Jerimaia 51:41 - Edo Bible (E Baibol Ẹdo) Version 1996

⁴¹ E Nọyaẹnmwa khare vbe ekpa e Babilọn wẹẹ, “A khọn rẹn muotọ ighe ẹvbo ne uhunmwu otọ agbọn hia tian! U miẹn vbe Babilọn ghi khian ẹvbo ne ọ mianmwẹ ughe ne otọ agbọn hia hẹ!

Jerimaia 51:41 ပူးပေါင်းရင်းမြစ်များ

II Krọnikol 7:21

“Banbanna nian, emwa hia ọ re ọ ya ọghọ ne Ọgua Osa na, sokpan, ọ gha sẹ ẹghẹ nii, unu ghi yan emwa hia ni rhirhi lae gberra, iran ghi nọ wẹẹ, ‘Vbọzẹ ne Nọyaẹnmwa na ru otọe na kevbe Ọgua Osa rẹn vbenian yi?’

Aizaia 13:19

E Babilọn ọrọre otọe arriọba ne ọ mose sẹẹ vbe uwu ehia, emwi ne emwa rẹn ya hio nọ. Sokpan mẹ ne Nọyaẹnmwa gha dunmwu e Babilọn uan zẹ vbene i ru e Sọdom kevbe Gomorra.

Aizaia 14:4

Ọ gha ghi ru ọna nẹ, iran ghi do gha giẹ ọha e Babilọn wẹẹ: “Ọba ne ekhọe dan nii dee gbotọ! Ẹ i ghi dọlegbe wọ ọmwa rhọkpa uhunmwu ọvbehe.

Jerimaia 49:25

“Okpẹvbo ne ọ hinusi nii. Ne oghọghọ te ye, khian ne emwa lẹ sẹrae fẹẹrẹ.

Jerimaia 50:23

“E Babilọn ye umọmọ dunmwu agbọn na hia ukhiọnmwẹ ukhiọnmwẹ. Banbanna nian, nene umọmọ zanzan an, emwi ne ọ rruan ẹvbo nii, wa yan uhunmwu ẹvbo hia unu an.

Jerimaia 50:46

Ẹdẹ ne Babilọn gha de gbotọ, ọ gha la sẹ vberriọ wẹ otọe agbọn hia ghi mu rueghe, avbe agbọn ẹvbo nekpa gha họn utumwẹ wa bu rre ẹre.”

Jerimaia 51:37

Ẹvbo ni gha khian utete itowa, ehe ne avbe aranmwẹ oha ghi dia. Te ọ khian gha mianmwẹ ughe, ọmwarhọkpa i ra yin evba, emwa ni miẹn ọẹn hia gha vbe runran.

Ezikiẹl 27:35

Te udu emwa ni yin lele eghute mu waa, vbe iran miẹn emwi ne ọ rruan ruẹn. Ya sẹ egbe avbe ọba iran tobọ iran, iran hia runraẹn, ehia keghi wa sẹ ohan ye aro.

Daniẹl 2:38

Ọ ya uwẹ ru ne ọ khaemwisẹ yan ehe ne agbọn sẹe ehe ne ọ rhanmwẹ nẹ, ne ọ khaemwisẹ yan avbe aranmwẹ kevbe ahianmwẹ. Wẹ ọrọre uhunmwu ne ọ re igoru ne ọ rrọọ.

Daniẹl 4:22

“Umogun, wẹ ọrọre nene erhan nii ne ọ taẹn kevbe ne ọ dido. U kpọlọ sẹrriọ wẹ te u ghi sẹ iso, ẹtin ruẹn, te ọ tan obọ gba agbọn na hia.

Daniẹl 4:30

o keghi kha wẹẹ, “Ghe vbene Babilọn kpọlọ hẹ. Mẹ ọ re ọ bọọ ẹe ya ru igiogbe otọe mwẹ ne I ya rhie ma vbene ẹtin mwẹ kpọlọ sẹ hẹ kevbe iwegbe mwẹ, kevbe ẹtin ọba mwẹ.”

Diuteronomi 28:37

Ẹmwẹ emwi tie ọ sunu vbe egbe uwa gha kpan emwa ẹvbo ne a zagha uwa kui odin, iran gha ya uwa gbe ogie iran ghi gha ta uwa giẹ.