Jerimaia 51:33 - Edo Bible (E Baibol Ẹdo) Version 1996

³³ Vbe ọ ma he kpee wan, avbe eghian gha hele iran yotọ, iran ghi gha ya owẹ rrilo iran muotọ vbe ọka vbe ehe ne a na khuọn rẹn. Mẹ ne Nọyaẹnmwa ne Oghodua, ne Osanobua Izrẹl ọ re ọ taa ẹe.”

Jerimaia 51:33 ပူးပေါင်းရင်းမြစ်များ

Aizaia 18:5

Ọ te do sẹ ẹghẹ ne a ya rhọ avbe ọmọ erhan ayọn si koko, vbe avbe obobo ẹre a ghi khuọnnọ kua nẹ ighe te ọmọ rẹn ghi vboo, avbe eghian gha fuẹn emwa e Sudan uan vbene ẹ i na vbe lọghọ iran urumwẹ zẹ vbene ẹ i lọghọ erọ vbe ọ gha giagia abọ hin azara rre.

Aizaia 21:10

Wa ne Izrẹl ne emwa mwẹ, te a te gha wiẹn uwa vbe ọka, sokpan, banbanna nian, te I mẹ ghi do na iyẹn oghọghọ na ne imẹ vbe họn vbe ọghe Nọyaẹnmwa ne Oghodua ne Osanobua Izrẹl, ma uwa.

Aizaia 47:1

E Nọyaẹnmwa khare wẹẹ, “E Babilọn, tuorre vbe ẹkete ruẹ ne u do tota ye ebubẹ vbe otọ. Vbe ẹghẹ ọkpa, te u te yevbe ovbialeke, ẹvbo ne a ma khọn miẹn ẹre otọ sokpan, u i ghi re ne vbukhẹ kevbe ne sọguọsọguọ ọvbehe, ọviẹn ọ re u ghi khin na.

Jerimaia 51:32

Avbe eghian khọn mu ehe ne a na fian ẹzẹ rra nẹ iran vbe mu erhẹn ye avbe odin ne a gbe ga ẹvbo. Ivbiyokuo e Babilọn vẹ kua.

Hozia 6:11

“Zẹ vbe ọghe uwa ne ivbi Izrẹl, I rhie ẹghẹ yotọ nẹ ne I gha ya rri uwa oya ye emwi ne uwa ru na.

Joẹl 3:13

Ekhọe iran i zẹdẹ maa, wa giagia iran gbe otọ, vbe ne a giagia ọka ne a fian ẹn, vbe ẹghẹ emwiorhọ. Wa piẹnpiẹn iran, vbene a piẹnpiẹn alimo ayọn vbe okọ, vbe ayọn rẹn te do ladian.”

Emọs 1:3

E Nọyaẹnmwa khare wẹẹ, “Tẹ ivbi e Damaskọs wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Ekhọe ababe ọ re iran ya gha ru emwi ne iran ru ivbi e Giliad re.

Maika 4:12

Sokpan, avbe uhunmwu ẹvbo na ma rẹn emwi ne ọ rre Osanobua ekhọe. Iran ma rẹn wẹ te a si iran gboo ye ihọkpa ne a rri iran oya, zẹ vbene a si ọka gboo ne a miẹn ehe na dunmwu ẹn.

Maika 4:13

E Nọyaẹnmwa khare wẹẹ, “Wa ne ivbi e Jerusalẹm, wa ya rri avbe eghian uwa oya. I gha ya uwa wegbe zẹ vbe ẹkhuia ne ọ mwẹ igho ematọn kevbe ibata owẹ oze. Wa gha dunmwu avbe okpẹvbo nibun sẹ otọ, avbe ẹfe ne iran ye ghe ẹe rua si koko, wa ghi viọ iran gunmwẹ, mẹ ne ọ re Nọyaẹnmwa ọghe otagbọn hia.”

Habakọk 3:12

U khian la agbọn, u fian ẹn rra vbe ohu ruẹ, vbe ohu ruẹ nọkhua, u ya owẹ rrilo avbe uhunmwu ẹvbo mu otọ.

Matiu 13:30

Wa gie ọka kevbe ohunhun gba gha wan khian ọ te ya sẹ ẹghẹ emwiorhọ. Mẹ gha tama iran ni rhọ emwiorhọ wẹẹ, wa ka vbọlọ avbe ohunhun ni rrọọ nẹ, ne a gbalọ iran ikun ikun viọ ku erhẹn, iyeke ọnii, wa ke ya si ọka ni rrọọ koko ya aza mwẹ.’ ”

Matiu 13:39

Esu tobọ ẹre ọrọre ọmwa ne ọ do tu ohunhun ye ugbo. Ẹghẹ emwiorhọ ọrọre ufomwẹ agbọn. Avbe odibosa ọrọre iran ni rhọ emwiorhọ.