Jerimaia 51:42 - Edo Bible (E Baibol Ẹdo) Version 1996

⁴² Okun lẹẹ rhu e Babilọn, ọ na ya ulẹmwẹ amẹ ne ọ wee rhu ẹe ginna otọ.

Jerimaia 51:42 ပူးပေါင်းရင်းမြစ်များ

Psalm 18:16

E Nọyaẹnmwa ke odukhunmwu niẹn obọ rre, ọ keghi da mwẹ yi, ọ na si mwẹ ladian hin uwu ogiamẹ rre.

Psalm 18:4

Ebe ọghe uwu te wa lẹga mwẹ nẹ, amẹ ọfuan te lẹ rhu mwẹ,

Psalm 65:7

U dọ uhumwẹ avbe okun yọ, deba owogho avbe ubimwẹ amẹ u vbe dọ owogho avbe emwa nii yọ.

Psalm 93:3

Avbe orinmwi amẹ okun tọn urhu mu Nọyaẹnmwa iran tọn urhu mu ya davan.

Aizaia 21:1

Uhunmwu ne ọ gie rre vbekpa e Babilọn ọ re ọna khin. Ọkhọ gha ke ẹvbo ne ọ ye afianma fian ọmwa guọnmwẹ rre, zẹ vbe ẹhoho ẹziza ne ọ la ato gberra.

Jerimaia 51:55

I ra dunmwu e Babilọn ruan ne I vbe ru ẹe ne ọ gbẹmwẹ. Avbe ivbiyokuo lẹ larọ zẹ vbe ulẹmwẹ amẹ ne ọ vannọ. Iran kevbe ye owogho suẹn igbinna.

Ezikiẹl 26:3

“Banbanna, vbene imẹ ne Nọyaẹnmwa ne Udazi khare ọ re ọna khin wẹẹ: Oghian an ọ re I khin, wẹ ne ore ẹvbo e Taia. I gha viọ uhunmwu ẹvbo nibun rre ne iran do guẹ gbinna iran gha rre zẹ vbe amẹ okun ne ọ khọn yo khọn rre.

Daniẹl 11:10

“Avbe ivbi ọba Igipt gha mu egbe okuo, ọ ghi vbe si ivbiyokuo, nibun koko. Ọkpa vbe uwu iran gha wa san mwẹ ladian zẹ vbe orogho amẹ ọ ghi ya gha gu ehe ne odin eghian ye gbinna.

Daniẹl 7:2

Emwi ne I miẹn vbe asọn nii ọna khin. Ẹhoho keghi hoho ke igienenẹ rre, ọ na ghi mu aro okun rueghe.

Daniẹl 9:26

Ọ gha sẹ ufomwẹ ẹghẹ na, iran gha gbe ẹe rua ighe ọkaolotu ne Osanobua zẹe na vbene ẹ i na mwẹ emwi ne ọ ru. Ivbiyokuo ọmwa ne ọ wegbe ọkpa ne ọ rre asẹ gha mu okuo la ẹvbo, iran gha dunmwu avbe idunmwu nii kevbe Ọgua Osa rua. Ufomwẹ gha rre, orogho okpamẹ ne ọ lẹẹ gha rre, ọ ghi viọ okuo kevbe ọfuan gha dee zẹ vbene Osanobua mwamwaẹn yotọ.

Iyẹn ne ọ Maan Ọghe Luk 21:25

“Ama gha rhiegbe ma vbe owẹn, kevbe uki kevbe avbe orhọnmwẹ. Egbe gha wọ agbọn ẹvbo ni bun vbe agbọn, ne afianma okun ni gbinna, kevbe odin amẹ ni hẹ yo hẹ rre.