Jerimaia 51:31 - Edo Bible (E Baibol Ẹdo) Version 1996

³¹ Avbe emwa ne a gie ẹre uhunmwu gha vẹ ya gha khama ọba e Babilọn wẹ emwa guọghọ ekẹn la ẹre ẹvbo vbe igienenẹ.

Jerimaia 51:31 ပူးပေါင်းရင်းမြစ်များ

II Krọnikol 30:6

Ọba kevbe ọkhaẹmwẹ na gie emwa uhunmwu la otọ Juda kevbe Izrẹl ne iran ya tama emwa wẹẹ: “Ivbi Izrẹl, wa miẹn uhunmwu nẹ vbe okuọ ne Asiria do khọn otọ na re, banbanna nian, wa werriegbe bu e Nọyaẹnmwa ne Osanobua Ebraham, Aizik kevbe Jekọb gha dee, rẹn gha bu uwa rre.

Ẹsta 8:10

E Modekai keghi ye ẹvbo ne iran zẹ gbẹnnẹ ọẹn gie dọmwadẹ iyaẹvbo, kevbe vbene iran ya gbẹn ebe iran. Ọ kevbe gbẹnnẹ gie avbe Ju vbe ẹvbo ne iran zẹ kevbe vbene iran ya gbẹnnẹ emwi yotọ hẹ, vbe eni Kzakzis ọ keghi vbe mu ama asẹ ọghe ọba gbe ẹe.

Ẹsta 8:14

Ugbẹn vbe ọba ghi tae nẹ, iran ni hin ẹsin keghi viọ ẹsin ọba iran na vinnọ la odẹ vbe ulẹ ọbanban. A kevbe wewe uhi na vbe adesẹ ore Susa ne igiogbẹ otọe ni.

Job 9:25

Ẹdẹ agbọn mwẹ rhulẹ gberra khian, ọkpa ne ọma i rrọọ.

Jerimaia 4:20

Ọfuan okpa lele ọvbehe itowa ọre ẹvbo nii hia ghi khin. Iran dunmwu agọ ima hia vbe udomwurri iran yanghan ukpọn onurho ni rrọ ua.

Jerimaia 50:2

“Na iyẹn ni ma avbe uhunmwu ẹvbo hia! Ya ẹe go! Mu igiemwi ẹnrẹn ladian ne u vbe ya ẹe na iyẹn! Ghẹ rhie ẹre lẹre zẹ vbe emwi oro! E Babilọn dee guọghua nẹ! E Madok ne ẹbọ ne ọ gho, a duẹ ọre ua nẹ! A fa iran an ighẹ avbe amazẹ e Babilọn! Avbe emwi ne a mannọẹn ne ọ hu ọmwa ẹko, a dunmwu ehia a!

Jerimaia 50:24

E Babilọn, te uwẹ gunmwẹ gha gbinna, banbanna nian, ifi ne I khuẹẹn khẹ ruẹ mu ẹẹn nẹ, a gha rhe miẹn wẹ, wẹ ma rẹn.

Jerimaia 50:43

Ọba e Babilọn họn ẹmwẹ na, obọ ẹre keghi luẹluẹ, akhiẹ dan dekun ẹnrẹn obalọ ne ọ yevbe ọghe okhuo ne ọ ra biẹ.

Jerimaia 51:32

Avbe eghian khọn mu ehe ne a na fian ẹzẹ rra nẹ iran vbe mu erhẹn ye avbe odin ne a gbe ga ẹvbo. Ivbiyokuo e Babilọn vẹ kua.

Daniẹl 5:30

Vbe asọn ọkpa nii, iran keghi gbe ẹe rua ighe Bẹlsiaza ne ọba e Babilọn.