Jerimaia 51:25 - Edo Bible (E Baibol Ẹdo) Version 1996

²⁵ E Babilọn, te u yevbe oke ne ọ fuẹn uhunmwu otọ agbọn hia, sokpan, mẹ ne Nọyaẹnmwa, oghian ruẹn ọ re imẹ khin. I gha dobọ mu ẹẹn, I ghi guoghọ ọ sẹ otọ, I ghi ya uwẹ khian emuẹn.

Jerimaia 51:25 ပူးပေါင်းရင်းမြစ်များ

Gẹnẹsis 11:4

Ẹghẹ nii, iran ghi na kha wẹẹ, “Wa gie ima do bọ owa ima, ne ogogoro ne Ọ rrọ wa yo sẹ iso, ma ghi ru ọkhae ne egbe mwa, ne a ghe ya tagha ima lele otọ agbọn hia.”

Psalm 138:7

Ibaro gha gba ogba ga mwẹ, wẹ ghi ye rhie mwẹ mwẹ vbe ai mwẹ ẹbe. U gu avbe eghian mwẹ ne ohu mu gbinna, u keghi ya ẹtin ruẹn miẹn mwẹ fan.

Aizaia 13:2

Tọn afiala okuo nii mu vbe uhunmwu oke ne ọ dihoi rua nii. Da tie avbe ivbiyokuo nii ne u vbe tọn obọ ruẹ mu da iran zẹ vbe igiemwi wẹ ne iran dekun onurho ẹvbo ne ọ tengbemu nii.

Jerimaia 25:12

“ ‘Vbe iyekọnii, I gha do rri e Babilọn kevbe ọba ẹre oya ye orukhọ iran. I gha fuẹn ẹvbo nii, I gha ya ẹe khian itowa ẹdẹdẹmwẹdẹ.

Jerimaia 25:9

‘I khian gie ya tie avbe emwa ni rre odẹ okuọ hia rre, kevbe ọguọmwadia mwẹ ighe e Nebukiadneza ne ọba e Babilọn, I gha viọ iran rre, ne iran do gu e Juda kevbe emwa ni rre uwu ẹre gbinna. Kevbe avbe ẹvbo ni sikẹ ọre hia. I khian fuẹn uhunmwu ẹvbo na kevbe avbe uhunmwu ẹvbo ni lẹga ẹre, I ghi ya ehia khian itowa ẹdẹdẹmwẹdẹ, emwi ne ọ mu ohan ne ọ ye egbe ku ọmwa ohiọnhiọn. Mẹ ne Nọyaẹnmwa ọ re ọ tae.

Jerimaia 50:25

I kie aza ne I viọ emwi igbinna mwẹ yi nẹ, I keghi vbe ya ohu viọ iran ladian, rhunmwuda, mẹ ne Nọyaẹnmwa ne Udazi, e Nọyaẹnmwa ne Oghodua, mwẹ emwi ne I ra ru vbe Babilọn.

Jerimaia 50:31

E Babilọn, uhiomwẹ wa gba ruẹ egbe rhunmwuda ọnii, mẹ ne Udazi, e Nọyaẹnmwa ne Oghodua, mu aro igbinna da ruẹ. Ẹghẹ sẹẹ nẹ ne I gha na rria ruẹ ikhi.

Jerimaia 51:53

Ọ gha khọn e Babilọn ne ọ khian la uwu iso ne ọ ya bọ ẹvbo ne a gbe odin ga ye odọ, te I gha ye gie emwa ne iran ya fuẹn ọnrẹn uan. Mẹ ne Nọyaẹnmwa taa ẹe nẹ.”

Jerimaia 51:58

A gha rrua ekẹn e Babilọn nọkhua gbe otọ. A ghi vbe giẹn avbe ẹkhu ẹre ne ẹrẹkhẹrẹ sẹ otọ. Iwinna avbe uhunmwu ẹvbo khian ekẹkan, ẹsọn iran giẹn uan vbe erhẹn. Mẹ ne Nọyaẹnmwa ne Oghodua guaan nẹ.”

Jerimaia 51:7

“Te Babilọn te ye vbe ukpu igoru vbe obọ mwẹ, ọ kegha ya ayọn ne otọ agbọn hia da ne ọ gha gbe iran. Avbe uhunmwu ẹvbo da ayọn rẹn, ẹrherhe iran keghi kulo.

Daniẹl 4:30

o keghi kha wẹẹ, “Ghe vbene Babilọn kpọlọ hẹ. Mẹ ọ re ọ bọọ ẹe ya ru igiogbe otọe mwẹ ne I ya rhie ma vbene ẹtin mwẹ kpọlọ sẹ hẹ kevbe iwegbe mwẹ, kevbe ẹtin ọba mwẹ.”

Zẹkaraia 4:7

Idobo ni ye vbe oke ni yo gha we yo hin odaro ruẹ rre. U gha dọlọ Ọgua Osa bọ. U gha ghi mu ibiriki ne okiekie yọ, emwa hia ghi wee, ‘Imose, imose!’ ”

II Pita 3:10

Sokpan Ẹdẹ Nọyaẹnmwa gha rre zẹ vbe oyi. Vbe Ẹdẹ ne ẹdẹnẹdẹrriọ, uwu owogho ne ọ khẹkhẹ ehọ, ọre a ra na ho iso bẹkun, avbe emwi ni wie yo wie rre vbe ideghedeghe aro iso ghi giẹn uan, ehia ghi la ọrhiae rrie, agbọn ke ẹe kevbe emwi ni rre uwu ẹre hia, ghi khian ne a ho bẹkun.

Arhie Maan 8:8

Odibosa ne ogieva keghi vbe fian okpe ọghọe re. Emwi ọkpa ne ọ ye vbe oke ne ọ yo ne ovbe zẹ ogidi erhẹn, iran keghi rrua ẹre fi uwu okun. A keghi wa ya obọ ọkpa vbe a wa okun ye ihe eha khian esagiẹn.