Jerimaia 51:22 - Edo Bible (E Baibol Ẹdo) Version 1996

²² ne I ya gbele ikpia kevbe ikhuo, ne I gbele eniwanrẹn kevbe ibiẹka, ne I gbele ibiẹka ikpia kevbe ibiẹka ikhuo,

Jerimaia 51:22 ပူးပေါင်းရင်းမြစ်များ

II Krọnikol 36:17

Rhunmwuda ọnii, e Nọyaẹnmwa keghi gie ọba e Babilọn ne ọ mu okuọ gie iran. Ọba nii keghi gbele avbe igbama ni rre Juda, uhin ighẹ te ọ gbele iran vbe uwu Ọgua Osa, ọ ma vbe tohan ọmwa rhọkpa, ibiẹka kevbe ni khian ọmaẹn, ikpia kevbe ikhuo iran ne egbe rranrẹn kevbe iran nikhuọnmwi, Osanobua keghi wa filo iran hia ku ẹre obọ.

Aizaia 13:15

Ọmwaikọmwa ne obọ a rhirhi vba, a gha ye agbada bi ẹre gbua.

Aizaia 13:16

Vbe ne iran wa ghe iran nii, a gha sirra iran salọ ivbi iran uhunmwu vbe otọ gbelua, a gha fu emwi ni rre owa iran viọ, a ghi gha mu avbe amwẹ iran ya gha.”

Aizaia 13:18

Iran gha ya uhanbọ kevbe ifẹnmwẹ gbele avbe igbama, iran i ra vbe tohan avbe emobọ ra ibiẹka.

Aizaia 20:4

Ọgbaisi ọghe Asiria gha viọ avbe oghunmwu ne ọ munọ ẹn vbe ẹvbo eveva na gha rrie vbe irhunmwuirhun. Ke ibiẹka kevbe eniwanrẹn, iran gha ya owẹ mama otọ, iran ghi vbe gha khian vbe irhunmwuirhun, iran ghi munọ ikebe yotọ, ne iran fa Igipt rua.

Jerimaia 44:7

Rhunmwuda ọnii nian, te imẹ ne Nọyaẹnmwa ne Oghodua ne Osanobua Izrẹl ghi nọ nian wẹ, vbọzẹ ne uwa na ru egbe uwa emwi oya vbenian yi. Te uwa ho ne ọkhọ rruan ikpia kevbe ikhuo emọ obọ kevbe emọ owẹ, vbene a gha na miẹn wẹ, ẹ i ghi zẹdẹ kẹe vbe emwa uwa?

Jerimaia 50:37

Dunmwu avbe ẹsin kevbe avbe ikẹkẹ okuo ẹre! Uwu ọ re ọghe avbe ivbiyokuo ne ọ ve ẹre igho hẹ ba egbe. U miẹn vbe iran mitan hẹ! Dunmwu emwi ewe ẹre hia a, zanzan ẹn ne u vbe fu ẹre viọ.

Jerimaia 51:23

ne I ya rẹnkhẹn avbe ọsuohuan kevbe avbe ohuan iran, ne I ya gbele avbe ọwẹe kevbe avbe ẹmila ne iran ya gua, ne I ya guọghọ avbe nikhaemwisẹ kevbe avbe ekhaẹmwẹ nekhua.”

Jerimaia 6:11

Ohu iran ne ọ mu ẹẹn wa vbe giẹn vbe erhẹn vbe uwu ime, Nọyaẹnmwa, I i ghi sẹtin zin ẹnrẹn ọvbehe.” Ẹre Nọyaẹnmwa na tama mwẹ wẹẹ, “Hihiẹ ohu mwẹ yan avbe ibiẹka vbe adesẹ ore, kevbe ye ehe ne avbe igbama na si koko. A gha viọ avbe ọdọ kevbe avbe amwẹ kpao, a i ra vbe sẹ avbe ọmaẹn rae.

Eve Orriara 2:11

Aro mwẹ so oze ba ẹmwẹ eve, orhiọn mwẹ vbe rre uwu obalọ nọkhua. Akhiẹ ugbelemwẹ emwa mwẹ gbe mwẹ fi otọ. Ke emọ obọ kevbe emọ owẹ ehia gha sahẹ vbe adesẹ ore ẹvbo.

Eve Orriara 2:21

Ke ibiẹka kevbe eniwanrẹn, ehia wulo lele otọ vbe adesẹ ore ẹvbo. Avbe igbama kevbe ivbialeke ne umozo avbe eghian gbele ua. Ẹdẹ ne ohu mu uwẹ u keghi rẹnkhẹẹn iran an vbe ne a i na mwẹ itohan.

Ezikiẹl 9:6

Wa gbele avbe ediọnmwa, kevbe avbe edede, igbama kevbe ivbialeke, iye emọ kevbe emọ. Sokpan, wa ghẹ ya obọ kan emwa ne ama rre ọre uharo. Wa wa suẹn vbe Ọgua Osa mwẹ vbe emwa na.” Rhunmwuda ọnii, iran keghi wa ye avbe ọkaolotu ni mudia vbe Ọgua Osa vba suẹn.

Diuteronomi 32:25

Okuo gha gbele emwa ye ughe, ugborrirri ghi gbele emwa ye uwowa avbe igbama kevbe ivbialeke gha wulo, kevbe emọ obọ kevbe avbe ọmaẹn, ne a ra sẹrae i rrọọ.

I Samuẹl 15:3

Gha khian, ya dekun emwa Amalẹk ne u wa fuẹn emwi hia ne iran mwẹ uan fẹẹrẹ. Ghẹ sẹ emwi ọkpa rae, wa gbele ehia a, ikpia ikhuo, ibiẹka, emọ obọ, ẹmila, ohuan e kamẹl kevbe ekẹtẹkẹtẹ.”