Jerimaia 51:21 - Edo Bible (E Baibol Ẹdo) Version 1996

²¹ ne I ya zagha avbe ẹsin ke iran ni hin iran ne I ya guọghọ avbe ikẹkẹ okuo kevbe iran ni gua ẹe khian,

Jerimaia 51:21 ပူးပေါင်းရင်းမြစ်များ

Psalm 46:9

Ọ dobọ okuo yi vbe uhunmwu otọ agbọn hia ọ bunnọ avbe uhanbọ ọ vbiolo avbe asoro ọ keghi vbe giẹn avbe asa a vbe erhẹn.

Psalm 76:6

Ẹghẹ ne u na ya obọ sekhae ne iran Osanobua Jekọb, avbe ẹsin kevbe iran ni hin iran keghi dele, iran na wulo.

Ẹksọdọs 15:1

Ẹre Mosis kevbe ivbi Izrẹl na zẹ ihuan so ghe Nọyaẹnmwa wẹẹ, “I gha so ihuan ne Nọyaẹnmwa rhunmwuda ọ miẹn akhọnmiotọ ne ọ mwẹ uyi, ọ filo avbe ẹsin kevbe iran nii hin ẹnrẹn ku uwu okun.

Ẹksọdọs 15:21

E Miriam keghi so ihuan ne iran wẹẹ, “Wa so ihuan ghe Nọyaẹnmwa, ọ miẹn akhọnmiotọ ọghe uyi, ọ filo avbe ẹsin kevbe emwa nii hin iran ku uwu okun.”

Ẹksọdọs 15:4

Ọ filo ikẹkẹ okuo Igipt, kevbe ivbiyokuo ẹre ku uwu okun; ekhaẹmwẹ ọnrẹn nii maa sẹ, wulo ye uwu Okun Nọbaa.

Aizaia 43:17

Ọ viọ iyokuo ọrhẹnrhẹn la uwu ọfuan ivbiyokuo ikẹkẹ ematọn kevbe ẹsin. Iran dele gbotọ iran i ghi kpaegbe ẹdẹ, a ya ẹhoho dọ ẹre yọ vbene a dọ urhukpa yọ.

Jerimaia 50:37

Dunmwu avbe ẹsin kevbe avbe ikẹkẹ okuo ẹre! Uwu ọ re ọghe avbe ivbiyokuo ne ọ ve ẹre igho hẹ ba egbe. U miẹn vbe iran mitan hẹ! Dunmwu emwi ewe ẹre hia a, zanzan ẹn ne u vbe fu ẹre viọ.

Ezikiẹl 39:20

Vbe eteburu mwẹ, iran gha rri efun ẹsin zẹ vbene ẹko iran gha gua sẹ, kẹe kevbe iran ni hin iran kevbe ọghe avbe ivbiyokuo, kevbe emwa ni gbinna. Mẹ ne Nọyaẹnmwa ne Udazi ọ re ọ ta ẹe.”

Maika 5:10

E Nọyaẹnmwa khare wẹẹ, “Ọ gha sẹ ẹghẹ nii, I gha viọ avbe ẹsin uwa kpao, I ghi vbe guọghọ ikẹkẹ okuo uwa a.

Nahum 2:13

Nọyaẹnmwa ne Oghodua khare wẹẹ, “Oghian uwa ọ re I khin. I gha giẹn avbe ikẹkẹ okuo uwa a. A gha gbele avbe ivbiyokuo uwa vbe okuo. I gha vbe viọ emwi hia ne uwa miẹn emwa ọvbehe re gha rrie. A i ghi dọlegbe họn ẹmwẹ ukọ ruẹ ọvbehe.”

Hagai 2:22

I ghi ya avbe arriọba kevbe ẹtin iran uhunmwu rhu, I gha ya avbe ikẹkẹ okuo kevbe iran ni hin iran uhunmwu rhu, avbe ẹsin gha wulo, iran ni hin iran khian gha gbele egbe ua.

Zẹkaraia 10:5

Ivbi e Juda gha khọnmiotọ zẹ vbe ivbiyokuo ni ya owẹ gbele avbe eghian iran ye uwu ekhuọrhọ vbe adesẹ ore. Iran gha gbinna, rhunmwuda, e Nọyaẹnmwa rrọọ yaba iran, obọ iran gha vbe ke okhunmwu ne ẹsin avbe eghian.

Zẹkaraia 12:4

Ọ gha sẹ ẹghẹ nii, I gha runran avbe ẹsin iran, I ghi fi emwẹmwẹ ku iran ni hin ẹnrẹn uhunmwu. I gha tobọ mwẹ gha gbearoghe ivbi e Juda, sokpan, I gha rhu avbe ẹsin eghian iran aro.

Arhie Maan 19:18

Wa larre ne uwa do rri efun egbe ọghe avbe ọba kevbe ekaokuo nekhua, ivbiyokuo, efun ẹsin kevbe emwa ni hin iran, efun emwa hia kevbe eviẹn kevbe eni yan egbe iran, kevbe ni kpọlọ kevbe ni kanmwa!”