Jerimaia 51:30 - Edo Bible (E Baibol Ẹdo) Version 1996

³⁰ Avbe ivbiyokuo e Babilọn dobọ igbinna yi nẹ, iran vbe mudia ye okhiẹ ẹvbo iran. “Ẹtin fo iran nẹ, te iran ghi yevbe ikhuo. A guọghọ onurho ẹvbo nii sotọ nẹ avbe owa ni rrọ hia gha giẹn.

Jerimaia 51:30 ပူးပေါင်းရင်းမြစ်များ

Psalm 107:16

Ọ guọghọ ẹkhu oze kua, ọ keghi vbe vbiolo avbe ogba ematọn kua.

Psalm 147:13

Rẹn ruẹe ne onurho uwa wegbe; ọ fiangbe emwa ruẹn.

Psalm 76:5

Avbe ivbiyokuo iran ni mwẹ ẹtin hia a bannọ emwi ne iran mwẹ hia kua, banbanna nian, iran gha vbiẹ ovbe uwu; iwegbe kevbe iguemwi iran hia keghi khian ekẹkan.

Aizaia 19:16

Ẹghẹ dee ne ohan gha na gha mu ivbi Igipt zẹ vbe ikhuo. Ohan gha mu iran, iran ghi gha guọ zẹzẹzẹ vbe iran a miẹn wẹẹ e Nọyaẹnmwa ne Oghodua niẹn obọ ẹre ladian ne ọ ya rri iran oya.

Aizaia 47:14

“Te iran ra gha yevbe iku irunmwu ni bunnọẹn erhẹn ghi giẹn ehia a! Iran i ra kue sẹtin miẹn egbe iran fan erhẹn ni gha yọn ne iran gbe, ẹ i re erhẹn kherhe ne a ghae.

Jerimaia 48:41

A ghi vbe khọn mu avbe okpẹvbo kevbe ehe ne a gbe odin gaa ni rrọ hia. Vbe ẹdẹ ne ẹdẹrriọ, avbe ivbiyokuo e Moab ghi gha guọ zẹzẹzẹ vbe okhuo ne emwi ubiẹmwẹ ru.

Jerimaia 50:15

Wa kpe orhu okuo lẹga ọre ẹvbo nii hia. Banbanna nian, e Babilọn de igue nẹ. A ha uvun la ekẹn ọnrẹn gberra, a keghi dunmwu ẹn ruan sẹ otọ. Te I ghi rria e Babilọn ikhi na. Rhunmwuda ọnii nian, wa vbe rria iran ikhi, ne uwa ru iran zẹ vbene iran vbe ru emwa ọvbehe.

Jerimaia 51:32

Avbe eghian khọn mu ehe ne a na fian ẹzẹ rra nẹ iran vbe mu erhẹn ye avbe odin ne a gbe ga ẹvbo. Ivbiyokuo e Babilọn vẹ kua.

Jerimaia 51:57

I gha ye ayọn ne avbe enikhaemwisẹ iran da, ne ọ gha gbe iran, avbe umẹwaẹn, ọkaolotu, kevbe ivbiyokuo. Iran gha ya lovbiẹ, sokpan iran i ghi rhiọrre. Mẹ ne ọba taa ẹe nẹ. Mẹ ọrọre Nọyaẹnmwa ne Oghodua.

Eve Orriara 2:9

Iku siẹẹn rhu onurho ẹre ginna otọ a dunmwu ogba ni rro rẹnkhẹnrẹnkhẹn. Ke avbe ọha kevbe egbesẹmwegie hia iwe ọ re iran hia ghi ye. A i ghi ma emwa nene Uhi ọvbehe avbe akhasẹ ighi miẹn umian ke ehe ne Nọyaẹnmwa ye rre.

Emọs 1:5

I gha dunmwu onurho e Damaskọs rua, I ghi viọ emwa ni rre Iya Avẹn, kevbe ne ọ khaemwisẹ Bẹtẹdẹn kpao. A gha viọ ivbi e Siria oghunmwu gha rrie Kaa.”

Nahum 3:13

Avbe ivbiyokuo ruẹ yevbe ikhuo, ẹvbo ruẹ keghi khian ne ẹ i ghi mwẹ ogba ne a gba ga ẹre, vbe odaro avbe eghian ruẹn. Erhẹn gha giẹn ogba ne a mu gbe onurho ruẹ.

Arhie Maan 18:10

Iran mudia ye urria, rhunmwuda, ohan oya ne ọ re mu iran, iran ghi vbe kha wẹ: “Okokokoo! Ena mu ohan gbe o! Babilọn ne ẹvbo nọkhua ne ọ wo vbe egbe, vbe uwu ẹgogo ọkpa, ọre a na rri uwẹ oya vbe nian!”