Jerimaia 51:36 - Edo Bible (E Baibol Ẹdo) Version 1996

³⁶ Ẹre Nọyaẹnmwa na tama ivbi e Jerusalẹm wẹẹ, “I gha mu ẹzọ ruẹ gui, I ghi vbe ru ẹe ne avbe eghian rri oya ye emwi ne iran ru uwa re. I gha si uhunmwu ẹzẹ e Babilọn ka, I ghi vbe gie avbe ẹzẹ ọre ka.

Jerimaia 51:36 ပူးပေါင်းရင်းမြစ်များ

Psalm 107:33

Nọyaẹnmwa si avbe ẹzẹ ka fẹfẹẹfẹ, ọ keghi dobọ avbe uhunmwu ẹzẹ ni lẹ obọ yi.

Psalm 140:12

E Nọyaẹnmwa, mẹ rẹnrẹn wẹ, wẹ ọ re ọ mu ẹzọ ovbiogue gui, kevbe emwi ne ọ khẹke ne ẹ i mwẹ.

Itan 22:23

E Nọyaẹnmwa ọ re ọ ra gui ẹzọ iran ne iran, ọ ghi niẹn obọ ye iran aro ighe avbe emwa ni vbe niẹn obọ ye iran aro.

Itan 23:11

E Nọyaẹnmwa ọrọre ọmwa ẹtin ne ọ gbinna ne iran, ọ gha guẹ gui ẹzọ iran.

Aizaia 19:5

Ẹzẹ e Naẹl gha si, avbe ẹzẹ gha hẹko ka.

Aizaia 43:14

Osanobua nọhuanrẹn ọghe Izrẹl, e Nọyaẹnmwa ne ọ miẹn uwa fan khare wẹẹ, “Ne I miẹn ehe na miẹn uwa fan, I gha gie ivbiyokuo ne iran ya gu e Babilọn khọn; I gha guọghọ ẹkhu onurho ne ọ rrọọ sẹ otọ uwemwẹ ne emwa ni rrọọ te wee, gha khian eve.

Aizaia 44:27

I ya ukpẹmwẹ ọkpa ne I tae sii okun ka.

Jerimaia 50:38

Ghẹ gie amẹ rhọ ye otọ ẹre, vbe si avbe ẹzẹ ọre ka. Otọe amazẹ ni mu ohan ọre Babilọn khin ọ na vbe ya avbe emwa nii khian akpa.

Jerimaia 51:11

E Nọyaẹnmwa bọọ avbe ọba e Midia yọ rhunmwuda, ọ ho ne ọ fuẹn e Babilọn ruan. Erriọ ọ re ọ ra ya rria ikhi ye ẹmwẹ Ọgua Osa ọghọe ne iran guọghọ ua. Arowa avbe ivbiyokuo ni ra do gbinna tama iran wẹẹ, “Wa zẹ ifẹnmwẹ uwa ukpẹ! Wa viọ asa uwa mwẹ.

Jerimaia 51:6

Wa lẹ ladian vbe Babilọn! Wa lẹ rhie uhunmwu hin ẹbe rre! Wa ghẹ gie a gbele uwa ye orukhọ e Babilọn. Te imẹ rria ẹre ikhi na, I ra vbe rri ọre oya ne ọ ma ẹẹn.

Ezikiẹl 25:14

Izrẹl ne emwa mwẹ gha rria Idọm ikhi mẹ, iran gha gie Idom hẹnmwẹ ohu ne ọ kakabọ mu mwẹ vbe egbe. Idom gha rẹn emwi ne ọ khin ne emwa gha re emwa ne I wẹ I ra rria ẹre ikhi.” E Nọyaẹnmwa ne Udazi guaan nẹ.

Hozia 13:15

Ọ gha khọn Izrẹl ne ọ vẹ gba ehe hia zẹ vbe irunmwu. I gha gie ẹhoho ne ọ tọn ne ọ ke odẹ ahọ ke uwu ato rre, ọ ghi do si uhae kevbe ivbi ẹzẹ iran hia ka. Ọ gha viọ emwi ne ọ ghi gia lo hia gha rrie.

Ebe ne Pọl gbẹẹn gie emwa Rom 12:19

Ọse mwẹ, ghẹ rria ikhi, sokpan, gie izohu Osanobua ruẹe, rhunmwuda ebe tae wẹẹ, “I gha rria ikhi, I gha ruẹe werriegbe, erriọ Nọyaẹnmwa khare.”

Diuteronomi 32:35

E Nọyaẹnmwa gha rria ikhi, ọ ghi rri iran oya, ẹghẹ ne iran gha na dele dee. Ẹdẹ ọfuan iran sikẹ otọ nẹ.

Diuteronomi 32:43

“Wa ne avbe uhunmwu ẹvbo, wa gha go wan emwa e Nọyaẹnmwa, ọ rri iran ni gbele iran an oya, ọ rria avbe eghian rẹn ikhi. Ọ keghi viọ iran ni rri abe hin otọe emwa rẹn rre.”

Arhie Maan 16:12

Iyeke ọnii, odibosa ne ogiehan keghi hihiẹ ọkpan ẹnrẹn yan ẹzẹ Yufretes. Ẹzẹ nii keghi wa ka, ne avbe ọba ni ke ọlarre ovẹn dee miẹn ehe la.