Jerimaia 51:27 - Edo Bible (E Baibol Ẹdo) Version 1996

²⁷ “Wa ta ẹe ne iran suẹn igbinna! Wa kpe okpe nii ne avbe agbọn ẹvbo hia miẹn ehe na họn. Wa mu avbe uhunmwu ẹvbo hia egbe yotọ khẹ okuo ne iran gu e Babilọn gbinna. Wa tama avbe otọe arriọba Ararat, e Mini kevbe Askẹnaz ne iran dekun ẹnrẹn. Gie ọkaokuo ne ọ ke odaro igbinna nii. Viọ avbe ẹsin rre zẹ vbe oibirri irhiso.

Jerimaia 51:27 ပူးပေါင်းရင်းမြစ်များ

Gẹnẹsis 10:3

Ivbie Goma kegha re Askẹnaz, Rifat kevbe Togama.

Gẹnẹsis 8:4

Vbe ikpẹdẹ ehairrọvbugie vbe uki ne ogihinrọn, okọ nii keghi sẹ otọ vbe uhunmwu oke ọkpa vbe Ararat.

II Ọba 19:37

Ọ ghi sẹ ẹdẹ ọkpa, ọ na gha gho e Nisrọk ne ẹbọ ẹre. Eva vbe uwu ivbi ẹre, a tie ọkpa vbọ Adramẹlẹk, a vbe tie nọkpa Siarezẹ, keghi ye umozo gbe ẹe rua iran na lẹ gha rrie otọ Ararat. Ọkpa vbe uwu ivbi ẹre ne a tie ẹre Esahadọn keghi la ukpo Ọgbaisi lele ẹe.

I Krọnikol 1:6

Ivbi uniẹn e Goma kegha re emwa Askẹnaz, Rifat kevbe Togama.

Aizaia 18:3

Wa danmwehọ, emwa hia ni rre otọ agbọn na! Wa gualọ afiala ama ya mu ba ye avbe uhunmwu oke, wa ghi danmwehọ okpe ne ọ tu.

Aizaia 37:38

Ọ ghi sẹ ẹdẹ ọkpa, vbe ọ ghi ga vbe aro e Nisrọk ne ẹbọ ne ọ gho, eva vbe uwu avbe ivbi ẹre nikpia, Adramẹlẹk kevbe Siarezẹ, keghi ya umozo iran gbe ẹe rua, iran na lẹ gha rrie otọe Ararat. Ovbi ẹre nokpia ọvbehe ne a tie ẹre Esahadọn keghi rhie ihe ẹre zẹvbe ọgbaisi.

Jerimaia 25:14

I gha ha e Babilọn osa emwi ne iran ru, avbe uhunmwu ẹvbo kevbe avbe ọba nibun ghi ya iran gha ru eviẹn.’ ”

Jerimaia 46:23

Ne iran na vbe ya ẹgbo khian ne gbẹlẹzẹ. Emwa iran bun gbe, ẹ i gia ka ivbiyokuo iran bun sẹẹ irhiso.

Jerimaia 50:2

“Na iyẹn ni ma avbe uhunmwu ẹvbo hia! Ya ẹe go! Mu igiemwi ẹnrẹn ladian ne u vbe ya ẹe na iyẹn! Ghẹ rhie ẹre lẹre zẹ vbe emwi oro! E Babilọn dee guọghua nẹ! E Madok ne ẹbọ ne ọ gho, a duẹ ọre ua nẹ! A fa iran an ighẹ avbe amazẹ e Babilọn! Avbe emwi ne a mannọẹn ne ọ hu ọmwa ẹko, a dunmwu ehia a!

Jerimaia 50:3

Uhunmwu ẹvbo okpa ke odẹ okuọ dee do dekun e Babilọn, te ọ ra ya ẹe khian ato. Te emwa nagbọn kevbe aranmwẹ oha! Ra lẹ kua vbọ, a i vbe miẹn emwa ne ọ gha di evba ya.”

Jerimaia 50:9

I ra ya bọ avbe uhunmwu ẹvbo eso ni wegbe vbe odẹ okuọ yọ ne iran dekun e Babilọn. Iran gha mwamwa egbe ye okuo ghe ẹvbo nii, iran ghi khọn rẹn, ohuẹ ni guee ẹsẹse ọ re iran khin, iran ni fi ifẹnmwẹ nẹi ba emwi ku.

Jerimaia 51:12

Wa tama iran ne iran dekun ekẹn e Babilọn. Wa viọ ẹvbo ba iran ni ba odẹ, wa gie iran ni khẹ odẹ gha khian, wa gie emwa ni gha lẹre gbakhẹ iran vbe odẹ.” E Nọyaẹnmwa ru emwi ne ọ wẹ rẹn gha ru ivbi e Babilọn re nẹ.

Jerimaia 51:14

Nọyaẹnmwa ne Oghodua ọ re ọ tobọ ẹre ya arrọọ irẹn tobọ ẹre vẹn ihẹn wẹ, rẹn gha viọ emwa nibun rre ne iran do gu e Babilọn gbinna zẹ vbe irhiso, iran gha vbe we uwemwẹ akhọnmiotọ.

Jerimaia 51:28

“Wa mu avbe agbọn ẹvbo egbe ne uwa ya khọn e Babilọn. Wa gie ne a tie avbe ọba e Midia, avbe ọkaolotu iran kevbe avbe ekhaẹmwẹ iran, deba avbe ivbiyokuo avbe otọe ne iran gbearoghe hia.

Jerimaia 6:1

Uvbi e Bẹnjamin, wa lẹ ne uwa rhie uhunmwu hin ẹbe rre! Wa lẹ ladian vbe Jerusalẹm! Wa kpe okpe vbe Tẹkoa, ne uwa hie erhẹn orhiema ye Bẹt-Hake-rẹm, ọkhọ kevbe omurhia ra ke odẹ okuọ gha dee.

Joẹl 3:9

“Wa ya ẹmwẹ na wewe, ma avbe uhunmwu ẹvbo wẹẹ, ‘Wa mu egbe okuo; wa si iyokuo uwa koko ne uwa khianmwu!

Emọs 3:6

A gha họn urhu okpe okuo vbe ẹvbo, ne ohan ghẹ mu emwa ni rrọ ra? Ọkhọ vbe sunu vbe ẹvbo ra vbene Nọyaẹnmwa ma na gie?

Zẹkaraia 14:2

E Nọyaẹnmwa gha si avbe uhunmwu ẹvbo hia kugbe ne iran do gu e Jerusalẹm gbinna. A gha khọn mu ẹvbo nii, a gha fu emwi ni rre owa vbọ viọ. A gha mu avbe ikhuo ni rrọ yagha. A gha wa ẹvbo nii ye ihe eva, obọkpa vbọ gha yo iwe, sokpan, a i ra viọ iran ni ghi dekẹe hin ore ẹvbo rre.

Giọgis 6:5

Iran ghi viọ ẹmila iran kevbe owa ukpọn iran ni bun vbe irhiso gha dee. A i sẹtin ka iran kevbe ogologo iran vbene iran ghi bun sẹ. Iran kegha rhia otọe nii uan.