Jerimaia 51:35 - Edo Bible (E Baibol Ẹdo) Version 1996

³⁵ Wa gie ivbi e Zaiọn kha wẹẹ, “Iba ne emwa zẹẹ vbe egbe mwa, uhunmwu e Babilọn ọ re ọ ye!” Wa gie ivbi e Jerusalẹm kha wẹẹ, “Oya ne ima ree hia uhunmwu e Babilọn ọ re ọ ye.”

Jerimaia 51:35 ပူးပေါင်းရင်းမြစ်များ

Gẹnẹsis 16:5

Serai keghi tama Ebram wẹẹ, “Wẹ ọ siẹe ne Hega na zan mwẹ na. Mẹ ọre ọ tobọ mwẹ rhie ọviẹn mwẹ nuẹn, ke ne ọ ghi ya miẹn we rẹn hanmwa gha dee, te ọ ghi zan mwẹ. E Nọyaẹnmwa ọre ọ ghi bu ase ne nọ rri ase vbe uwe ima!”

Psalm 12:5

Sokpan, e Nọyaẹnmwa khare wẹẹ, “Eban nian, mẹ dee, rhunmwuda, a zẹ iran ne ẹi mwẹ kpokpo. Iran ne a zẹ kpokpo gha viẹ eve obalọ. I gha do ru ẹe ne ẹkun sẹ iran otọ, ne egbe rọkhọ iran zẹ vbe ne iran ho.”

Psalm 9:12

Osanobua ye iran ne usẹ sẹ rre, ẹi vbe mianmian utumwẹ iran, ọ vbe rri iran oya ighe iran ni fidọn ghe iran.

Jerimaia 50:10

Iran gha fu emwi viọ vbe Babilọn. Iran ni fu emwi viọ vbọ gha viọ emwi nẹ ọ yẹ iran. Mẹ ne Nọyaẹnmwa tae nẹ.”

Jerimaia 50:29

“Wa tama iran ni fi uhanbọ ne iran dekun e Babilọn. Wa gie iran gha khian ighe avbe emwa ni ghi guara fi uhanbọ kevbe ifẹnmwẹ. Wa ghae ga ẹvbo nii, wa ghẹ vbe gie ọmwarhọkpa miẹn uhunmwu vbọ. Wa ru ẹre emwi hia ne irẹn vbe ru emwa re werriegbe. Wa hae nẹ zẹ vbene irẹn ka ru. Rhunmwuda, uhiomwẹ ọ re ọ ya yin da mwẹ, mẹ ne ọmwa Nọhuanrẹn ọghe Izrẹl.

Jerimaia 51:24

E Nọyaẹnmwa khare wẹẹ, “Wa gha miẹn ọẹn vbe I a gha ha e Babilọn osa emwi dan ne iran ru vbe Jerusalẹm.

Eve Orriara 1:22

“Bu abe gbe iran ye emwi dan ne iran ru, rri iran oya zẹ vbene u rrii imẹ oya ye orukhọ ne imẹ ru. I gha khiẹkhiẹ egbe vbe uwu usẹ ekhọe mwẹ hia vbe khuọnmwi.”

Habakọk 2:17

U tọn ẹgbo Lebanọn gbe otọ nẹ, banbanna nian a gha vbe tọn uwẹ gbe otọ, u gbele aranmwẹ ọnrẹn nẹ, banbanna nian, te avbe aranmwẹ ọnrẹn ghi ra runran uwẹ. Ena gha sunu rhunmwuda izigha ne u dee kevbe uyinmwẹ ika ne u yin ghe emwa ne agbọn na kevbe avbe okpẹvbo ni rrọọ.

Zẹkaraia 1:15

Ohu avbe ẹvbo nii ne ọfurre kevbe ne ọfumwegbe ye wa mu mwẹ. Rhunmwuda, ẹghẹ ne imẹ na gha si egbe vbe ẹmwẹ ohu emwa mwẹ ne ọ mu mwẹ, avbe uhunmwu ẹvbo na kegha tua oya nẹ emwa mwẹ re sẹẹ ayọ.

Matiu 7:2

Rhunmwuda vbene uwa ya bu ohiẹn ẹrrẹ, ọre Osanobua ra vbe ya bu ọghe uwa. Omwa ne uwa ya mwa ne ẹrrẹ, ọre a ra vbe ya mwa ne uwa.

Jems 2:13

Rhunmwuda, ọmwa ne ọ ma mwẹ itohan, Osanobua i ra tohan rẹn vbe ọ a gha bu ohiẹn, sokpan itohan ọre ọ khọnmiotọ ibuohiẹn.

Arhie Maan 16:6

Iran ọ gbe esagiẹn emwa Osanobua ye otọ, ke ẹe kevbe ọghe avbe akhasẹ, rhunmwuda ọnii nian, wẹ keghi mu esagiẹn ne iran gha wọn. Emwi ne ọ kei ne iran, ọre iran miẹn!”

Arhie Maan 18:20

Wa ne ẹrinmwi, wa gha ghọghọ ye ne okhuo na na fuan! Wa ne emwa Osanobua, wa gha ghọghọ, kevbe avbe ukọ kevbe avbe akhasẹ. Rhunmwuda emwi ne okhuo na ru uwa ẹre, ẹre Osanobua rria ẹre ikhi yi na.

Arhie Maan 18:6

Vbene irẹn ru uwa, erriọ zẹ wa vbe ru ẹe. Emwi ne ọ ru, wa ru ẹre ha osa ukhukhu eva. Wa sa ayọn ne ọ ye ukhukhu eva wegbe sẹ ọghọe vuọn ukpu ẹre egbe ayọn ne irẹn mu khẹ uwa.

Arhie Maan 6:10

Iran keghi ye urhu ne ọ la datu wẹẹ: “Oghodua Nọyaẹnmwa, ne ọ huanrẹn kevbe ọmwa ẹmwata. Vbe ọ gha kpẹe sẹ hẹ yi u ke ya bu ohiẹn emwa ni rre agbọn, ne u vbe rri iran oya ye ne iran na gbele ima uan?”

Giọgis 9:20

Sokpan a deghẹ ẹ i re vberriọ, te erhẹn gha vẹn ke Abimẹlẹk ladian ne ọ giẹn emwa Siẹkẹm kevbe Bẹtmilo ruan, te erhẹn gha vẹn ke ehe ne ivbi e Siẹkẹm kevbe Bẹtmilo rre ne ọ giẹn Abimẹlẹk ruan.”

Giọgis 9:24

Emwi ne ọ ya ọ na sunu ọrọre ne Abimẹlẹk kevbe ivbi e Siẹkẹm ni rhie igiẹdu ne ẹẹn ne ọ ya gbele ivbi Gidiọn ekigbesiyenẹ uan miẹn ehe na rri oya ye orukhọ iran.