn ne ọ khian la uwu iso ne ọ ya bọ ẹvbo ne a gbe odin ga ye odọ, te I gha ye gie emwa ne iran ya fuẹn ọnrẹn uan. Mẹ ne Nọyaẹnmwa taa ẹe nẹ.”

Jerimaia 51:58

A gha rrua ekẹn e Babilọn nọkhua gbe otọ. A ghi vbe giẹn avbe ẹkhu ẹre ne ẹrẹkhẹrẹ sẹ otọ. Iwinna avbe uhunmwu ẹvbo khian ekẹkan, ẹsọn iran giẹn uan vbe erhẹn. Mẹ ne Nọyaẹnmwa ne Oghodua guaan nẹ.”

Daniẹl 1:2

E Nọyaẹnmwa keghi gie ẹe khọn mu e Jehoiakim, ọ na vbe viọ emwi eso vbe uwu emwighobioye ni rre Ọgua Osa ọ keghi viọ emwa eso oghunmwu gha rrie aro ẹbọ ọghọe vbe Babilọn, ọ keghi vbe viọ avbe emwi ne ọ viọ vbe okuo eso ye uwu aza aro ẹbọ.

Daniẹl 3:29

“Banbanna nian, I tae wẹ adeghẹ a miẹn ovbi uhunmwu ẹvbo ọkpa ra emwa, ra ẹvbo ne a zẹ ne ọ ya ukpẹ sakan Osanobua e Siedrak, Mesiak, kevbe Abẹdnigo, te a ra yanghan ẹre obọ vbe owẹ hin egbe ẹre rre, a ghi ya owa ẹre khian otiku. Osanobua ọvbehe i rrọ ne ọ sẹtin miẹn ọmwa fan vbenian.”

Daniẹl 4:1

E Nebukiadneza ne Ọba keghi gie uhunmwu na gie uhunmwu ẹvbo hia kevbe emwa kevbe ẹvbo ne a zẹ ni rre otọe agbọn hia wẹẹ, “I giotuẹ uwa.

Daniẹl 4:22

“Umogun, wẹ ọrọre nene erhan nii ne ọ taẹn kevbe ne ọ dido. U kpọlọ sẹrriọ wẹ te u ghi sẹ iso, ẹtin ruẹn, te ọ tan obọ gba agbọn na hia.

Daniẹl 5:19

Ọ kpọlọ sẹ vberriọ wẹ emwa ẹvbo hia, emwa ughughan hia kevbe ẹvbo ne a zẹ hia, kegha muohan rẹn, iran kegha guọ ne ẹẹn. Ọ gha wẹ rẹn gha gbe ọmwa, ọ ghi gbe ẹe, ọ gha wẹ rẹn gha fan ọmwa, ọ ghi fan ẹẹn. Rẹn ọ re ọ mu ọghọ ye ọmwa egbe, rẹn ọ re ọ vbe fa ọmwa an vbene ọ khọn rẹn.

Daniẹl 5:26

Emwi ne a yae kha ọ re ena khin: a kaa ẹe: Osanobua kaa ikpẹdẹ arriọba ruẹ nẹ, ọ na mu ufomwẹ yọ.

Daniẹl 5:31

E Dariọs ne ovbi e Mede ne ọ gha rre ukpo iyeha keghi ya ẹtin vbe iwegbe mu ẹkete ọba.