Jerimaia 51:34 - Edo Bible (E Baibol Ẹdo) Version 1996

³⁴ Ọba e Babilọn giagia e Jerusalẹm, ọ na rrii ọe ọ ke tue ẹvbo nii kua fo zẹ vbe esago. Ọ keghi mi ẹn re, zẹ vbe ugbogiorinmwi ọ viọ avbe emwi ni yẹ ọre vbọ ọ na viọ ni dekẹe kua.

Jerimaia 51:34 ပူးပေါင်းရင်းမြစ်များ

Job 20:15

Ọmwa dan ghi kpa ẹfe ne ọ do hẹ ladian Osanobua ghi rhie ẹre ke uwu ẹkpokhurhu ẹre ladian.

Psalm 74:13

Ẹtin ruẹn nọkhua ọre u ya wa okun ye ihe eva, u na salọ uhunmwu avbe Ugbogiorinmwi ẹzẹ kua.

Itan 1:12

Iran sẹtin gha rre agbọn, egbe ghi vbe rran iran vbe ima a miẹn iran, sokpan, ma ghẹ ghi gu iran do ẹe fo nẹ, iran ghi gha re orinmwi.

Aizaia 34:11

Avbe esughusughu kevbe avbe ukhiokhio ọ re ọ ghi ra mu otọe nii ya khian ọghe iran. E Nọyaẹnmwa gha dọlegbe ya ẹe khian otọe ne ọ dihoi rua, zẹ vbene ọ ka gha ye a te do yi agbọn.

Aizaia 42:22

Sokpan, banbanna nian, iran hẹ rhu emwa rẹn; a viọ ehia khui ye uvun uwu otọ a keghi vbe viọ iran lẹre ye uwu ẹwẹdọ a do iran emwi hẹ, a hẹ rhu iran vbene ai na miẹn ne ọ gha miẹn iran fan.

Jerimaia 50:17

E Nọyaẹnmwa khare wẹẹ, “Te ivbi Izrẹl yevbe ohuan ne oduma khu khian, ọ na vbe zagha iran an. Okaro, Ọgbaisi Asiria keghi dekun iran, vbe iyeke ọnii, e Nebukiadneza ọghe Babilọn keghi gbẹn ugboloko iran.

Jerimaia 50:7

A vba gbe ọ re iran ghi khin, avbe eghian iran khare wẹẹ, ‘Iran sẹ ẹmwẹ e Nọyaẹnmwa nẹ, rhunmwuda ọnii, ma ma ru a ghẹ i ru. E Nọyaẹnmwa ọ re avbe erha iran odede mu ẹtin yan, te ọ te kei ne iran vbe rhie ekhọe lele ẹe.’

Jerimaia 51:44

I gha rri e Bẹl ne ẹbọ e Babilọn oya, I ghi ru ẹe ne ọ viọ avbe emwi ne ọ do hẹ ladian. Avbe uhunmwu ẹvbo i ghi ra dọlegbe gho ẹre ọvbehe. “Ekẹn e Babilọn dele.

Jerimaia 51:49

E Babilọn gbele emwa nibun vbe agbọn na hia, banbanna nian, e Babilọn gha de rhunmwuda, ọ gbele ivbi Izrẹl nibun. Mẹ ne Nọyaẹnmwa taa ẹe nẹ.”

Eve Orriara 1:1

U miẹn vbe Jerusalẹm ghi divbiẹ hẹ ẹvbo ne emwa na te hu yo hu rre! Ne otagbọn hia te go wan te ọ ghi ye vbe okhuo ne ọ dẹgbẹ; ẹvbo ne ọ te re ne ọ hin usi sẹẹ ehia do khian ne ọ ghi re ọviẹn.

Eve Orriara 2:16

Avbe eghian ruẹn hia gha ya a gbogiẹ iran ghi tọn aro ikhuiwu ye uẹ egbe. Iran ghi fi aranmwẹ ye irho gha kha wẹẹ, “Ma dunmwu ẹẹn ruan nẹ! Ẹdẹ ne ima rhie aro ye odẹ khẹ nii ọ re ọna khin!”

Ezikiẹl 36:3

“Rhunmwuda ọnii nian guan yotọ ne u vbe ta vbene imẹ ne Nọyaẹnmwa ne Udazi kha hẹ, wẹẹ: Ẹghẹ ne avbe ẹvbo ni yin ke Izrẹl na khọn, iran na vbe fu emwi avbe oke Izrẹl hẹ, emwa hia keghi ya Izrẹl gbogiẹ.

Hozia 8:8

Te Izrẹl ghi wa yevbe ẹvbo ọvbehe nekpa hia. Te ọ ghi wa khian ne ẹ i mwẹ emwi ne ọ gia ya ru, zẹ vbene akhe nọwu ye.

Emọs 8:4

Wa danmwehọ ẹmwẹ na, wa ni ya owẹ rrilo ne ẹ i mwẹ ginna otọ, ne uwa na vbe ho ne uwa fuẹn avbe ivbiogue ni rre ẹvbo hinrre.

Nahum 2:2

(Te Nọyaẹnmwa ghi ra rhie uyi Izrẹl dọlegbe ye ihe, zẹ vbene ọ te gha ye ẹkpo ne avbe eghian rẹn ma na he zanzan ẹẹn ruan.)

Matiu 23:13

“U miẹn agbọn ne uwa ye eni ma emwa Uhi kevbe Farisi, ayunukpaegbe! Wa khui urho Arriọba ẹrinmwi ke emwa yi, wa tobọ uwa ma ho ne uwa la owa, emwa ni ho ne iran la owa, wa ma kie ne iran. [