Jerimaia 51:24 - Edo Bible (E Baibol Ẹdo) Version 1996

²⁴ E Nọyaẹnmwa khare wẹẹ, “Wa gha miẹn ọẹn vbe I a gha ha e Babilọn osa emwi dan ne iran ru vbe Jerusalẹm.

Jerimaia 51:24 ပူးပေါင်းရင်းမြစ်များ

Psalm 79:10

Vbọzẹ ne avbe uhunmwu ẹvbo gha na gha nọ ima wẹẹ, “Osanobua uwa vbọ?” Gie ima bẹghe ẹre vbe u rri avbe uhunmwu ẹvbo nii oya, rhunmwuda ne iran na gbe esagiẹn emwa ruẹn ye otọ.

Aizaia 48:14

“Wa hia si koko, ne uwa danmwehọ! Ọkpa i rrọ vbe avbe ẹbọ ne ọ sẹtin tae yotọ wẹ ọmwa ne imẹ zẹe gha mu okuo yo Babilọn; emwi ne I ho ne ọ ru, ọ re ọ ra ru.

Aizaia 61:2

Ọ gie mwẹ ne I ya kha, wẹ ẹghẹ sẹ nẹ, ne Nọyaẹnmwa gha ya miẹn emwa rẹn fan. Ọ ghi vbe khọn eghian iran muotọ. Ọ giee mwẹ nẹ I ya fu iran ni khiẹ ẹko rre,

Aizaia 66:6

Wa danmwehọ o! Utumwẹ nọkhua ne ọ rre ore ẹvbo nii, owogho ne ọ rre uwu Ọgua Osa nii, utumwẹ ọghe eghian e Nọyaẹnmwa, ne Nọyaẹnmwa rri ẹre oya nọ!

Jerimaia 25:14

I gha ha e Babilọn osa emwi ne iran ru, avbe uhunmwu ẹvbo kevbe avbe ọba nibun ghi ya iran gha ru eviẹn.’ ”

Jerimaia 50:10

Iran gha fu emwi viọ vbe Babilọn. Iran ni fu emwi viọ vbọ gha viọ emwi nẹ ọ yẹ iran. Mẹ ne Nọyaẹnmwa tae nẹ.”

Jerimaia 50:15

Wa kpe orhu okuo lẹga ọre ẹvbo nii hia. Banbanna nian, e Babilọn de igue nẹ. A ha uvun la ekẹn ọnrẹn gberra, a keghi dunmwu ẹn ruan sẹ otọ. Te I ghi rria e Babilọn ikhi na. Rhunmwuda ọnii nian, wa vbe rria iran ikhi, ne uwa ru iran zẹ vbene iran vbe ru emwa ọvbehe.

Jerimaia 51:11

E Nọyaẹnmwa bọọ avbe ọba e Midia yọ rhunmwuda, ọ ho ne ọ fuẹn e Babilọn ruan. Erriọ ọ re ọ ra ya rria ikhi ye ẹmwẹ Ọgua Osa ọghọe ne iran guọghọ ua. Arowa avbe ivbiyokuo ni ra do gbinna tama iran wẹẹ, “Wa zẹ ifẹnmwẹ uwa ukpẹ! Wa viọ asa uwa mwẹ.

Jerimaia 51:23

ne I ya rẹnkhẹn avbe ọsuohuan kevbe avbe ohuan iran, ne I ya gbele avbe ọwẹe kevbe avbe ẹmila ne iran ya gua, ne I ya guọghọ avbe nikhaemwisẹ kevbe avbe ekhaẹmwẹ nekhua.”

Jerimaia 51:35

Wa gie ivbi e Zaiọn kha wẹẹ, “Iba ne emwa zẹẹ vbe egbe mwa, uhunmwu e Babilọn ọ re ọ ye!” Wa gie ivbi e Jerusalẹm kha wẹẹ, “Oya ne ima ree hia uhunmwu e Babilọn ọ re ọ ye.”

Jerimaia 51:49

E Babilọn gbele emwa nibun vbe agbọn na hia, banbanna nian, e Babilọn gha de rhunmwuda, ọ gbele ivbi Izrẹl nibun. Mẹ ne Nọyaẹnmwa taa ẹe nẹ.”

Jerimaia 51:56

Te iran rre do fuẹn Babilọn ruan kevbe ivbiyokuo ẹre hia, a vbe bunnọ uhanbọ iran. Osanobua ne ọ rria ikhi orukhọ mẹ khin, I gha ru e Babilọn emwi ne ọ ma ẹẹn.

Eve Orriara 3:64

“Rri iran oya ye emwi ne iran ru Nọyaẹnmwa.

Arhie Maan 18:20

Wa ne ẹrinmwi, wa gha ghọghọ ye ne okhuo na na fuan! Wa ne emwa Osanobua, wa gha ghọghọ, kevbe avbe ukọ kevbe avbe akhasẹ. Rhunmwuda emwi ne okhuo na ru uwa ẹre, ẹre Osanobua rria ẹre ikhi yi na.

Arhie Maan 18:24

A rri e Babilọn oya rhunmwuda, a miẹn esagiẹn avbe akhasẹ kevbe emwa Osanobua vbe ẹvbo nii, ẹn, ye ẹmwẹ esagiẹn emwa ne a gbele ua vbe otọ agbọn.

Arhie Maan 6:10

Iran keghi ye urhu ne ọ la datu wẹẹ: “Oghodua Nọyaẹnmwa, ne ọ huanrẹn kevbe ọmwa ẹmwata. Vbe ọ gha kpẹe sẹ hẹ yi u ke ya bu ohiẹn emwa ni rre agbọn, ne u vbe rri iran oya ye ne iran na gbele ima uan?”